Tag: بلاول بھٹو

پاکستان پیپلز پارٹی کے چیئرمین اور وفاقی وزیر خارجہ بلاول بھٹو زرداری نے کراچی اور حیدر آباد کے بلدیاتی الیکشن میں پیپلز پارٹی کی برتری پر عوام کا شکریہ ادا کیا۔

پاکستان پیپلز پارٹی کے چیئرمین اور وفاقی وزیر خارجہ بلاول بھٹو زرداری نے کہا کہ پیپلز پارٹی سندھ کے شہری اور دیہی علاقوں کی سب سے بڑی جماعت ہے۔

بلاول بھٹو زرداری نے کہا کہ کراچی اور حیدرآبادکے عوام جیالے امیدواروں کو ووٹ دے کر منتخب کیا، میں عوام کا شکریہ ادا کرتا ہوں۔

وفاقی وزیر خارجہ نے کہا کہ پاکستان پیپلزپارٹی وفاق کی زنجیر ہے، کراچی میں پی پی پی کی جیت پورے ملک کی فتح ہے، کراچی، حیدرآباد کی ترقی کے لئے سیاسی اکائیوں کا ملکر خوشحالی کی وجہ بنے گا۔

بلاول بھٹو زرداری کا کہنا تھا کہ عوام نے ہمیں منتخب کر کے سندھ حکومت کی کارکردگی پر اعتماد کا اظہار کیا، کراچی، حیدرآباد نے نفرت کی سیاست کرنے والوں کو مسترد کردیا۔

بلاول بھٹو کا مزید کہنا تھا کہ عوام نے ووٹ کی طاقت سے نام نہاد مقبول لیڈرز کا پول بھی کھول دیا، امیدواروں کی ذمہ داری ہے کہ  وہ بہترین صلاحیتوں کا مظاہرہ کریں۔

اسلام آباد : وزیرخارجہ بلاول بھٹو نے امریکی سیکریٹری خارجہ سے اظہار تشکر کرتے ہوئے کہا کہ امریکی ویزا رکھنے والوں کو دوبارہ انٹرویو نہیں دینا ہوگا۔

تفصیلات کے مطابق وزیرخارجہ بلاول بھٹو کی جانب سے ویزا معاملات پر امریکی سیکریٹری خارجہ لنکن کا شکریہ ادا کیا۔

بلاول بھٹو نے اپنے ٹوئٹر پیغام میں کہا کہ ویزا معاملات پر آپ سے طویل گفتگو ہوئی تھی، وہ لوگ جن کے پاس پہلے سے امریکی ویزہ ہے ان کو دوبارہ انٹرویونہیں دینا پڑے گا۔

وزیر خارجہ کا کہنا تھا کہ ویزہ کا عمل تیز کرنا چاہیے تاکہ دونوں ممالک کے لوگوں میں تعلقات بڑھ سکیں۔

Thank you @SecBlinken we have discussed visa issues at length. Allowing interview waivers for those who have already in the past held US visas across all age group is extremely helpful. This should speed up visa process and will increase people to people ties. 🇵🇰 🤝 🇺🇸 https://t.co/ayXNuqGRiz

— BilawalBhuttoZardari (@BBhuttoZardari) January 12, 2023

دوسری جانب وزیر خارجہ بلاول بھٹو سے امریکی سفیر ڈونلڈ بلوم کی ملاقات ہوئی ، وزیر خارجہ نے امریکا کے جنیوا کانفرنس میں اضافی 100 ملین ڈالر کے اعلان کو سراہا۔

ملاقات میں پاکستانیوں کے لیے ویزہ انٹرویو سے متعلق سہولتوں پر بھی تبادلہ خیال کیا گیا۔

اس موقع پر بلاول بھٹو نے کہا کہ ویزاسہولت سے متعلق امریکی وزیر خارجہ سے تفصیلی بات ہوئی ، اس اقدام سے نہ صرف ویزہ کا عمل تیز بلکہ عوامی رابطہ بڑھے گا۔

امریکی سفیرنےسیلاب متاثرین کی بحالی کیلئےعوام کی حمایت جاری رکھنے کے عزم کا اعادہ کیا۔

لاڑکانہ: وزیر خارجہ بلاول بھٹو کا کہنا ہے کہ عمران خان چاہتا ہے کہ آمریت کا دروازہ کھلے۔

اے آر وائی نیوز کے مطابق چیئرمین پاکستان پیپلزپارٹی بلاول بھٹو نے میڈیکل ٹراما سینٹر کا دورہ کیا اس موقع پر انہوں نے سندھ حکومت اور محکمہ صحت کی کاوشوں کو سراہا۔

بلاول بھٹو نے کہا کہ مسلسل تیسری بار پارلیمنٹ اپنی مدت پوری کرنے جارہی ہے لیکن عمران خان چاہتا ہے کہ آمریت کا دروازہ کھلے، وہ چاہتا ہے کہ بیک ڈور سے پھر وزیراعظم بنے۔

چیئرمین پیپلزپارٹی نے کہا کہ عمران خان کی ایک اور سازش تھی کہ سہولت کاروں کے ہوتے فوری انختابات ہوں ایک ادارے سے تو ان کے سہولت کار بٹ گئے شاید دوسری جگہ ہیں۔

وزیر خارجہ نے کہا کہ انتخابات وقت پر ہوئے تو کسی بھی ادارے میں سہولت کار موجود نہیں رہیں گے اس پریشانی کی وجہ سے وہ جھوٹ کی سیاست اور ہر ہتھکنڈا استعمال کررہا ہے۔

بلاول بھٹو نے مزید کہا کہ عوام معاشی مسائل کا شکار ہیں اور وہ اپنی ضد پوری کرنے میں مصروف ہے۔

اسلام آباد: پاکستان تحریک انصاف (پی ٹی آئی) کی رہنما زرتاج گل کا کہنا ہے کہ سیاسی نابلد بچے کی غلامی میں تجربہ کار سیاست دان گمراہ کن ایجنڈے پر گامزن ہیں۔

اے آر وائی نیوز کے مطابق پی ٹی آئی رہنما زرتاج گل نے وفاقی وزیر شیریں رحمان کی گفتگو پر ردعمل دیتے ہوئے کہا کہ پرچی چیئرمین کو ملکی ترقی میں دلچسپی ہے نہ ہی سیاسی اصولوں کی سمجھ بوجھ ہے۔

انہوں نے کہا کہ پاکستان سب سے زیادہ ن لیگ، پیپلزپارٹی ادوار میں آئی ایم ایف کے پاس گیا، پی ڈی ایم کی مسلط شدہ حکومت نے آتے ہی تحریک انصاف کی محنت کو تباہ کیا۔

زرتاج گل نے کہا کہ پی ڈی ایم ٹولے نے ملک کو دیوالیہ پن کے دوراہے پر لا کھڑا کیا ہے، نااہل، کرپٹ اور فسطائی حکومت کے رہتے ملکی حالات مستحکم نہیں ہوسکتے۔

پی ٹی آئی رہنما نے کہا کہ پیپلزپارٹی نے سندھ میں تباہی پھیری صوبائی وسائل کا بیڑا غرق کیا ہے، سیلاب میں بھی سندھ پیپلزپارٹی کی نااہلی کی وجہ سے ڈوبا ہے۔

یہ پڑھیں: سلیکٹڈ نے اپنی کرسی بچانے کے لیے معیشت کو نقصان پہنچایا، بلاول بھٹو

انہوں نے کہا کہ تحریک انصاف نے ملکی تباہ حال معیشت کو اپنے دور میں بڑی محنت سے بہتر کیا تھا جبکہ کپتان نے پی ڈی ایم جماعتوں کے پچھلے قرضے اتارے اور سرمایہ کاری کو فروغ دیا۔

زرتاج گل نے مزید کہا کہ ہمارے دور میں ہر شعبے میں ریکارڈ پیداوار اور ترقی ہورہی تھی عوام عمران خان کے حق و سچ کے بیانیے کو اپنا چکے ہیں اور ان کو مسترد کرچکے ہیں، ہماری جدوجہد حقیقی آزادی کے حصول، چوروں سے نجات تک جاری رہے گی۔

نیویارک : وزیرخارجہ بلاول بھٹو نے روس سے سستا تیل لینے کی تردید کرتے ہوئے کہا روس سے تیل ملنے پر حکومتی وزرا ہی ایک پیج پر نہیں۔

تفصیلات کے مطابق وزیر خارجہ بلاول زرداری نے امریکا نشریاتی ادارے کو انٹرویو دیتے ہوئے کہا کہ روس سے سستا تیل لینے کی کوشش نہیں کررہے۔

بلاول بھٹو کا کہنا تھا کہ روس سے تیل ملنے پر حکومتی وزرا ہی ایک پیج پر نہیں اور اگر روسی تیل مل بھی گیا تو قابل استعمال بنانے میں بہت وقت لگے گا۔

وزیرمملکت پٹرولیم مصدق ملک نے چند دن پہلے روسی تیل کا معاہدہ ہونے کا دعویٰ کیا تھا۔

مصدق ملک کا کہنا تھا کہ روس ہمیں خام تیل ڈسکاؤنٹ پر دے گا،خام تیل پرڈسکاؤنٹ پر ہماری ان سے فیصلہ کن بات ہوگئی، اس کے علاوہ ریفائنری پروڈکٹس پیٹرول ڈیزل پر روس ہمیں ڈسکاؤنٹ دے گا۔

انھوں نے بتایا تھا کہ حکومت روس کیساتھ تیل اور گیس کی خریداری پربات چیت کررہی ہے، روس کے ساتھ تیل کی خریداری کی تفصیلات طے کی جارہی ہیں، 20جنوری تک روس سے تیل خریداری کی تفصیلات منظر عام پر آجائیں گی۔