Tag: بلاول بھٹو

چیئرمین پیپلزپارٹی بلاول بھٹو کا کہنا ہے کہ  اگر ن لیگ نے کامیابی سے حکومت کرنی ہے تو اتفاق رائے سے فیصلے کرنے ہوں گے۔

اے آر وائی نیوز کے مطابق رتو ڈیرو میں نیوز کانفرنس کرتے ہوئے چیئرمین پیپلزپارٹی بلاول بھٹو زرداری نے کہا کہ پیپلزپارٹی کسی ایک صوبے کی نہیں وفاق پرست جماعت ہے، جو فیصلہ وفاق کو کمزور کرے گا اس پر پیپلزپارٹی کا ردعمل آئے گا۔

انہوں نے کہا کہ حکومت فیصلوں میں پیپلزپارٹی سمیت دوسری جماعتوں کی بھی رائے لے، پیپلزپارٹی اپنے مفاد اور اصولوں پر سودا نہیں کرتی، اگر پاکستان آج محفوظ ہے تو یہ پیپلزپارٹی کا تحفہ ہے۔

بلاول بھٹو نے کہا کہ ن لیگ سمجھتی ہے کہ ان کے پاس دو تہائی اکثریت ہے اور انہیں پوچھنے کی ضرورت نہیں، ان کی سیاست موٹروے سے شروع ہوکر میٹرو پر ختم ہوجاتی ہے۔

چیئرمین پی پی نے کہا کہ ن لیگ کے ساتھ پارلیمان میں بیٹھنے کی بنیادی وجہ معیشت ہے، معاشی طور پر بہتری آرہی ہے تو عوام تک بھی پہنچنی چاہیے، حکومت کا مہنگائی کم کرنے کا دعویٰ کاغذات کی حد تک تو نظر آرہا ہے الیکشن میں ہر ووٹر کا مطالبہ یہی تھا کہ مہنگائی میں کمی ہو۔

انہوں نے کہا کہ کتنے مسلمان ممالک میں ایٹمی ٹیکنالوجی ہے؟ جو پاکستان مخالف بیانات دے رہے ہیں پی ٹی آئی ان کی مذمت کرے، جو ان کے حق میں بیان دیتے ہیں وہ دوسری طرف پاکستان کی میزائل ٹیکنالوجی کے خلاف ہیں، ایک طرف ان کے حق میں بیان دیتے ہیں دوسرے الفاظ میں اسرائیل کے حق میں ہوتے ہیں۔

بلاول بھٹو نے مزید کہا کہ یہ سوشل میڈیا کا دور ہے چیزیں عوام سے نہیں چھپائی جاسکتیں، پی ٹی آئی کو ان سنگین سوالوں کے جوابات دینے پڑیں گے۔

لاڑکانہ: پیپلزپارٹی کے سینئر رہنما خورشید شاہ کا کہنا ہے کہ اگر پیپلزپارٹی چاہے تو بلاول بھٹو کل وزیراعظم بن سکتے ہیں۔

اے آر وائی نیوز کے مطابق پی پی رہنما خورشید شاہ نے میڈیا سے گفتگو کرتے ہوئے کہا کہ بلاول بھٹو بھیک مانگ کر 70 ووٹوں پر کمزور وزیراعظم نہیں بنیں گے، ملکی مسائل کی خاطر پیپلزپارٹی ن لیگ کے ساتھ ہے۔

انہوں نے کہا کہ پانی کی تقسیم پر پیپلزپارٹی  نے کبھی سمجھوتا نہیں کیا۔

اس سے قبل خورشید شاہ نے سکھر میں صحافیوں کے وفد سے غیر رسمی گفتگو کی اس دوران ان سے سوال کیا گیا تھا کہ سنا ہے فضل الرحمان بانی پی ٹی آئی سے ملنے جیل جارہے ہیں۔

خورشید شاہ کا کہنا تھا کہ اللہ کرے فضل الرحمان بانی پی ٹی آئی سے ملنے جیل چلے جائیں تو ہم سہولت کار بنیں گے۔

ان کا کہنا تھا کہ مولانا کی جیل میں بانی پی ٹی آئی سے ملاقات ہو اور تصویر جاری ہو، ملاقات ہوگی اور تصویر جاری ہوگی تو یہ نوجوانوں کے لیے اچھا پیغام ہوگا۔

پی پی رہنما نے کہا تھا کہ سب جانتے ہیں بانی پی ٹی آئی اپنی تقاریر میں مولانا کے لیے کیا کہتے تھے۔

خورشید شاہ نے کہا تھا کہ ٹرمپ کی کامیابی اچھی بات ہے امید ہے امریکا اور پاکستان کے تعلقات بہتر ہوں گے، پاکستان خود مختار ملک ہے نہ ہم نے کبھی مداخلت کی نہ امریکا کرے گا۔

ان کا مزید کہنا تھا کہ بانی پی ٹی آئی سے متعلق فیصلہ پاکستان کی عدالتیں کریں گی۔

اسلام آباد: چیئرمین پیپلزپارٹی بلاول بھٹو سے سینیٹر فیصل واوڈا کی اہم ملاقات ہوئی ہے۔

اے آر وائی نیوز کے مطابق چیئرمین پی پی بلاول بھٹو اور فیصل واوڈا کی ملاقات میں سیاسی صورت حال، ملک میں نفرت اور تقسیم کی سیاست سے پیدا بحران پر گفتگو کی گئی۔

ذرائع کا کہنا ہے کہ بلاول اور واوڈا کی ملاقات زرداری ہاؤس میں ہوئی ہے۔

اس سے قبل فیصل واوڈا کا کہنا تھا کہ جو مرشد ہے وہی بانی پی ٹی آئی کی تباہی کا ذمہ دار اور ضامن ہے۔

فیصل واوڈا نے کہا تھا کہ جو لوگ ڈیل کے تحت باہر آئے ہیں وہ ڈیل سے باہر جائیں گے تو پھر حراست میں بھی جائیں گے۔دھرنے سے سب سے پہلے بشریٰ بی بی اور گنڈاپور بھاگے۔بشریٰ بی بی جان دینے کو تیار تھیں مگر فوٹیج آگئی کہ وہ ٹہلتے ہوئے گاڑی میں بیٹھ رہی ہیں۔

ان کا کہنا تھا کہ اگر بیگم جاکر بانی پی ٹی آئی کو دم درود والا پانی پلادیں یا دہی کھلادیں تو ریاست ذمہ دار نہیں ہوگی،اور اگر اُنہیں بچانا ہے تو یہی راستہ ہے کہ ان کی ملاقات نہیں کرائی جائے۔

واوڈا کہ بشریٰ بی بی جب عمران خان کی زندگی میں آئیں ، اُس کے بعد وہ گھڑی چور، مار دھاڑ پر یقین کرنے والے اور اداروں کے خلاف ہوئے ۔

کراچی : چیئرمین پی پی بلاول بھٹو نے بلدیاتی ضمنی انتخابات میں کامیابی پر کہا کہ کراچی سمیت سندھ بھرمیں پھر تیر چل گیا اور بی بی شہید کے جیالے جیت گئے۔

تفصیلات کے مطابق چیئرمین پیپلز پارٹی بلاول بھٹو نے بلدیاتی ضمنی انتخابات میں پارٹی کی کامیابی پر اظہار تشکر کرتے ہوئے تمام کامیاب امیدواروں کو مبارکباد اور جیالوں کو شاباشی دی۔

چیئرمین پی پی کا کہنا تھا کہ کراچی سمیت سندھ بھر میں ایک بار پھر تیر چل گیا، بی بی شہید کے جیالے جیت گئے، بلدیاتی ضمنی انتخابات میں پارٹی کی کامیابی عوام کے اعتماد کا مظہر ہے۔

انھوں نے کہا کہ عوام نے پھر نفرت ،تقسیم کی سیاست مسترد کرکے عوامی خدمت کو چنا، کراچی میں پی پی امیدواروں کا بڑے مارجن سے جیت کرسوئپ کرنا تاریخی پیشرفت ہے، یقین ہے پیپلز پارٹی کے نومنتخب بلدیاتی نمائندے عوام کے اعتماد پر پورا اتریں گے۔

چیئرمین پیپلز پارٹی کا مزید کہنا تھا کہ الیکشن میں کامیابی آپ کے کندھوں پر بھاری ذمہ داریاں اور امتحان لائی ہے، آپ کو محدود وسائل ،زیادہ مسائل کا سامنا ہوگا، مسائل کا حل پارٹی ویژن کا نفاذ اور آپ کی محنت ہے۔

مزید پڑھیں : کراچی میں بلدیاتی ضمنی انتخاب کا میدان پیپلزپارٹی نے مار لیا

خیال رہے کراچی کی 10 بلدیاتی اور ایک کنٹونمٹ کی نشست پر انتخابات میں 9 نشستیں لے کر پیپلزپارٹی نے میدان مار لیا۔

شہر قائد میں ضمنی بلدیاتی الیکشن کے غیرحتمی و غیر سرکاری نتائج کے مطابق پیپلزپارٹی نے 4 چیئرمین اور 4 کونسلر اور ایک وائس چیئرمین کی نشست حاصل کی۔

اسلام آباد : چیئرمین پیپلزپارٹی بلاول بھٹو زرداری نے ملک کے دیگر شہروں میں اسموگ سے پریشان شہریوں کو دلچسپ مشورہ دے دیا۔

تفصیلات کے مطابق فضائی آلودگی کی وجہ سے لاہور، اسلام آباد، راولپنڈی، ملتان، پشاور اور ایبٹ آباد سمیت مختلف شہر بری طرح متاثر ہیں۔

چیئرمین پیپلزپارٹی بلاول بھٹو زرداری نے ملک کے دیگر شہروں میں اسموگ سے پریشان شہریوں کو کراچی منتقل ہونے کا مشورہ دے دیا۔

چیئرمین پیپلزپارٹی نے اپنے بیان میں پنجاب اور خیبرپختونخوا کے شہروں میں آلودگی کی تفصیل بھی شیئر کی، جس میں بڑے شہروں میں اے کیو آئی پوائنٹس کی تفصیلات بھی موجود ہیں۔

Dear Pakistan, move to Karachi. pic.twitter.com/OVF13vvRp2

— BilawalBhuttoZardari (@BBhuttoZardari) November 12, 2024

خیال رہے چیئرمین پاکستان پیپلز پارٹی وطن واپس پہنچ گئے اور جمعرات سے سیاسی سرگرمیوں کا آغاز کریں گے۔

بلاول جلد پیپلزپارٹی کی سی ای سی کا اجلاس بلائیں گے، اجلاس میں وفاق سے اتحاداورموجودہ سیاسی پیشرفت پربات چیت ہوگی

اسلام آباد : چیئرمین پیپلز پارٹی بلاول بھٹو نے ڈونلڈ ٹرمپ کو صدارتی انتخاب میں تاریخی کامیابی پر مبارکباد دی۔

تفصیلات کے مطابق چیئرمین پیپلز پارٹی بلاول بھٹو نے سماجی رابطے کی ویب سائٹ ایکس پر ڈونلڈٹرمپ کوصدارتی انتخاب میں تاریخی کامیابی پر مبارکباد دیتے ہوئے کہا کہ امید ہے امریکا کی نئی انتظامیہ امن کو ترجیح دے گی اور امید کرتے ہیں نئی ٹرمپ انتظامیہ عالمی تنازعات ختم کرنے میں کردار ادا کرے گی۔

خیال رہے امریکا میں صدارتی دوڑ ری پبلکنز امیدوار نے جیت لی، حکمرانی کی جنگ میں ڈونلڈ ٹرمپ فاتح رہے، دو سو ستتر الیکٹورل ووٹ حاصل کرلیے۔

ڈونلڈ ٹرمپ نے سوئنگ اسٹیسٹس شمالی کیرولینا، جارجیا، پینسلوینیا اور وسکونسن میں کاملا ہیرس کو شکست دی، کاملا ہیرس سوئنگ اسٹیٹ میں صرف مینی سوٹا میں کامیابی حاصل کرسکیں اور دو سو چھیبس الیکٹورل ووٹ حاصل کئے۔

ٹرمپ انڈیانا، کنٹیکی کٹ، مغربی ورجینیا، اوکلا ہوما، مسیسپی، الاباما، فلوریڈا، جنوبی کیرولائنا، ٹینیسی اور آرکنساس سے کامیاب ہوئے جبکہ کاملا ہیرس کی ورمونٹ، میساچوسٹس، رہوڈز آئی لینڈ، میری لینڈ اور نیویارک میں جیت ہوئی۔