Tag: بلاول بھٹو

کراچی : چیئرمین پیپلزپارٹی بلاول بھٹو زرداری کا کہنا ہے کہ ان اقدارکونصب العین بناناچاہیےجن پرقائداعظم عمل پیرا رہے۔

تفصیلات کے مطابق قائد اعظم محمد علی جناح کے یوم ولادت کے موقع پر پیپلزپارٹی کے سربراہ بلاول بھٹو زداری نے کہا کہ پاکستانی قوم اپنی صفوں میں اتحاد قائم رکھے۔

انہوں نے کہا کہ ان اقدارکونصب العین بناناچاہیےجن پرقائداعظم عمل پیرا رہے، قائداعظم پاکستان کو حقیقی فلاحی ریاست دیکھنے کے خواہاں تھے۔

چیئرمین پیپلزپارٹی بلاول بھٹو زرداری نے کہا کہ ہماری جدوجہد پاکستان کو فلاحی ریاست بنانا ہے۔

انہوں نے مزید کہا کہ پیپلزپارٹی مظالم برداشت کر لے گی لیکن جدوجہد ختم نہیں کرسکتی، عوم اپنے حقِ حاکمیت پرکسی مصلحت کا شکارنہ ہو۔

بابائے قوم قائدِ اعظم محمد علی جناحؒ کا یومِ ولادت آج منایا جا رہا ہے

واضح رہے کہ ملک بھر میں آج بابائے قوم قائداعظم محمد علی جناح کا 143 واں یوم ولادت انتہائی عقیدت واحترام اور ملی جوش وجذبے کے ساتھ منایا جارہا ہے۔

کراچی: پیپلزپارٹی کے شریک چیئرمین آصف علی زرداری نے کہا ہے کہ جھوٹے دستاویزات کے ذریعے ہمیں ڈرایا، دھمکایا نہیں جاسکتا ہے، ہم پر جتنا ظلم کیا جائے گا ہم برداشت کا بھی اتنا حوصلہ رکھتے ہیں۔

تفصیلات کے مطابق آصف زرداری، بلاول بھٹو کی زیر صدارت بلاول ہاؤس میں اجلاس ہوا جس میں شہید محترمہ بینظیر بھٹو کی برسی کی تیاریوں کا جائزہ لیا گیا۔

اجلاس میں خورشید شاہ، قائم علی شاہ، قمر زمان کائرہ اور نثار احمد کھوڑو، مراد علی شاہ، مدد جتک، ہمایوں خان، چوہدری لطیف بھی شریک تھے۔

آصف علی زرداری نے کہا کہ ہم مشکل حالات سے گھبرانے والے نہیں ہیں، مشکل حالات میں ہمیشہ پہلے سے زیادہ مضبوط ہوکر ابھرتے ہیں، ہم اتنا برداشت کریں گے کہ ظلم کرنے والے تھک جائیں گے۔

سابق صدر نے کہا کہ موجودہ حالات کو مشکل وقت نہیں سمجھتا، مشکل وقت وہ تھا جس کا سامنا شہید بی بی نے کیا۔

انہوں نے کہا کہ ہمارے خلاف لگائے جانے والے تمام الزامات جھوٹے اور بے بنیاد ہیں، کوئی فلیٹ میرے نام پر نہیں ہے، جے آئی ٹی یا دیگر الزامات بے بنیاد ہیں، اگر بے بنیاد الزامات پر مقدمات بنائے تو اس کا بھی مقابلہ کریں گے۔

سابق صدر نے کہا کہ کوئی فلیٹ میرے نام پر نہیں ہے، جے آئی ٹی یا دیگر الزامات بے بنیاد ہیں، ٹی وی پر جو دستاویزات دکھائے جارہے ہیں وہ جعلی ہیں۔

مزید پڑھیں: منی لانڈرنگ کیس: آصف زرداری اورفریال تالپورکی ضمانت میں 7 جنوری تک توسیع

آصف زرداری نے کہا کہ جب پیپلزپارٹی پر سختیاں ہوتی ہیں تو کارکنان ڈٹ کر مقابلہ کرتے ہیں، پیپلزپارٹی کے جیالوں کے لیے جیل کی سختیاں، الزامات نئی بات نہیں ہے۔

شہید بھٹو نے 1973 کا آئین دیا، آمروں نے حلیہ بگاڑ دیا، بلاول بھٹو

دوسری جانب پیپلزپارٹی کے چیئرمین بلاول بھٹو زرداری نے کہا کہ شہید محترمہ بینظیر بھٹو کا یوم شہادت بھرپور عقیدت و احترام سے منائیں گے، سی ای سی اجلاس میں پارٹی کی نئی حکمت عملی تشکیل دیں گے۔

بلاول بھٹو نے کہا کہ شہید بھٹو نے 1973 کا آئین دیا، آمروں نے حلیہ بگاڑ دیا، 18 ویں ترمیم سے 1973 کے آئین کو اصل شکل میں بحال کیا۔

انہوں نے کہا کہ ہم 18 ویں ترمیم کے معاملے پر کسی مصلحت کا شکار نہیں ہوں گے، 27 دسمبر کو عوام گڑھی خدا بخش میں سازشی عناصر کو شکست دیں گے۔

کراچی: نیب اسلام آباد نے پیپلزپارٹی کے چیئرمین بلاول بھٹو  اور آصف علی زرداری کو 13 دسمبر کو طلب کرلیا۔

پیپلزپارٹی کے رہنما فرحت اللہ بابر نے طلب کیے  جانے کی تصدیق کرتے ہوئے کہا کہ ’ نیب اسلام آباد کی جانب سے نوٹس موصول ہوگیا مگر بلاول بھٹو کی جگہ فاروق ایچ نائیک نیب میں پیش ہوں گے‘۔

نیب اسلام آباد نے بلاول بھٹو زرداری کو پارک لین کمپنی کا شیئر ہولڈر ہونے کی وجہ سے طلب کیا ہے۔

دوسری جانب نیب کے ترجمان نے آصف زرداری اور بلاول بھٹو کی طلبی کی تصدیق کرتے ہوئے کہا کہ دونوں کو پارک لین کمپنی کا شیئر ہولڈر ہونے پر 13 دسمبر کو طلب کیا گیا۔

مزید پڑھیں:آکسفورڈڈکشنری میں آصف زرداری لکھیں تومطلب کرپشن، منی لانڈرنگ آتاہے، فیاض الحسن چوہان

یاد رہے کہ نیب نے گزشتہ ماہ پیپلزپارٹی کے چیئرمین کو منی لانڈرنگ کیس میں ایک سوال نامہ ارسال کیا تھا جس میں اُن سے بینک اکاؤنٹس کی تفصیلات سمیت دیگر معلومات کے حوالے سے پوچھا گیا تھا۔

بلاول بھٹو زرداری نے 29 نومبر کو نیب میں جواب جمع کرادیا تھا۔

یہ بھی یاد رہے کہ سپریم کورٹ آف پاکستان میں منی لانڈرنگ کیس کے حوالے سے مقدمے کی سماعت جاری ہے، سابق صدر اور پیپلزپارٹی کےشریک چیئرمین آصف زرداری اور اُن کی ہمشیرہ فریال تالپور جے آئی ٹی کو اپنا بیان بھی ریکارڈ کراچکے ہیں۔

تحقیقاتی ٹیم نے کئی بے نامی اکاؤنٹس کا سراغ لگایا جن کے ذریعے اربوں روپے بیرونِ ملک منتقل کیے گئے۔