چیئرمین پی پی کے ترجمان مرتضیٰ وہاب نے کہا ہے کہ حکومت سازی میں بلاول بھٹو نے وزیراعظم بننے کی پیشکش کو ٹھوکر مارکر مسترد کیا۔

پاکستان پیپلزپارٹی کے چیئرمین بلاول بھٹو کے ترجمان مرتضیٰ وہاب نے اپنے بیان میں کہا کہ بانی پی ٹی آئی وزیراعظم بننے کیلئے کبھی 9 مئی تو کبھی اسلام آباد پر لشکرکشی کرتے ہیں، بلاول بھٹو نے وزیراعظم بننے کی پیشکش کوٹھوکر ماری۔

ترجمان بلاول بھٹو زرداری نے کہا کہ اقتدار خطرے میں دیکھ کر ملک پر معاشی بحران مسلط کرنے والے کا کردار کبھی نہیں بھلایا جائےگا۔

شہباز شریف کو ہٹانے اور بلاول کو لانے کیلئے ایوان صدر میں خفیہ ملاقاتیں ہورہی ہیں: بیرسٹر سیف

مرتضیٰ وہاب کا کہنا تھا کہ چور دروازے سے اقتدار حاصل کرنے والے پر الزام لگانے سے قبل اپنا گریبان جھانکیں، بلاول بھٹو کسی خفیہ مشن کے نتیجے میں نہیں عوام کی حمایت سے وزیراعظم بنیں گے۔

خیال رہے کہ وزیراعلیٰ خیبرپختونخوا کے مشیر برائے اطلاعات بیرسٹر سیف نے شہباز شریف کو ہٹانے اور بلاول کو لانے کیلئے ایوان صدرمیں خفیہ ملاقاتوں کا انکشاف کیا ہے۔

وزیراعلیٰ کےپی کے مشیر برائے اطلاعات بیرسٹر سیف کا کہنا تھا کہ شہباز کو ہٹانے بلاول کو لانے کیلئے ایوان صدر میں خفیہ ملاقاتیں جاری ہیں لیکن عوامی رائے کے برعکس جو بھی وزیراعظم آئے گا اپنے منطقی انجام تک پہنچے گا۔

پاکستان کے سابق وزیر خارجہ بلاول بھٹو نے کہا ہے کہ بھارتی وزیراعظم اتنے پراعتماد ہوتے کہ وہ پاکستان آسکتے ہیں تو وہ خود آتے۔

اے آر وائی نیوز سے گفتگو کرتے ہوئے چیئرمین پاکستان پیپلز پارٹی اور بھارت میں ہونے والی ایس سی او کانفرنس میں بطور پاکستانی وزیر خارجہ شرکت کرنے والے بلاول بھٹو زرداری نے کہا کہ یہ بھارت کا ہی فیصلہ تھا کہ ہمارے ملک میں کسے بھیجنا ہے، اگر بھارتی وزیراعظم اتنے پراعتماد ہوتے تو وہ اس تناظر میں پاکستان آسکتے تو وہ خود آتے۔

بلاول بھٹو نے کہا کہ اگر بھارتی وزیراعظم یہ سمھجھتے ہیں کہ ان کی بہتر نمائندگی ان کے وزیرخارجہ کرسکتے ہیں تو یہ ان کا فیصلہ ہے۔

مگر اس کانفرنس کی کامیابی تو ضرور ہے کہ بھارت اور پاکستان کے آپس کے مسئلے اپنی جگہ مگر پاکستان میں ہونے والا ایس سی او کانفرنس کامیابی کی جانب گامزن ہے۔

پی پی چیئرمین نے کہا کہ یہ پاکستان کے لیے بہت فخر کی بات ہے کہ ہم نہ صرف پاکستان میں ایس سی او سمٹ کی میزبانی کررہے ہیں بلکہ پاکستانی کی قیادت میں یہ کانفرنس ہورہی ہے۔

انھوں نے کہا کہ پچھلے جو شنگھائی کانفرنس رہے ہیں میں اس میں بطور وزیر خارجہ شرکت کرچکا ہوں، میری جو بھی انوالومنٹ اور محنت رہی وہ اسی چیز کو سامنے رکھتے ہوئے تھی کہ پاکستان میں اس سال یہ کانفرنس ہونا تھا۔

بلاول نے کہا کہ پاکستان کو اپنی باری آنے پر اس کی قیادت کرنا تھی، میں اسی تناظر میں محنت کررہا تھا کہ جب پاکستان اس کانفرنس کی میزبانی کرے تو یہ بھی کامیاب ہو۔

انھوں نے کہا کہ تمام ممالک کے وزیراعظم اس کانفرنس کے لیے پاکستان میں موجود ہیں، جہاں تک بھارت کا تعلق ہے تو میں آپ کے سوال کو سمجھتا ہوں، اسی لحاظ سے میں ازبکستان میں گیا تو وزیراعظم بھی ہمراہ تھے۔

بلاول بھٹو نے کہا کہ ہم نے فیصلہ کیا تھا کہ تمام مشکلات کے اور بھارت میں حالات کے باوجود وہاں جانے کا فیصلہ کیا جب بھارت میں سی ایف او کانفرنس تھی تو میں پاکستان کا پہلا وزیر خاجہ بنا جو اتنے سالوں بعد گیا۔

میں نے وہاں پاکستان کا موقف کانفرنس اور میڈیا میں رکھا، یہ جو فیصلہ کیا گیا کہ اس اجلاس میں بھارت کا وزیرخاجہ آئے گا میں اسے خوش آمدید کہتا ہوں۔

اسلام آباد : چیئرمین پیپلز پارٹی بلاول بھٹو زرداری کا کہنا ہے کہ میں وزیرقانون ہوتا تو 25 اکتوبر سے پہلے آئینی ترامیم منظور کرانے کی کوشش کرتا۔

تفصیلات کے مطابق چیئرمین پیپلز پارٹی بلاول بھٹو زرداری نے گفتگو کرتے ہوئے کہا کہ حکومت چاہے گی کہ آئینی ترمیم پچیس اکتوبر سے پہلے ہو، میں وزیرقانون ہوتا تو 25 اکتوبر سے پہلے آئینی ترامیم منظور کرانے کی کوشش کرتا۔

چیئرمین پی پی کا کہنا تھا کہ حالات دیکھ کر حکومت ضروری چاہےگی کہ ترمیم جلد سےجلد منظور کرالیں اور ہماری کوشش ہے اتفاق رائے سے آئینی ترامیم منظور کرائے، اتفاق رائے کے لیے ہی ابھی تک حکومت انتظار کررہی ہے تاہم آئینی عدالت کے سربراہ کاتقررکون کرے گا اس پر حتمی فیصلہ نہیں ہوا۔

انھوں نے کہا کہ پیپلز پارٹی آئینی ترمیم کیلئے ارکان کی خرید فروخت نہیں، سیاسی جماعتوں مین اتفاق رائے چاہتی ہے، آج بھی پی ٹی آئی کیلئے ہمارے دروازے کھلے ہیں لیکن پی ٹی آئی عدالتی اصلاحات میں رکاوٹ ڈالنا چاہتی ہے۔

پیپلز پارٹی چیئرمین نے بتایا کہ قاضی فائز عیسیٰ نے اپنا اختیار دوسرے ججز کے ساتھ شیئر کیا، ہم چیف جسٹس قاضی فائزعیسیٰ اور جسٹس منصورعلی شاہ کی بہت عزت کرتے ہیں۔

یاد رہے چند روز قبل ان کا کہنا تھا کہ 25 سے پہلے ترامیم ہوئیں تو 19ویں ترمیم جیسی مشکلات نہیں ہوں گی، اگر ترامیم کو میں لیڈ کرتا تو پی ٹی آئی کو بھی ساتھ رکھتا کیونکہ مولانا فضل الرحمان کی خواہش ہے پی ٹی آئی کو بھی ساتھ لیا جائے۔

بلاول بھٹو زرداری نے کہا ہے کہ سندھ میں پبلک پرائیویٹ منصوبے کامیاب ہوئے، اداروں کی نجکاری کے بجائے پبلک پرائیوٹ پارٹنرشپ کی جائے۔

چیئرمین پیپلزپارٹی بلاول بھٹو زرداری نے عالمی یومِ مزدور کی تقریب سے خطاب کرتے ہوئے کہا کہ پی آئی اے اور اسٹیل مل کی نجکاری کے معاملے پر ہمارا موقف واضح ہے، پبلک پرائیویٹ پارٹنر شپ کے تحت بڑے منصوبے کامیاب ہوئے ہیں۔ وزیرخزانہ بھی پبلک پرائیویٹ پارٹنرشپ کو پسند کرتے ہیں۔

انھوں نے کہا کہ حکومت کو سمجھائیں گے نجکاری کے بجائے پبلک پرائیویٹ پارٹنرشپ کریں۔ اسٹیل مل کی زمین سندھ حکومت کی ملکیت ہے۔ سندھ حکومت کے ان پٹ کے بغیر اسٹیل مل پر فیصلے نہیں کرنے چاہیئں، سندھ حکومت اسٹیل مل خرید کر بہتر طریقے سے چلاکر دکھائے گی۔

بلال بھٹو کا کہنا تھا کہ حکومت پی آئی اے کی نجکاری کررہی ہے تو مزدوروں کو بھی شیئردے۔ نجکاری سے بہتر ہے کہ پبلک پرائیوٹ پارٹنرشپ کی طرف بڑھیں۔

چیئرمین پی پی نے کہا کہ یوم مزدورمنانے پر پیپلزپارٹی لیبر بیورو کا شکریہ ادا کرتا ہوں، مزدوروں کے خون پسینے کی وجہ سے دنیا کی معیشت چلتی ہے، اگر اشرافیہ پیسہ کماتے ہیں تو وہ مزدوروں کی محنت کی وجہ سے کماتے ہیں۔

بلاول نے کہا کہ پیپلز پارٹی کا فسلفہ سادہ ہے کہ مزدوروں کو محنت کا صلہ ملنا چاہیے۔ پیپلز پارٹی اپنے قیام سے آج تک مزدوروں کے لیے جدوجہد کررہی ہے، قائد عوام شہید بھٹو نے آئین میں مزدوروں کیلئے حقوق رکھے ہیں، بےنظیر بھٹو نے مزدوروں کی جدوجہد کو آگے بڑھایا۔

انھوں نے کہا کہ صدر آصف زرداری نے اٹھارویں ترمیم میں مزدوردشمن قوانین ختم کیے، سندھ میں لیبر کو طاقتور کرنے کیلئے قانون سازی کی جس پر فخر ہے، خواتین کے حقوق کے لیے سندھ اسمبلی میں قانون سازی کی گئی.

چیئرمین پی پی نے کہا کہ بےنظیر مزدور کارڈ کے ذریعے مزدوروں کو حق پہنچائیں گے، بےنظیر کارڈ کےلیے وفاقی حکومت سے بات کی جارہی ہے، ای او آئی بی کا نظام صوبوں کو دیا جائے تاکہ مزدوروں کو حق دیں۔

انھوں نے کہا کہ بجٹ میں سندھ اور بلوچستان میں تنخواہوں میں اچھا اضافہ کریں گے، وفاقی حکومت کو بھی مہنگائی کو مدنظر رکھتے ہوئے تنخواہوں میں اضافہ کرنا چاہیے۔

بلاول بھٹو زرداری نے کہا ہے کہ عوامی اور معاشی منصوبوں سے متعلق جلسوں میں بتا رہا ہوں، ملک میں تاریخی مہنگائی اور بیروزگاری ہے۔

تفصیلات کے مطابق لاڑکانہ میں چیئرمین پیپلزپارٹی بلاول بھٹو کا تقریب سے خطاب میں کہنا تھا کہ انتخابی منشور کا پہلا حصہ لاڑکانہ میں پیش کرنا چاہتا تھا۔ ہم عوام کیلئے منشور میں کئی منصوبے لے کر آرہے ہیں۔ ملک میں مہنگائی اور بےروزگاری عروج پر ہے۔

بلاول بھٹو زرداری نے کہا کہ پیپلزپارٹی کی حکومت آئے گی تو مہنگائی اور بےروزگاری ختم کرے گی۔ پیپلزپارٹی نے ماضی میں بھی ایسے منصوبے دیے جن کو سراہا گیا۔ بےنظیرانکم سپورٹ پروگرام کی عالمی سطح پر تعریف کی گئی۔

انھوں نے کہا کہ موجودہ حالات میں نوجوان بےچینی کا شکار، مستقبل کے لیے فکرمند ہیں۔ گزشتہ 5 سال میں دودھ، گھی، دالوں کی قیمتوں میں اضافہ ہوا۔ 5 سال میں بجلی کی قیمتوں میں 227 فیصد اضافہ ہوا۔

چیئرمین پاکستان پیپلز پارٹی کا کہنا تھا کہ پچھلے 5 سال کے دوران پیٹرول کی قیمتوں میں 95 فیصد اضافہ ہوا۔ گھر کے اخراجات 70 ہزار روپے ماہانہ تک پہنچ گئے۔ ملک میں 9 کروڑ 30 لاکھ لوگ غربت کی لکیر سے نیچے ہیں۔

بلاول بھٹو نے کہا کہ پاکستان موسمیاتی تبدیلیوں سےبھی بری طرح متاثرہوا۔ منشور میں ایسے کئی منصوبے لارہے ہیں جس سے بہتری آئے گی۔ پاکستان ڈیویلپمنٹ اسٹریٹیجی کو ری اسٹرکچر کریں گے۔

انھوں نے کہا کہ پبلک پرائیویٹ پارٹنرشپ اوربراہ راست سرمایہ کاری پرتوجہ دیں گے۔ سرمایہ کاری اور ملازمتیں پیدا کرنے کےلیے کام کریں گے۔

ملک بھرمیں گرین انرجی پارک بنائیں گے۔ ملک بھر میں 300 یونٹ تک فری بجلی فراہم کریں گے۔ تعلیمی شعبے پر خصوصی توجہ دیں گے تاکہ ہر بچہ تعلیم حاصل کرسکے۔ غربا اور کم آمدنی والے گھرانوں کے بچوں کو اسکول کیلئے وظیفہ دیں گے۔

انھوں نے کہا کہ غریبوں کو کم ازکم 30 لاکھ تک گھر بنا کر مالکانہ حقوق دیں گے۔ ملک بھرمیں کچی آبادیوں کو ریگولرائز کریں گے اور مالکانہ حقوق دیں گے۔

بلاول نے کہا کہ کچے کے ڈاکوؤں کو کہتے ہیں کہ ہتھیار چھوڑ دیں آپ کی خواتین کو مالکانہ حقوق دیں گے۔ ہیلتھ کیئر سب کے لیے ہماری اولین ترجیح میں شامل ہوگی۔ مریضوں کے لیے علاج اور دوائیں یقینی بنائیں گے۔

سفید پوش عوام کیلئے اپنا گھر لینا بہت مشکل ہوگیا ہے۔ پرائیویٹ اور پبلک سیکٹر کو موبلائز کرینگے تاکہ سفید پوش اپنا گھر لےسکیں۔

چیئرمین پی پی نے کہا کہ خوشحال کسان تو خوشحال پاکستان کے تحت چھوٹے کسانوں کے لیے ہاری کارڈ لائیں گے۔ بےنظیر انکم سپورٹ پروگرام کا دائرہ مزید بڑھائیں گے۔ بی آئی ایس پی کے ذریعے مختلف منصوبے لارہے ہیں۔

انھوں نے کہا کہ وسیلہ تعلیم، وسیلہ روزگار، وسیلہ صحت اور مزدور کارڈ جیسے منصوبے لائیں گے۔ کسان کارڈ کے ذریعے سب کسانوں کی رجسٹریشن کرائیں گے۔ کسان کارڈ کے ذریعے کسانوں کو براہ راست سبسڈی دی جائے گی۔