Tag: بلاول بھٹو

اسلام آباد: سابق صدر آصف علی زرداری اور چیئرمین پیپلزپارٹی بلاول بھٹو زرداری اسلام آباد پہنچ گئے۔

تفصیلات کے مطابق آصف علی زرداری اور پیپلزپارٹی کے سربراہ بلاول بھٹو زرداری وفاقی دارالحکومت اسلام آباد پہنچ گئے۔آصف علی زرداری کل احتساب عدالت میں پیش ہوں گے۔

قومی احتساب بیورو ( نیب ) نے کل احتساب عدالت میں سابق صدر آصف علی زرداری کی پیشی کے موقع پر سیکورٹی انتظامات بڑھانے کے لیے انتظامیہ اور پولیس کو خط لکھا ہے۔

خط نیب راولپنڈی کی جانب سے چیف کمشنر اور آئی جی اسلام آباد پولیس کو لکھا گیا ہے۔

توشہ خانہ کیس: آصف علی زرداری کا احتساب عدالت پیش ہونے کا فیصلہ

سابق صدر آصف علی زرداری نے گزشتہ روز توشہ خانہ کیس میں 17 اگست کو احتساب عدالت میں پیش ہونے کا فیصلہ کیا تھا۔

ذرائع کا کہنا ہے کہ آصف زرداری،فریال تالپور آج کراچی سے اسلام آباد پہنچیں گے۔پیپلزپارٹی کا آصف علی زرداری کی پیشی پر بھرپور شو آف پاور کا فیصلہ کیا گیا ہے۔

ذرائع کے مطابق پی پی ارکان پارلیمان اور پیپلز لائرز فورم کے ارکان کو 17 اگست کو اسلام آباد پہنچنے کی ہدایت کی گئی ہے۔

کراچی: چیئرمین پیپلزپارٹی بلاول بھٹو زرداری کا کہنا ہے کہ وفاق نے کراچی سے متعلق غیر آئینی یا غیرقانونی اقدام اٹھایا تو مخالفت کریں گے۔

اے آر وائی نیوز کی رپورٹ کے مطابق چیئرمین پیپلزپارٹی بلاول بھٹو زرداری نے نیوز کانفرنس کرتے ہوئے کہا کہ وفاق نے کراچی کو اپنی کالونی بنانے کی کوشش کی تو مخالفت کریں گے، کراچی سے متعلق غیرآئینی کام کو عدالتی کور ملا تو یہ سندھ پر حملہ ہوگا۔

بلاول بھٹو نے کہا کہ جب بھی قومی ایشو بنا پیپلزپارٹی ہمیشہ اول صف میں رہی، اس وقت پاکستان مشکل میں ہے امید ہے ایسی کوئی حرکت نہیں کی جائے گی۔

انہوں نے کہا کہ غیر جمہوری لوگ ایف اے ٹی ایف کا نام استعمال کرکے طاقت چاہتے تھے، جو بل کالا قانون بن سکتا تھا ہم نے اس میں اپنا حصہ ملا کر اسے بہتر کیا، احتجاج اس بات پر ہے کہ بل پڑھنے کے لیے ارکان اسمبلی کو وقت نہیں دیا گیا، ایف اے ٹی ایف سے متعلق بلز کو زبردستی پاس کرایا گیا۔

چیئرمین پیپلزپارٹی نے کہا کہ پارلیمنٹ میں پیش کیے گئے تین بلز کا ایف اے ٹی ایف سے تعلق نہیں، ایف اے ٹی ایف کے علاوہ جو بل آئے پیپلزپارٹی اس کی مخالفت کرے گی۔

کرونا کے حوالے سے بلاول بھٹو نے کہا کہ عوام کا شکر گزار ہوں کہ کرونا کی صورتحال بہتر ہوئی ہے، غلط فہمی پھیلائی جارہی ہے کہ کرونا ختم ہوگیا ایسا نہیں ہے، کرونا سے متعلق احتیاطی تدابیر پر ابھی بھی عمل جاری رکھنا ہے۔

لاہور: مسلم لیگ ن کے صدر شہباز شریف اور چیئرمین پیپلزپارٹی بلاول بھٹو زرداری کے درمیان ٹیلی فونک رابطہ ہوا ہے۔

تفصیلات کے مطابق اپوزیشن لیڈر شہباز شریف سے پیپلزپارٹی کے سربراہ بلاول بھٹو زرداری نے ٹیلی فونک رابطہ کیا اور ان کی صحت کے لیے نیک تمناؤں کا اظہار کیا۔

مسلم لیگ ن کے صدر شہباز شریف نے سابق صدر آصف علی زرداری کی صحت کے لیے خیرسگالی کا پیغام دیا۔

دوسری جانب مسلم لیگ ن کا وفد کا چیئرمین بلاول بھٹو زرداری سے لاہور میں ملاقات کرے گا۔

اس سے قبل 8 جولائی کو مسلم لیگ (ن) کے صدر اور قائد حزب اختلاف شہباز شریف نے پیپلزپارٹی کے چیئرمین بلاول بھٹو زرداری کو ٹیلی فون کیا اور کل جماعتی کانفرنس (اے پی سی) کے انعقاد پر مشاورت کی تھی۔

دونوں رہنماؤں نے کل جماعتی کانفرنس کے انعقاد پر مشاورت کے ساتھ اے پی سی کی تاریخ اور اس میں زیر غور آنے والے نکات پر تبادلہ خیال کیا تھا۔

کراچی: پاکستان پیپلزپارٹی کے چیئرمین بلاول بھٹو زرداری نے کہا ہے کہ مائنس ون پر پیپلزپارٹی یقین نہیں رکھتی، جمہوری طریقہ اپنائیں گے۔

اے آر وائی نیوز کی رپورٹ کے مطابق پیپلزپارٹی کے چیئرمین بلاول بھٹو نے نیوز کانفرنس کرتے ہوئے کہا کہ سندھ میں پیپلزپارٹی حکومت نہ ہوتی تو این ایف سی، 18ویں ترمیم کب کی ختم ہوچکی ہوتی۔

بلاول بھٹو نے کہا کہ ہمیں حکومت کی کوئی ضرورت نہیں، ہم اس وقت عوام کے لیے حاضر ہیں، محدود وسائل سے عوام کی خدمت کریں گے۔

انہوں نے کہا کہ عمران خان کا آخری آپشن والا پیغام عوام کے لیے نہیں کسی اور کے لیے تھا، جن لوگوں کے لیے پیغام تھا انہیں بھی سمجھ آگئی ہے کہ غلطی ہوئی ہے۔

چیئرمین پیپلزپارٹی نے کہا کہ اپوزیشن کی تعداد میں اضافہ ہوا ہے، اختر مینگل کی جماعت بھی اپوزیشن میں شمار کی جارہی ہے، اپوزیشن کو مل کر فیصلہ کرنا ہوگا کہ کیا کردار ادا کرنا ہے۔

بلاول بھٹو نے کہا کہ ہم جمہوری طریقہ اپنائیں گے، آصف زرداری نے کہا ہے اگر یہ خود گر رہے ہیں تو ہمارا کیا قصور ہے، ہم نے ان کو ایک دن کے لیے نہیں چھوڑا، پہلے دن سے مقابلہ کررہے ہیں، یہ پاکستان کی تاریخ کی سب سے کرپٹ حکومت ہے۔

انہوں نے کہا کہ ملکی تاریخ میں معیشت کو کبھی اتنا نقصان نہیں پہنچا، پاکستان کی زراعت کو اتنا نقصان کبھی نہیں پہنچا، مشکلات جیسی آج ہے ایسی کبھی ماضی میں نہیں ہوئیں۔