Tag: بلال اظہر کیانی

اسلام آباد : وزیرمملکت خزانہ بلال اظہر کیانی نے مہنگائی میں کمی کا دعویٰ کرتے ہوئے کہا آئی ایم ایف پروگرام معاشی استحکام کی بنیاد بنا۔

تفصیلات کے مطابق وزیر مملکت خزانہ بلال اظہر کیانی نے پریس کانفرنس کرتے ہوئے کہا حکومتی اقدامات کی بدولت مہنگائی میں نمایاں کمی ہوئی ، گزشتہ مالی سال میں لوگوں کی معاشی کارکردگی بہتررہی، آئی ایم ایف پروگرام معاشی استحکام کی بنیاد بنا۔

وزیر مملکت خزانہ نے بتایا کہ ایف بی آر کے ریونیو میں 26 فیصد گروتھ حاصل کی، گزشتہ مالی سال میں کرنٹ اکاؤنٹ سرپلس بھی حاصل کیا جبکہ زرمبادلہ کے ذخائربھی بڑھے۔

ان کا کہنا تھا کہ آئی ایم ایف جانے کی اصل وجہ زرمبادلہ کےذخائرمیں کمی تھی، 20 جون کی تاریخ تک ریزرو 14ارب ڈالرپرکھڑے تھے۔

بلال اظہر نےکہا پارلیمنٹ اور اتحادیوں کے شکر گزار ہیں کہ بجٹ منظور ہوا، ہم نے میکرو اکنامک استحکام کا سفر بھی جاری رکھنا ہے ، معیشت میں گروتھ کو مزید بڑھانا ہےتاکہ ایکسپورٹ بڑھے۔

وزیر مملکت کا مزید کہنا تھا کہ چاہتے ہیں معیشت میں ایسی گروتھ ہو جس سے ہر پاکستانی مستفید ہو، وزیراعظم کاہدف ہےکہ ہمیں آئی ایم ایف دوبارہ نہ جانا پڑے۔

اسلام آباد : ن لیگ کے رہنما بلال اظہر کیانی کا کہنا ہے کہ بانی پی ٹی آئی کی اسٹیبلشمنٹ سے براہ راست بات کی خواہش تھی جو پوری نہیں ہوئی۔

تفصیلات کے مطابق مسلم لیگ(ن) کے رہنما اور پائیدار ترقی کی ٹاسک فورس کے سربراہ بلال اظہر کیانی نے اے آر وائی نیوز سے خصوصی گفتگو کرتے ہوئے کہا کہ بانی پی ٹی آئی سنگین جرائم پرجیل میں ہیں ،براہ راست بات نہیں ہوسکتی۔

بلال اظہر کا کہنا تھا کہ مذاکراتی کمیٹی بانی پی ٹی آئی نے ہی بنائی امید ہے اس بار دوڑ نہیں جائیں گے، بانی کی ابھی تک اسٹیبلشمنٹ سے براہ راست بات کی خواہش پوری نہیں ہوئی۔

ن لیگی رہنما نے کہا کہ بانی پی ٹی آئی کی پوری سیاست بیساکھیوں پر ہے، اب اس کو عادت ہوگئی ہے، عمران خان نے اپوزیشن، دھرنے اور حکومت بھی بیساکھیوں پرہی کی، ان کو سیاسی ڈائیلاگ اور طریقہ کار نہیں پتہ۔

انھونے دعویٰ کیا کہ نوازشریف کو سازش سے ہٹانے والوں میں قمرباجوہ ،فیض حمید شامل تھے، اُس وقت جو اہم منصبوں پر تھے وہ نوازشریف حکومت گرانے میں ملوث تھے۔

عمران خان کے حوالے سے ٹاسک فورس کے سربراہ کا کہنا تھا کہ عمران خان تو قمرباجوہ کو بہت ڈیموکریٹ کہتے تھے پھر کہا انہوں نے مجھے نکالا، وہ پھر اسی قمر باجوہ کیساتھ بیٹھ گئے، سال 2018 انتخابات میں آرٹی ایس بٹھانے والوں کا احتساب ہونا چاہیے۔

اسلام آباد : نیشنل پارلیمنٹری ٹاسک فورس کے کنوینئر بلال اظہر کیانی کا کہنا ہے کہ پی ٹی آئی حکومت نے ملک کوڈیفالٹ کےدہانےپر پہنچایا، اب عوام کو فیصلہ کرنا ہوگا 9 مئی والوں کیساتھ ہیں یامہنگائی ختم کرنےوالوں کیساتھ ہیں۔

تفصیلات کے مطابق نیشنل پارلیمنٹری ٹاسک فورس کے کنوینئر بلال اظہر کیانی نے نیوزکانفرنس کرتے ہوئے کہا کہ وزیراعظم شہباز شریف نے عوام کوتمام مشکلات سےآگاہ کیاہے، حکومت مہنگائی میں کمی سمیت عوام کو ریلیف دینےکیلئےکوشاں ہے، بنیادی ضرورت کی اشیا کی قیمتوں میں کمی لاناحکومت کی ترجیح ہے۔

ان کا کہنا تھا کہ خراب معاشی حالات میں حکومت سنبھالی، توڑپھوڑکرنےوالی جماعت نےمعیشت کوتباہ کیا، پی ٹی آئی حکومت 2کروڑ لوگوں کو خط غربت کی لکیرسے نیچے دھکیل کرگئی۔

ٹاسک فورس کے کنوینئر نے کہا کہ پی ٹی آئی حکومت نےاداروں کوتباہ کیا اور ملک کوڈیفالٹ کےدہانےپرپہنچایا، اب عوام کوفیصلہ کرنا ہوگا 9 مئی والوں کیساتھ ہیں یا مہنگائی ختم کرنےوالوں کیساتھ ہیں۔

بلال اظہر کیانی کا کہنا تھا کہ مرکزی اورپنجاب حکومت عوام کی ترقی کیلئےکام کررہی ہے، حکومتی اقدامات کی وجہ سےمہنگائی کی شرح میں کمی ہوئی ہے، حکومت مہنگائی کی شرح3سال کی کم ترین مدت سے نیچے لے آئی ہے۔

نیشنل پارلیمنٹری ٹاسک فورس کے کنوینئر نے بتایا کہ عوام کی قوت خریدکومزیدآسان کرناہے، ہماراکام آلوپیازکی قیمتوں کوبھی دیکھنا ہے تاکہ عوام کا چولہا جل سکے جبکہ حکومت عوام کوروزگارفراہم کرنے کیلئے وسائل پیدا کرنے کیلئے کوشاں ہے.

انھوں نے کہا کہ 2013سے2018تک نوازشریف نےملک کوترقی دی، نوازشریف نےلوڈشیڈنگ کاخاتمہ کردیاتھا، جب ڈسٹری بیوشن کمپنیاں درست ہاتھ میں جائیں گی توحالات بہتر ہونگے۔

ان کا مزید کہنا تھا کہ  200یونٹ تک بجلی صارفین کو50ارب روپےکی سبسڈی دےرہےہیں، پنجاب میں عوام کومفت ادویات فراہم کی جارہی ہیں، عوام کوہرممکن ریلیف دینےکی کوشش کررہے ہیں۔