Tag: بغداد

بغداد: عراق میں جنگ سے متاثر بچوں کا تعلیمی سلسلہ بحال کرنے کے لیے بس کو اسکول بنادیا گیا، بے گھر بچے حصول تعلیم کے لیے پرجوش ہیں۔

تفصیلات کے مطابق عراق کے دارالحکومت بغداد میں بچوں کا مستقبل تاریکی سے بچانے کے لیے بس میں اسکول بن گیا، غیرسرکاری تنظیم کی جانب سے قائم بے گھر بچوں کے اس چلتے پھرتے اسکول عراقی نصاب پڑھایا جاتا ہے۔

اسکول بس میں پڑھنے والے بچوں کو آٹھ ماہ بعد سرکاری اسکولوں میں داخل کرایا جاسکتا ہے، جھونپڑیوں میں رہنے والے بچوں کے لیے تعلیمی سلسلے کے ساتھ غیرنصابی سرگرمیاں بھی جاری ہیں۔

رپورٹ کے مطابق بس کا نام ’دی ہوپ بس‘ رکھا گیا ہے جبکہ بس کی سیٹوں کو ہٹا دیا گیا ہے اور اس کی جگہ 20 اسکول ڈیسک رکھ دیا گیا ہے جس میں 50 سے زائد بچے تعلیم حاصل کررہے ہیں۔

اسکول بس میں پردے لگائے ہیں اور بچوں کے لیے کھلونے، ٹیلی ویژن سیٹس سمیت بلیک بورڈز لگائے گئے ہیں، اسکول میں زیادہ تر بچے اسٹریٹ چلڈرن ہے جنہوں سے اس سے قبل تعلیم حاصل نہیں کی ہے۔

ایک طالبہ سارا باسم نے کہا کہ ’اس بس اسکول میں آنے سے قبل میں کبھی اسکول نہیں گئی، میں یہاں سے ابتدائی تعلیم حاصل کرکے اعلیٰ تعلیم حاصل کرنا چاہتی ہوں۔‘

A bus converted into a school helps Iraqi children get an education | https://t.co/AUbQtvExsQ pic.twitter.com/3yln8fR1z2

— RTÉ News (@rtenews) January 22, 2019

ایک اور طالب علم علی نے کہا کہ میری عمر سات سال ہے، میں شہر کے مختلف علاقوں سے کچرا اکٹھا کرکے گزر بسر کرتا تھا لیکن اب اس بس اسکول میں آکر تعلیم حاصل کررہا ہوں۔

بس اسکول بنانے کا خیال فراس ال بیاتی کے ذہن میں‌ آیا جو وکیل ہونے کے ساتھ ساتھ جسٹس این جی او سے وابستہ ہیں۔

فلاحی تنظیم کی جانب سے بس اسکول کا پہلا اسٹاپ ’رشید کیمپ‘ کو بنایا گیا ہے، تنظیم کی جانب سے غریب اور پسماندہ لوگوں کے لیے شیلٹر ہومز بھی بنائے جائیں گے۔

بغداد: شمالی علاقے ہویجا سے 400 افراد کی اجتماعی قبریں دریافت ہوئی ہیں جنہیں مبینہ طور انتہا پسند تنظیم داعش کے شدت پسندوں نے قتل کر کے اجتماعی قبر میں دفن کردیا تھا.

غیرملکی خبر رساں ایجنسی کے مطابق 400 افراد کی اجتماعی قبریں عراق کے شمالی علاقے ہویجا سے برآمد ہوئیں، یہ علاقہ 2014 سے داعش کا گڑھ رہا ہے اور حال ہی میں عراق کی اتحادی افواج نے شدت پسندوں کے چنگل سے یہ علاقہ خالی کرایا ہے.

دوسری جانب عراق کے صوبے کرکوک کے گورنر رکن سعید کی جانب سے جاری بیان میں اجتماعی قبروں کی برآمدگی کی تصدیق کرتے ہوئے بتایا کہ لاشوں میں سے اکثر نے سول لباس پہنے ہوئے تھے جب کہ کچھ کے جسموں پر فوجی وردی تھی.

عراقی گورنر نے مزید بتایا کہ اجتماعی قبریں فوجی بیس کے قریب سے برآمد ہوئیں جسے کچھ عرصے قبل تک داعش نے ایک متقل گاہ بنا رکھا تھا اور مذکورہ اجتماعی قبر بھی قیدیوں یا اسیر افراد کی لگتی ہیں جن میں عام افراد اور فوجی اہلکار کی لاشیں بھی ہیں.

گورنر رکن سعید نے کہا کہ عراقی فورسز نے بڑے پیمانے پر آپریشن کر کے رواں برس اکتوبر میں ہی اس علاقے کو قابض دہشت گردوں سے آزاد کروایا ہے جس کے بعد اکثر داعش جنگجو مارے گئے اور کچھ یہاں سے فرار ہوگئے.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔