Tag: بلاول بھٹو

کراچی : وزیر خارجہ بلاول بھٹو نے آئی ایم ایف سے شرائط میں نرمی کا مطالبہ کردیا اور کہا سیلاب نے قیامت سے پہلے قیامت برپا کر دی ہے، ہماری سب سے پہلی ذمہ داری سیلاب متاثرین کی بحالی ہے۔

تفصیلات کے مطابق وزیرخارجہ بلاول بھٹو نے ترقی یافتہ سندھ عہد سے تعمیر نو تک کانفرنس سے خطاب کرتے ہوئے کہا کہ اس وقت ملک میں معاشی اورسیاسی بحران چل رہا ہے، ہمارے وزیرخزانہ اورآئی ایم ایف کےدرمیان بات چیت ہورہی ہے،امید ہے اچھے نتائج آئیں گے۔

بلاول بھٹو کا کہنا تھا کہ سیلاب نےقیامت سے پہلے قیامت برپا کردی ہے، ہماری سب سے پہلی ذمہ داری سیلاب متاثرین کی مددکرناہے، انٹرنیشنل اداروں اورآئی ایم ایف کی بھی ذمہ داری ہے کہ سیلاب متاثرین کوتحفظ دیاجائےتاکہ مشکلات سےنکل سکیں۔

وزیرخارجہ نے آئی ایم ایف سے مطالبہ کیا کہ سیلاب تباہ کاریوں سے متاثرہ قوم کیساتھ شرائط نرم کی جائیں ، ہمیں متاثرہ لوگوں کے معاشی مفادات کا تحفظ کرنا ہے، آئی ایم ایف پروگرام جب کورونا میں کیا گیا تو اس میں رعایت کی گئی تھی۔

انھوں نے کہا کہ قحط سالی اور مون سون بارشوں سے 3فصلیں تباہ ہوئیں، ہیٹ ویو، سیلاب، قدرتی آفات نے صوبے کا انفرااسٹرکچر تباہ کر دیا ،صوبے کو ہر شعبے میں تباہی آئی ہے۔

ماسکو : وزیرِ خارجہ بلاول بھٹو زرداری اہم دورے پر روس پہنچ گئے، جہاں آج روسی وزیر خارجہ سے ملاقات کریں گے۔

تفصیلات کے مطابق وزیرِ خارجہ بلاول بھٹو زرداری دو روزہ دورے پر ماسکو پہنچ گئے۔

اس موقع پر روسی وزارتِ خارجہ کے عہدیداران اور ماسکو میں پاکستانی سفیر نے ان کا استقبال کیا۔

بلاول بھٹو روسی ہم منصب سرگئی لارُوف کی دعوت پر دورہ کر رہے ہیں، دونوں وزرائے خارجہ کے درمیان آج ملاقات ہو گی۔

ملاقات میں دو طرفہ تعلقات کی تمام جہتوں سمیت علاقائی عالمی اور باہمی دلچسپی کے امور پر تبادلہ خیال کیا جائے گا۔

یہ دورہ پاکستان اور روس کے درمیان روسی خام تیل کی فراہمی کے معاہدے پر دستخط کے ایک ہفتے بعد ہو رہا ہے اور علاقائی طاقتوں کی جانب سے اس دورے کو بہت اہمیت دی جارہی ہے ۔

دفتر خارجہ نے دورے کا اعلان کرتے ہوئے کہا تھا کہ وزیر خارجہ اپنے روسی ہم منصب کے ساتھ باضابطہ بات چیت کریں گے، جہاں دونوں فریق دو طرفہ تعلقات کے تمام پہلوں پر غور کریں گے اور باہمی دلچسپی کے علاقائی اور بین الاقوامی امور پر تبادلہ خیال کریں گے ۔

خیال رہے پاکستان اور روس جس تیز رفتاری کے ساتھ معاہدہ طے کرنے کے لیے اگے بڑھ رہے ہیں۔

اس سے ظاہر ہوتا ہے کہ امریکہ کو دونوں ممالک کے کاروبار کرنے پر کوئی اعتراض نہں ہوسکتا یہ بھی ممکن ہے کہ پاکستان نے روس سے تیل برآمد کرنے کے اپنے فیصلے پر امریکہ کو اعتماد میں لیا ہو کیونکہ ابھی تک نہ تو امریکا اور نہ ہی خلیجی ممالک نے اسلام اباد کے ماسکو کے ساتھ جاری مذاکرات پر اعتراض کیا ہے۔

اسلام آباد : چیئرمین پیپلز پارٹی بلاول بھٹو نے عمران خان کے آصف زرداری پر سنگین الزامات پر قانونی چارہ جوئی کا اعلان کردیا۔

تفصیلات کے مطابق چیئرمین پیپلزپارٹی بلاول بھٹو نے سماجی رابطے کی ویب سائٹ ٹوئٹر پر عمران خان کے سنگین الزامات پر درعمل دیتے ہوئے کہا کہ عمران خان نے میرے والداور سابق صدر پر جھوٹے الزامات لگائے ہیں، دہشت گرد تنظیموں نے مجھے اورمیری پارٹی کوبراہ راست دھمکیاں دیں، ان الزامات سے میرے والد، میرے خاندان اور میرے لیے خطرات بڑھ گئے ہیں ، اپنی تاریخ کومدنظر رکھتےہوئے ہم ایسے الزامات کو سنجیدگی سے لیں گے۔

After terrorist outfits called myself & my party out by name in direct threats, Imran has now made false accusations against my father former president AZ. These statements increase threats to my father, my family and my part. We take them seriously given our history. 1/6

— BilawalBhuttoZardari (@BBhuttoZardari) January 28, 2023

چیئرمین پی پی کا کہنا تھا کہ عمران کے ہتک آمیزاورخطرناک الزامات پرقانونی چارہ جوئی کریں گے،عمران خان نے میرے والد کو دھمکی دی تھی کہ وہ انکی بندوق کے نشانےپرہیں ، دہشتگردوں کے ہمدرد ،سہولت کار کے طور پر عمران ،ساتھیوں کی تاریخ سب جانتےہیں۔

We are exploring legal response to Imran latest defamatory & dangerous accusations. In the past he threatened my father that he was ‘in the crosshairs of his gun’. His & his associates history as both sympathizers & facilitators of terrorists are well documented. 2/6

— BilawalBhuttoZardari (@BBhuttoZardari) January 28, 2023

بلاول بھٹو نے ٹوئٹ میں کہا کہ عمران خان اقتدار میں تھا تو دہشت گردوں کو رہا اور جمہوریت پسندوں کو گرفتار کیا، عمران خان نے پختونخوا کو دہشت گرد تنظیم کے حوالے کیا، ان کی پارٹی آج تک دہشت گرد گروپوں کو فنڈز فراہم کرتی ہے، مجھ پریاخاندان پرحملہ ہواتوان تمام باتوں کومدنظر رکھا جائے گا۔

When in power he released terrorists & arrested democrats, he handed over Pakhtunkhwa to terrorist organization, his party funds terrorist groups to this day. All of this will be taken into account if any attack were to take place against myself, my father, or my party. 3/6

— BilawalBhuttoZardari (@BBhuttoZardari) January 28, 2023

چیئرمین پی پی کا کہنا تھا کہ عمران کا تازہ الزام ہے میرے خاندان کی کسی دہشت گرد تنظیم سے وابستگی ہے ، صرف خوابوں کی بنا کرٹی وی پرالزام تراشی ناقابل قبول ہے۔

His latest accusation that my family has any association to a terrorist organization or that we would employ them to cause him harm not only defies logic but exposes us all to an increased threat. 5/6

— BilawalBhuttoZardari (@BBhuttoZardari) January 28, 2023

لاو

ایک اور ٹوئٹ میں انھوں نے لکھا کہ پیپلز پارٹی عمران خان کو چیلنج کرے گی ، خوابوں کی عدالت کے سامنے کوئی اہمیت نہیں ، عمران خان کی بیان بازی کو حاوی نہیں ہونے دیں گے اور نہ دہشت گردی کاشکاربنیں گےنہ ان کے فرنٹ مین کا پروپیگنڈاکوبرداشت کریں گے۔

PPP will challenge him. We cannot let populist fiction dominate our discourse, poison our politics & damage our democracy. We will not tolerate being victims of terrorist & put up with propaganda from their political frontmen. 6/6

— BilawalBhuttoZardari (@BBhuttoZardari) January 28, 2023

اسلام آباد : بھارت نے پاکستانی وزیر خارجہ بلاول بھٹو کو شنگھائی تعاون تنظیم کے اجلاس میں شرکت کی دعوت دے دی۔

تفصیلات کے مطابق بھارت نے شنگھائی تعاون تنظیم وزرائے خارجہ اجلاس میں شرکت کیلئے وزیر خارجہ بلاول بھٹو کو دعوت نامہ بھجوادیا۔

سفارتی ذرائع نے بتایا کہ مارچ میں شنگھائی تعاون تنظیم اجلاس کیلئے بھارت نے دعوت نامہ چیف جسٹس آف پاکستان کے نام بھی بھجوایا۔

ذرائع کا کہنا ہے کہ بھارت اس سال شنگھائی تعاون تنظیم کےمنتظم صدر کے فرائض انجام دے رہا ہے ، شنگھائی تعاون تنظیم کا وزرائے خارجہ کا اجلاس اس سال مئی میں گووا میں ہوگا۔

ذرائع نے کہا کہ پاکستان کی جانب سے بھارت کے دعوت ناموں کا تاحال جواب نہیں دیا گیا، بھارت میں ہونیوالے اجلاس میں شرکت پر فیصلہ اسٹیک ہولڈرز سے مشاورت سے ہوگا۔

ڈیوس : وزیرخارجہ بلاول بھٹو نے وزیراعظم لگسمبرگ کو پاکستانی آموں کا چسکا لگادیا اور پوچھا آم کیسے لگے، جس پر وزیر اعظم لکسمبرگ زیوئیر بیٹل ٓنے کہا کہ مجھے پاکستانی آموں سے محبت ہو گئی ہے۔

تفصیلات کے مطابق چیئرمین پیپلزپارٹی اوروزیر خارجہ بلاول بھٹو نے ڈیوس سے ویڈیو پیغام میں لکسمبرگ کے وزیر اعظم سے پاکستانی آموں پر گفتگو کی۔

بلاول بھٹو زرداری نے ویڈیو بیان میں کہا کہ میں یہاں سوئٹزرلینڈ میں ہوں، وزیر اعظم لکسمبرگ میرےساتھ ہیں، میں نے پچھلے سال وزیر اعظم لکسمبرگ کوپاکستانی آم بھیجےتھے، اس وقت وزیر اعظم لکسمبرگ میرے ساتھ موجود ہیں، چاہتاہوں وزیراعظم لکسمبرگ پاکستانی آم پراپنی رائےدیں۔

وزیر اعظم لکسمبرگ زیوئیر بیٹل ٓنے دلچسپ جواب دیتے ہوئے کہا کہ مجھے پاکستانی آموں سے محبت ہو گئی ہے، یہ مجھے لکسمبرگ میں پاکستانی آموں کا سفیر بنانا چاہتےہیں لیکن ابھی میرے پاس ابھی کچھ مزید مدت کیلئےنوکری موجود ہے،پر امید ہوں آئندہ سال پھر آم موصول ہوں گے۔

Really happy to have bumped into PM @Xavier_Bettel of Luxembourg at Davos. Who has a special message for everyone about Pakistani Mangoes! I’ve been on a mission to prove our mangos are the best in the world. Happy to report the PM is a huge fan of our 🥭. pic.twitter.com/MYWFjrwjjm

— BilawalBhuttoZardari (@BBhuttoZardari) January 18, 2023