ARYNews.tv | Urdu – Har Lamha Bakhabar

Tag: بغداد ایئر پورٹ

  • بغداد ایئر پورٹ کے نزدیک امریکی بیس پر میزائل حملہ

    بغداد ایئر پورٹ کے نزدیک امریکی بیس پر میزائل حملہ

    عراق کے دارالحکومت بغداد میں انٹرنیشنل ایئرپورٹ کے نزدیک امریکی بیس پر کاتوشیا میزائل سے حملہ کیا گیا ہے۔

    عراقی خبر رساں ادارے آئی این اے کی سکیورٹی ذرائع کے حوالے سے شائع کردہ خبر کے مطابق ایک کاتوشیا میزائل بغداد ایئرپورٹ کی کھُلی اراضی میں گِرا اور دوسرا اسی علاقے میں انسدادِ دہشت گردی سروس کے پارکنگ ایریا میں گرا ہے۔

    عراقی ذرائع کے مطابق راکٹ بغداد ایئر پورٹ کے اس حصے میں داغے گئے جہاں امریکی اتحاد کے فوجی رہتے ہیں۔ راکٹ حملوں کے بعد ایئر پورٹ پر دھویں کے بادل چھا گئے۔ ابھی تک راکٹ داغے جانے کی تفصیلات اور ممکنہ طور پر جانی اور مالی نقصانات کی رپورٹ سامنے نہیں آئی اور کسی نے بھی حملے کی ذمہ داری تا حال قبول نہیں کی۔

    رپورٹس کے مطابق حملے میں کسی قسم کے جانی نقصان کی اطلاع موصول نہیں ہوئی، سکیورٹی فورسز نے بغداد کے علاقے امیریہ سے ایک میزائل فائرنگ پیڈ کو بھی تحویل میں لیا ہے۔

    دوسری جانب اسرائیل نے غزہ کی طرز پر اب لبنان میں بھی فضائی حملوں کے بعد زمینی کارروائی شروع کردی، گزشتہ 24 گھنٹوں میں 136 افراد جان کی بازی ہار گئے۔

    لبنانی حکام کے مطابق بیروت کے جنوب میں واقع عین الدلب میں کم از کم 45 افراد ہلاک ہو چکے ہیں، جس سے گزشتہ 24 گھنٹوں میں اسرائیلی حملوں کے نتیجے میں لبنان میں ہلاک ہونے والوں کی تعداد 136 تک پہنچ گئی ہے۔

    رپورٹ کے مطابق ہلاک ہونے والوں میں پاپولر فرنٹ فار دی لبریشن آف فلسطین کے تین اراکین بھی شامل ہیں جو بیروت کے علاقے کولا میں مارے گئے، جہاں اسرائیل نے جنوبی مضافات کے علاوہ پہلی بار دارالحکومت پر حملہ کیا۔

    اسرائیل نے آگاہ کردیا ہے کہ حزب اللہ کے خلاف محدود کارروائی کررہے ہیں، میتھیو ملر

    حسن نصراللہ کی ہلاکت کے بعد حزب اللہ کے نائب سربراہ نعیم قاسم نے اپنے پہلے خطاب میں کہا کہ حزب اللہ اسرائیلی زمینی حملے کا مقابلہ کرنے کے لیے تیار ہے۔

  • عراق جانے والے پاکستانی زائرین بغداد ایئر پورٹ پر پھنس گئے

    عراق جانے والے پاکستانی زائرین بغداد ایئر پورٹ پر پھنس گئے

    بغداد : عراق جانے والے پاکستانی زائرین بغداد ایئر پورٹ پرپھنس گئے ، مسافروں کا کہنا ہے کہ ایئرلائن عملہ غائب ہے اور پاسپورٹ نہیں دیئے جارہے۔

    تفصیلات کے مطابق عراق جانے والے پاکستانی زائرین بغداد ایئرپورٹ پر پھنس گئے، غیرملکی ایئرلائن کا عملہ بغداد ایئرپورٹ سے غائب ہوگیا ، جس سے پاکستانی زائرین کو بغداد ایئر پورٹ پر شدید مشکلات کا سامنا ہے۔

    غیرملکی ایئرلائن کےمسافر کا کہنا ہے کہ عراقی حکام کچھ بتانےکوتیارنہیں، ایئرلائن عملہ غائب ہے اور پاسپورٹ نہیں دیےجارہے

    ذرائع کے مطابق زائرین جب پاکستان واپسی کیلئےبغدادایئرپورٹ پہنچےتوعملہ نہیں تھا ، زائرین کا تعلق کراچی، حیدرآباد، لاڑکانہ، راولپنڈی ودیگرشہروں سے ہے۔

  • بغداد ایئر پورٹ پر امریکی فضائی حملہ، ایرانی جنرل سمیت 9 افراد ہلاک

    بغداد ایئر پورٹ پر امریکی فضائی حملہ، ایرانی جنرل سمیت 9 افراد ہلاک

    بغداد: عراق کے شہر بغداد کے ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہو گئے۔

    تفصیلات کے مطابق بغداد ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہو گئے، فضائی حملے میں ہلاک جنرل قاسم سلیمانی القدس فورس کے سربراہ تھے، عراقی میڈیا کا کہنا ہے کہ دیگر ہلاک شدگان میں ایران نواز ملیشیا الحشد الشعبی کا رہنما بھی شامل ہے۔

    ادھر واشنگٹن میں پینٹاگون نے بھی جنرل سلیمانی کی امریکی حملے میں ہلاکت کی تصدیق کر دی ہے، پینٹاگون کا کہنا ہے کہ امریکی صدر ڈونلڈ ٹرمپ کے احکامات پر ایرانی جنرل کو نشانہ بنایا گیا، یہ کارروائی ایران کو مستقبل میں حملوں سے روکنے کے لیے کی گئی ہے۔

    امریکی صدر ٹرمپ نے ایرانی جنرل کی بغداد ایئر پورٹ حملے میں ہلاکت کے بعد ٹویٹ بھی کیا، جس میں انھوں نے امریکی جھنڈے کی تصویر لگائی۔

    خبر ایجنسی کے مطابق بغداد انٹرنیشنل ایئر پورٹ پر 3 راکٹ کارگو ٹرمنل کے قریب گرے جس سے 2 گاڑیوں میں آگ لگی، حملے کے بعد بغداد انٹرنیشنل ایئر پورٹ پر تمام پروازیں منسوخ کر دی گئیں، ایئر پورٹ پر امریکی ہیلی کاپٹروں کا فضائی گشت بھی جاری ہے۔ امریکا نے الحشد الشعبی پر گزشتہ دنوں سفارت خانے کے گھیراؤ کا الزام لگایا تھا، الحشد الشعبی کی جانب سے ایک رہنما کی ہلاکت کی تصدیق ہو گئی ہے۔

    امریکی فوج کے عراق اور شام میں ایرانی حمایت یافتہ ملیشیا پر فضائی حملے

    خیال رہے کہ 30 دسمبر کو بھی امریکی فوج نے عراق اور شام میں ایرانی حمایت یافتہ ملیشیا پر فضائی حملے کیے تھے، امریکی وزیر دفاع مارک ایسپر کے مطابق کتیب حزب اللہ کے اسلحہ ڈپو سمیت 5 ٹھکانوں پر فضائی حملے کیے گئے۔ ایران کے خلاف مزید اقدامات کا عندیہ دیتے ہوئے مارک ایسپر نے کہا تھا کہ امریکا ایران کے خلاف مزید کارروائیوں کے لیے بھی تیار ہے۔

  • بغداد ایئر پورٹ پر پھنسے 120 پاکستانیوں کی حکومت سے امداد کی اپیل

    بغداد ایئر پورٹ پر پھنسے 120 پاکستانیوں کی حکومت سے امداد کی اپیل

    راولپنڈی : بغداد ایئر پورٹ پر پھنسے 120پاکستانیوں نے وطن واپسی کیلئے حکومت سے امداد کی اپیل کی ہے، مذکورہ افراد کو ٹریول ایجنٹ نے وقت پر پاسپورٹ فراہم نہیں کیے تھے۔

    تفصیلات کے مطابق بغداد ایئرپورٹ پر پاکستانی زائرین گزشتہ36گھنٹے سے محصور ہیں، اس حوالے سے ذرائع کا کہنا ہے کہ ٹریول ایجنٹ کی جانب سے بروقت ٹکٹ اور پاسپورٹ نہ دینے سے زائرین وہیں پھنس کر رہ گئے۔

    سخت سردی کے موسم میں بچے، بوڑھے اورخواتین ایئر پورٹ لاؤنج کے فرش پر بیٹھنے پر مجبور ہیں، متاثرہ زائرین کا کہنا ہے کہ ہمارے پاس کھانے پینے اور واپسی کے ٹکٹ کیلئے رقم بھی موجود نہیں ہے۔

    ذرائع کے مطابق سردی اور بھوک کے باعث کئی افراد بیمار ہوچکے ہیں، زائرین نے اپیل کی ہے کہ حکومت پاکستان ہماری فوری مدد کرے، بغداد ایئرپورٹ پر پھنسے زائرین کی تعداد120بتائی جاتی ہے۔