Tag: بلاول بھٹو

پشاور: پاکستان پیپلزپارٹی کے چیئرمین بلاول بھٹو زرداری کا کہنا ہے کہ جب تک ایک قانون نہیں ہوگا کرپشن کے ناسور کا خاتمہ نہیں کرسکیں گے۔

اے آر وائی نیوز کی رپورٹ کے مطابق پیپلزپارٹی کے چیئرمین بلاول بھٹو زرداری نے پشاور میں پی ڈی ایم کے جلسے سے خطاب کرتے ہوئے کہا کہ جب تک گڈ کرپٹ بیڈ کرپٹ کھیلتے رہیں گے تو کرپشن کا خاتمہ نہیں ہوسکتا۔

انہوں نے کہا کہ پاکستان کے عوام فیصلہ کریں گے کہ ملک کی خارجہ پالیسی کیسے چلے گی، حکومت نے معیشت کے ساتھ جو کیا وہ سب کے سامنے ہے، اس حکومت میں تاریخی بے روزگاری اور مہنگائی ہے۔

بلاول بھٹو نے کہا کہ تیل آٹے اور چینی کے بعد گیس کا بحران بھی آگیا ہے، ایف بی آر کی وجہ سے کے پی کو 162 ارب روپے نہیں دئیے گئے، سوچیں اس 162 ارب روپے کی وجہ سے صوبے کو کیا کیا دیا جاسکتا تھا۔

چیئرمین پیپلزپارٹی نے کہا کہ یہ وہی لوگ ہیں جو سی پیک کے متبادل روٹ کی بات کرتے تھے، جب سے یہ لوگ حکومت میں آئے ہیں متبادل روٹ پر کام نہیں کیا جارہا۔

انہوں نے کہا کہ خیبرپختونخوا کو معدنی وسائل کی رائلٹی نہیں دی جاتی، آپ کو ہائیڈل پاور، گیس اور تیل پر رائلٹی نہیں ملتی، غریب کی پہنچ سے چکن تو دور ہے اب تو انہیں انڈا بھی دستیاب نہیں۔

بلاول بھٹو نے کہا کہ موجودہ حکومت کے دور میں کرپشن میں اضافہ ہوا، نیب کو نظر نہیں آتا کہ مالم جبہ میں کیا کیا کرپشن کی گئی، عوام نیب سے بھی حساب لیں گے۔

نگر: چیئرمین پیپلزپارٹی بلاول بھٹو زرداری کا کہنا ہے کہ طاقت کا سرچشمہ عوام ہیں اور شہادت ہماری منزل ہے۔

اے آر وائی نیوز کی رپورٹ کے مطابق چیئرمین پیپلزپارٹی بلاول بھٹو زرداری نے نگر میں جلسہ سے خطاب کرتے ہوئے کہا کہ میرا وعدہ ہے گلگت بلتستان کے عوام کو قومی اسمبلی اورسینیٹ میں بٹھاؤں گا، گلگت کےعوام جموریت کی تحریک چلا رہے ہیں اور یہ ماننے کو تیار نہیں۔

انہوں نے کہا کہ شہید ذوالفقار بھٹو نے پاکستان کو آئین دلایا، قراقرم کےسامنے کہتا ہوں کہ گلگت کو آئین دلواؤں گا، ہم گلگت بلتستان کےعوام کو آئین اور صوبہ دلوائیں گے۔

بلاول بھٹو نے کہا کہ پورے پاکستان میں لوگوں کو روزگار نہیں مل رہا، ہم نے اپنے ہردورمیں لوگوں کو روزگار دیا، بھٹو نے بیرون ملک بھی لوگوں کےلیے روزگارکا بندوبست کیا، نعرہ مشہورتھا بےنظیر آئےگی روزگارلائے گی، گلگت بلتستان کے لوگوں کو روزگار دیں گے۔

چیئرمین پیپلزپارٹی نے کہا کہ ہمارے جانے کے بعد تنخواہوں میں اضافہ نہیں ہوا، ہمارے آنے کے بعد تنخواہوں اور پنشن میں اضافہ ہوگا، ہم نے انقلابی بے نظیربھٹو انکم سپورٹ پروگرام شروع کیا، پروگرام سے ملک کی غریب خواتین کو امداد مل رہی ہے۔

کھرمنگ: چیئرمین پیپلزپارٹی بلاول بھٹو زرداری کا کہنا ہے کہ گلگت بلتستان کے عوام غیرت مند اور وفادار ہیں، عوام پیپلزپارٹی کا ساتھ دیں، مسائل کا حل صرف پیپلزپارٹی کے پاس ہے۔

اے آر وائی نیوز کی رپورٹ کے مطابق چیئرمین پیپلزپارٹی بلاول بھٹو نے گلگت بلتستان کے ضلع کھرمنگ میں جلسے سے خطاب کرتے ہوئے کہا کہ آج بھی معاشی بحران ہے مگر صرف سندھ میں عوامی حکومت ہے، ہمیں معاشی بحران کے حل کے لیے عوامی حل چاہئے، مسائل کا حل صرف پپیپلز پارٹی کے پاس ہے۔

انہوں نے کہا کہ نہیں چاہتا کہ گلگت بلتستان کے عوام کا مستقبل تباہ ہوجائے، آپ کو آٹا بحران سے جو نجات ملی یہ ذوالفقار بھٹو کا تحفہ ہے، گلگت بلتستان کے عوام کو ووٹ کا حق دلا کر رہیں گے۔

مزید پڑھیں: ووٹ سے طاقت لیتا ہوں، کسی کے اشارے پر چلنے والا نہیں، بلاول بھٹو

بلاول بھٹو نے کہا کہ مہنگائی کا مقابلہ کرنے کے لیے بی آئی ایس پی جیسا انقلابی پروگرام شروع کیا، سرکاری ملازمین کی تنخواہوں میں 100 فیصد، پنشنزمیں 150 فیصد اضافہ کیا، پی ٹی آئی کی ہر بات دھوکا اوریوٹرن نکلی۔

بلاول بھٹو نے کہا کہ حکومت کراچی میں اسٹیل مل بند کرنا چاہتی ہے، یہ اقتدار، حکومت بنانے کی لڑائی نہیں آپ کے مستقبل کا سوال ہے۔

واضح رہے کہ گزشتہ روز چیئرمین پیپلزپارٹی بلاول بھٹو زرداری کا گلگت بلتستان کے ضلع شگر میں انتخابی مہم سے خطاب کرتے ہوئے کہا تھا کہ میرا وعدہ ہے جی بی کے نمائندے قومی اسمبلی، سینیٹ میں بٹھاؤں گا، جو خواب ذوالفقار علی بھٹو نے دیکھا اسے پورا کرنا میرا فرض ہے۔