نیویارک: بلاول بھٹو زرداری نے کہا ہے کہ پاک بھارت جنگ کس نے جیتی، آسان جواب یہ ہے کہ کون اپنی عوام سے جھوٹ بول رہا ہے۔
اقوام متحدہ ہیڈکوارٹر میں بلاول بھٹو نے چینی میڈیا کو انٹرویو دیتے ہوئے کہا کہ یہ بھی دیکھنا چاہیے کون سا میڈیا اپنی عوام کو گمراہ کررہا ہے، کون سی حکومت تنازع کے دوران اور بعد میں اپنی عوام سے جھوٹ بول رہی تھی، بھارتی حکومت اپنی عوام سے حقیقت کیوں چھپارہی ہے
سابق وزیرخارجہ بلاول بھٹو زرداری نے کہا کہ بھارتی حکومت کو یہ تسلیم کرنے میں ایک ماہ لگا کہ ان کے طیارے گرائے گئے، سچ یہ ہے کہ بھارت جنگ ہارگیا ہے اسی لیے اپنی عوام سے حقیقت چھپارہا ہے۔
انھوں نے کہا کہ پاکستان نے 6 بھارتی طیارے مار گرائے، مستقل جنگ بندی کیلئے ہم عالمی برادری سے کردار ادا کرنے کی اپیل کرتے ہیں۔
بلاول نے کہا کہ جنگ کسی کے مفاد میں نہیں، پاکستان بات چیت کیلئے تیار ہونے کا کہہ چکا ہے، صرف بھارت ہے جو کہتا ہے کہ وہ بات چیت کیلئے تیار نہیں ہے، بھارت کے انکار پر ظاہر ہے یہ صورتحال پائیدا نہیں ہے۔
انھوں نے کا کہ عالمی برادری سے رابطے کررہے ہیں، امن کےقیام میں اپنا کردار ادا کرے، عالمی برادری مسئلہ جموں و کشمیر کے حل کیلئے اپنا کردار ادا کرے،
عالمی برادری آبی تنازع کے حل میں کردار ادا کرے، دہشت گردی کے موضوع پر مناسب گفتگو میں بھی عالمی برادری کردار ادا کرے، سب سے اہم اور ممکنہ کامیابی ڈائیلاگ شروع کرنے پر ہوگی، بات چیت اور سفارتکاری سے ہم کسی بھی مسئلے کو حل کرسکتے ہیں۔
بلاول بھٹو نے کہا کہ پاکستان بھارت سے بات چیت کیلئے تیار ہے، ہم امن چاہتے ہیں لیکن امن تب تک ممکن نہیں جب تک ڈائیلاگ میں شامل نہ ہوں۔
انھوں نے کہا کہ جنگ بندی کے حصول میں بھی عالمی برادری کی شمولیت پر انحصار کیا، عالمی برادری اسی طرح کردار ادا کرے تو جنوبی ایشیا میں دائمی امن ہوسکتا ہے۔
https://urdu.arynews.tv/pakistani-delegation-meet-us-ambassador/
