بلاول ہاؤس میں ہونے والی اس ملاقات میں وزیراعلیٰ سندھ نے پیپلزپارٹی کے چیئرمین کو بریفنگ دی اور جاری منصوبوں سے متعلق آگاہ کیا.
واضح رہے کہ گذشتہ دونوں بلاول بھٹو زرادری نے ورکرز سے خطاب کرتے ہوئے کہا تھا کہ انھیں کسی صورت مایوس نہیں ہونا چاہیے، کیوں کہ الیکشن میں ہونے والی دھاندلی عیاں ہوگئی ہے، جس میں عوام کا مینڈیٹ چھینا گیا.
اسلام آباد: پاکستان پیپلز پارٹی کے چیئرمین بلاول بھٹو زرداری نے عارف علوی کو صدرِ پاکستان منتخب ہونے پر مبارک باد دی اور کہا کہ پی پی صدر کی حیثیت سے ان کے کردار پر نظر رکھے گی۔
ان خیالات کا اظہار انھوں نے میڈیا سے گفتگو کرتے ہوئے کیا، انھوں نے امید ظاہر کی کہ صدرِ پاکستان عارف علوی ریاست کے سربراہ کی حیثیت سے اپنی ذمہ داریاں پوری کریں گے۔
بلاول بھٹو نے پی ٹی آئی قیادت کو تنقید کا نشانہ بناتے ہوئے کہا ’تحریکِ انصاف کی قیادت نے پارلیمان اور ریاستی اداروں کی حیثیت کو گھٹایا ہے، قیادت کو ماضی کے کردار سے خود کو دور کرنا ہوگا۔‘
چیئرمین پی پی نے مطالبہ کیا کہ پارلیمنٹ کو اس کی حیثیت دینے کے لیے ایک کمیٹی بنائی جائے، جو 2018 کے انتخابات میں بد عنوانیوں کی تحقیقات کرے۔
بلاول بھٹو نے الیکشن کمیشن سے جاری فارم 45 کا فارنزک آڈٹ کرنے کا بھی مطالبہ کیا اور کہا کہ آر ٹی ایس کے فیل ہونے کی بھی تحقیقات کرائی جائیں۔
خیال رہے کہ آج ملک میں ہونے والے صدارتی انتخاب میں پاکستان تحریکِ انصاف کے امیدوار عارف علوی پی پی کے اعتزاز احسن اور اپوزیشن کے مولانا فضل الرحمان کو شکست دیتے ہوئے تیرہویں صدرِ مملکت منتخب ہوگئے ہیں۔
کراچی: پاکستان پیپلز پارٹی کے چیئرمین بلاول بھٹو زرداری نے پارٹی کے ارکان کو یاد دہانی کرائی ہے کہ سندھ حکومت پارٹی منشور پر مکمل عمل کرنے کی پابند ہے۔
تفصیلات کے مطابق چیئرمین پیپلز پارٹی بلاول بھٹو زرداری سے ارکانِ سندھ اسمبلی نے ملاقات کی، جن میں امتیاز احمد شیخ، نعیم کھرل، جام اکرام اللہ دھاریجو اور شجیلا لغاری شامل تھے۔
ملاقات میں ارکانِ سندھ اسمبلی نے بلاول بھٹو کو حلقوں کے مسائل اور ان کے حل سے متعلق آگاہی دی، مختلف مسائل کے حل پر بھی غور کیا گیا۔
چیئرمین پی پی نے ارکانِ اسمبلی کو عوام کے بنیادی مسائل حل کرنے کی ہدایت کرتے ہوئے کہا تعلیم، صحت، پانی کی فراہمی اور ماحولیات پر خصوصی توجہ دی جائے۔
بلاول بھٹو زرداری نے کہا ’عوام نے آپ کو جس مقصد کے لیے منتخب کیا ہے وہ پورا کریں، پیپلز پارٹی سے عوام کی امیدیں وابستہ ہیں۔‘
پیپلز پارٹی کے چیئرمین نے کہا کہ ارکانِ اسمبلی عوام کے درمیان رہیں، سندھ حکومت پارٹی منشور پر مکمل عمل کرنے کی پابند ہے۔
دو دن قبل چیئرمین پاکستان پیپلز پارٹی بلاول بھٹو نے کہا تھا کہ وہ جانتے ہیں کہ سندھ میں بہت مسائل ہیں، تاہم وہ عوامی حقوق کی ترجمانی کریں گے، اور روزگار سمیت تمام سہولتیں فراہم کریں گے۔
ان کا کہنا تھا کہ پاکستان پیپلز پارٹی ایک خاندان کا نام ہے، اس میں شہیدوں کا خون شامل ہے، ہمیں بھٹو ازم کے نظریے اور فکر کے ساتھ آگے بڑھنا ہے۔
کراچی: چیئرمین پاکستان پیپلزپارٹی بلاول بھٹو نے کہا ہے کہ سندھ میں بہت مسائل ہیں،عوامی حقوق کی ترجمانی کریں گے.
ان خیالات کا اظہار انھوں نے پولنگ ایجنٹس اورپارٹی کارکنان سے خطاب کرتے ہوئے کہی. ان کا کہنا تھا کہ پاکستان پیپلزپارٹی ایک خاندان کانام ہے، اس میں شہیدوں کا خون شامل ہے.
بلاول بھٹوزرداری کا کہنا تھا کہ کارکنان میری آنکھیں اورکان ہیں، معلوم ہے کہ پی پی کارکن کھلے دل سے کھری باتیں کرنے والا ہوتا ہے.
انھوں نے کہا کہ ہمیں بھٹوازم کے نظریے اورفکر کے ساتھ آگےبڑھنا ہے، پورے ملک میں اپنی جدوجہد کومزید فعال اورمؤثربنانا ہے، جیت اورشکست اپنی جگہ، لیکن کارکنان نےمیراساتھ دیا.
لاڑکانہ : پیپلز پارٹی کے سربراہ بلاول بھٹو نے کہا ہے کہ عمران خان کا اعلان سن کرخوشی ہوئی تھی مگر وہ اپنے بیانات سے ہٹ گئے، وفاقی حکومت یو ٹرن حکومت ہے۔
تفصیلات کے مطابق پاکستان پیپلز پارٹی کے چیئرمین بلاول بھٹو زرداری نے پولنگ ایجنٹس کے اعزاز میں منعقدہ تقریب سے خطاب کرتے ہوئے کہا ہے کہ ایم این اے بننے کے بعد لاڑکانہ کے عوام سے پہلی ملاقات کر رہا ہوں، خوشی ہےعوام نے مجھے اور پارٹی کو کامیاب بنایا۔
چیئرمین پیپلز پارٹی کا کہنا ہے کہ موجودہ وفاقی حکومت یو ٹرن حکومت ہے، عمران خان کا اعلان سن کرخوشی ہوئی مگروہ اعلانات سے ہٹ گئے۔
نو منتخب رکن قومی اسمبلی بلاول بھٹو نے کہا ہے کہ مجھے سندھ کے عوام پر فخر ہے، الیکشن کے دنوں میں لوگ پارٹیاں بدل رہے تھے لیکن عوام نے ساتھ نہ چھوڑا، 2013 سے زیادہ کامیابی حاصل کرنا خوش آئند ہے۔
چیئرمین پیپلز پارٹی نے کہا ہے کہ جمہوریت کو پیروں پر کھڑا کرنے کے لئے جدوجہد کرتے رہیں گے، جمہوریت کی مضبوطی کے لئے عوام کے ساتھ کی ضرورت تھی اور رہے گی۔
بعد ازاں بلاول بھٹو نے نوڈیرو میں پارٹی عہدیداران و کارکنان سے خطاب کرتے ہوئے کہا ہے کہ مشکلات کے باوجود سندھ کے عوام نے پیپلز پارٹی کو کامیاب کیا، عوام نے مجھے ووٹ دے کر شہید بھٹو، بی بی کے نظریے کو کامیاب کیا۔
چیئرمین بلاول بھٹو کا کہنا تھا کہ سندھ کے محدود وسائل کے باوجود عوام کی خدمت کریں گے، شہید بی بی کے خواب کی تکمیل کے لئے جدوجہد جاری رکھیں گے، میں غربت اور بے روز گاری کا خاتمہ کرنا ہے۔
یاد رہے کہ چیئرمین بلاول بھٹو نے قومی اسمبلی سے پہلی مرتبہ خطاب کرتے ہوئے کہا تھا کہ عمران خان نے جنہیں گدھے، بھیڑ بکریاں قرار دیا ان کے بھی وزیراعظم ہیں، عمران خان نے پارلیمان کو مضبوط کیا تو ہمیں اپنے ساتھ پائیں گے، اگر آپ نے ایوان کا تقدس پامال کیا تو انہیں سب سے پہلے ہمارا سامنا کرنا ہوگا ۔
انہوں نے مزید کہا کہ الیکشن پر تحفظات کے باوجود جمہوری عمل میں حصہ لے رہے ہیں، الیکشن میں سب کو برابری کا موقع نہیں دیا گیا، مختلف پولنگ ایجنٹس کو پولنگ اسٹیشنز سے باہر نکالا گیا، نتائج کو روکا گیا۔
اسلام آباد : پیپلزپارٹی کے چیئرمین بلاول بھٹو زرداری نے کہا ہے کہ الیکشن میں دھاندلی سے متعلق پارلیمانی کمیٹی بنانے کے اپوزیشن کے مطالبے کی حمایت کرتے ہیں، ایوان میں دو جماعتوں نے احتجاج کیا جو قابل افسوس ہے۔
ان خیالات کا اظہار انہوں نے قومی اسمبلی کے اجلاس سے پہلی بار خطاب کرتے ہوئے کیا، بلاول بھٹو نے کہا کہ عمران خان کو منتخب وزیراعظم بننے پر مبارکباد دیتا ہوں اور بتانا چاہتا ہوں کہ آپ مخصوص جماعت کے نہیں پورے پاکستان کے وزیر اعظم ہیں۔
عمران خان نے جنہیں گدھے، بھیڑ بکریاں قرار دیا ان کے بھی وزیراعظم ہیں، عمران خان نے پارلیمان کو مضبوط کیا تو ہمیں اپنے ساتھ پائیں گے، اگر آپ نے ایوان کا تقدس پامال کیا تو انہیں سب سے پہلے ہمارا سامنا کرنا ہوگا ۔
انہوں نے مزید کہا کہ الیکشن پر تحفظات کے باوجود جمہوری عمل میں حصہ لے رہے ہیں، الیکشن میں سب کو برابری کا موقع نہیں دیا گیا، مختلف پولنگ ایجنٹس کو پولنگ اسٹیشنز سے باہر نکالا گیا، نتائج کو روکا گیا۔
انہوں نے واضح کیا کہ دھاندلی سے متعلق پارلیمانی کمیٹی بنانے کے اپوزیشن کے مطالبے کی حمایت کرتے ہیں، دھاندلی کی تحقیقات کیلئے پارلیمانی کمیٹی بناکر ایوان کو آگاہ کیا جائے، جمہوری عمل میں حصہ لینے پر اپوزیشن کا شکریہ ادا کرتا ہوں، اپوزیشن کے بغیر اسپیکر اور وزیراعظم کی کرسی نہ ہوتی۔
ان کا کہنا تھا کہ آج میری قومی اسمبلی میں پہلی تقریر ہے جو میرے لیے باعث اعزاز اور چیلنج ہے، یہ ایوان تمام اداروں کی ماں ہے، اللہ کا شکر اداکرتا ہوں نہ اس نے مجھے مقدس ایوان کا ممبر بنایا ہے، یہ وہ ایوان ہے جس نے اپنے اندر اور باہر سے حملے برداشت کیے۔
اکرام اللہ گنڈاپور، ہارون بلور، سراج رئیسانی سمیت پشاور اور مستونگ کے شہداء کو خراج عقیدت پیش کرتاہوں انتخابات کے دوران ہونے والے دہشت گرد واقعات کی تحقیقات کا مطالبہ کرتے ہیں۔
مجھے اس ایوان سے خطاب کرتے ہوئے فخر ہے کہ جس نے مسلم دنیا کی پہلی خاتون وزیراعظم محترمہ بے نظیر بھٹو کو منتخب کیا۔ آپ کو اسپیکر منتخب ہونے پر مبارکباد پیش کرتا ہوں، امید کرتا ہوں آپ اس ایوان کی حفاظت کریں گے۔
بلاول بھٹو کا مزید کہنا تھا کہ2018کےانتخابات سے بھی ہم نے کچھ نہیں سیکھا، افسوس سے کہنا پڑتا ہے کہ دو جماعتوں نے احتجاج کیا، یہ احتجاج قابل قبول نہیں تھا، احتجاج جمہوری حق ہے مگر جو تماشہ ہوا وہ درست نہیں، امید ہے آگے ایسا نہیں ہوگا۔
اسلام آباد : سابق صدر آصف زرداری کی صاحبزادی آصفہ بھٹو کا کہنا ہے آصف زرداری اور بلاول بھٹو کو حلف اٹھاتے دیکھا،جو خوشی ہوئی وہ بیان سے باہر ہے۔
تفصیلات کے مطابق شہید محترمہ بے نظیر بھٹو اور سابق صدر آصف علی زرداری کی صاحبزادی آصفہ بھٹو نے سماجی رابطے کی ویب سائٹ ٹوئٹر پر اپنے پیغام میں کہا آصف زرداری اور بلاول بھٹو کو قومی اسمبلی میں حلف اٹھاتے دیکھا، بطور خاندان اور پارٹی جو خوشی ہوئی، وہ بیان سے باہر ہے۔
خیال رہے کہ سندھ سے پیپلز پارٹی کے چیئرمین بلاول بھٹو زرداری اپنے والد سابق صدر آصف علی زرداری کے ساتھ پہلی بار قومی اسمبلی میں قدم رکھا۔
یاد رہے کہ افتتاحی اجلاس میں نو منتخب اراکین قومی اسمبلی نے حلف اٹھالیا، اسپیکرایاز صادق نےانتخابات میں کامیابی حاصل کرنے والوں سے حلف لیا۔
آصف زرداری نے نئی اسمبلی میں سب سے پہلے ارکان کی فہرست میں دستخط کئے جبکہ بلاول بھٹو دستخظ کرنے آئے تو پی پی ارکان نے تالیاں بجائیں۔
چیئرمین پیپلزپارٹی بلاول بھٹوزرداری پہلی بار قومی اسمبلی کاحصہ بنے ہیں۔
مہمان گیلری میں آصفہ بھٹو اور بختاوربھٹو نے بھی اجلاس دیکھا اور خوش نظر آئیں نیٹ جبکہ ان کے پیچھے شیری رحمان اور رحمان ملک بھی مہمان گیلری کا حصہ بنے۔
اسلام آباد: صدر ن لیگ شہباز شریف اور پیپلز پارٹی کے چیئرمین بلاول بھٹو نے انتخابی اخراجات کی تفصیلات جمع کرادیں، شہباز شریف نے 19 لاکھ34 ہزار447 روپےخرچ کئے۔
تفصیلات کے مطابق صدرن لیگ شہبازشریف نے انتخابی اخراجات کی تفصیلات آر او کو جمع کرادیں، جس میں بتایا گیا ہے کہ انھوں نے انیس لاکھ چونتیس ہزارچار سو سینتالیس روپےخرچ کئے، گاڑیوں میں تیل کی مدمیں چھ لاکھ رپے خرچ کئے۔
تفصیلات میں کہا گیا ہے کہ شہبازشریف نے اشتہارات کے لئے 11 لاکھ روپے خرچ کیے، آر او نے انتخابی اخراجات کی تفصیلات درست قرار دے دیں۔
دوسری جانب پیپلز پارٹی کے چیئرمین بلاول بھٹو نے این اے200 سے انتخابی اخراجات کی تفصیلات جمع کرادی ہے، بلاول بھٹو کے وکیل آصف عبد الرزاق نے آراو کے پاس گوشوارے جمع کرائے۔
لاڑکانہ کی2 قومی، 4صوبائی نشستوں کے امیدواروں نے بھی تفصیلات جمع کرائی۔
خیال رہے کہ آج انتخابی امیدواروں کے اخراجات کی تفصیل جمع کرانے کا آخری روز ہے، انتخابی اخراجات کی تفصیل آج شام 4 بجے تک جمع کرائی جاسکتی ہے۔
الیکشن کمیشن کا کہنا تھا کہ 9 اگست تک تمام امیدواروں کی کامیابی کا نوٹیفیکیشن جاری کردیا جائے گا تاہم اس سے قبل امیدواروں کو انتخابی اخراجات کی تفصیلات جمع کروانی ہوں گی۔
کراچی: پاکستان پیپلزپارٹی کے چیئرمین بلاول بھٹو زرداری نے کہا ہے کہ پارٹی حالیہ انتخابات کو مسترد کرچکی ہے، کارکنان انتخابات میں بے ضابطگی کے شواہد پارٹی الیکشن سیل کو بھیجے۔
ان خیالات کا اظہار انہوں نے پی پی خیبرپختونخوا کے صدر ہمایوں خان سے ملاقات کے موقع پر گفتگو کرتے ہوئے کیا، ہمایوں خان نے بلاول بھٹو کو انتخابات کی بعد کی صورتحال سے آگاہ کیا۔
بلاول بھٹو نے کہا کہ کارکنوں کو متحرک رکھا جائے، جلد خیبرپختونخوا کا تفصیلی دورہ کروں گا، پیپلزپارٹی کارکنوں جیسا بہادر، ثابت قدم اور وفادار کوئی نہیں ہے۔
چیئرمین پیپلزپارٹی نے کہا کہ جمہوریت سب سے زیادہ عزیز ہے، پیپلزپارٹی نے جمہوریت کے لیے سب سے زیادہ قربانیاں دی ہیں۔
واضح رہے کہ بلاول بھٹو کا کہنا تھا کہ وفاق کے بعد پیپلزپارٹی پنجاب میں بھی اپوزیشن بینچوں پر بیٹھے گی، کسی کی غیر مشروط حمایت نہیں کریں گے۔
ان کا کہنا تھا کہ جنوبی پنجاب صوبہ کوئی کٹھ پتلی جماعت نہیں صرف پیپلزپارٹی ہی بنا سکتی ہے، انہوں نے دو ٹوک موقف اختیار کرتے ہوئے کہا تھا کہ ہم کسی کی غیرمشروط حمایت نہیں کریں گے ہماری حمایت اور مخالفت صرف عوامی مسائل کی بنیاد پر ہوگی۔
خیال رہے کہ پاکستان پیپلزپارٹی کے چیئرمین بلاول بھٹو زرداری الیکشن کی شفافیت پر اعتراض کرتے ہوئے چیف الیکشن کمشنر کے استعفیٰ کا مطالبہ کر چکے ہیں۔
بلاول بھٹو کا کہنا تھا کہ ہم انتخابات کے نتائج کو مسترد کرتے ہیں مگر پارلیمنٹ جاکر بھرپور اپوزیشن کا کردار ادا کریں گے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
کراچی : پیپلز پارٹی کراچی کے صدر سعید غنی اپنے عہدے سے مستعفی ہوگئے، پی پی رہنما لیاری میں بلاول بھٹو کی شکست سے دلبرداشتہ ہیں۔ تفصیلات کے مطابق الیکشن 2018میں پی پی کے گڑھ لیاری سے پیپلزپارٹی کے امیدوار چیئرمین بلاول بھٹو زرداری کو تحریک انصاف کے امیدوار عبد الشکور شاد کے مقابلے میں بد ترین شکست کا سامنا کرنا پڑا، جس پر پیپلز پارٹی کراچی کے صدر سعید غنی دلبرداشتہ ہوگئے، اور انہوں نے اپنا استعفیٰ چیئرمین بلاول بھٹو کو ارسال کر دیا ہے۔ اس حوالے سے ذرائع کا کہنا ہے کہ پارٹی کےسینیئرعہدیداران نے سعید غنی سے سوال کیا تھا کہ پیپلز پارٹی کراچی سے کیوں ہاری؟ ذرائع کا یہ بھی کہنا ہے کہ پیپلز پارٹی کراچی ڈویژن کی موثر عوامی رابطہ مہم نہ ہونے کے باعث لیاری میں پیپلز پارٹی کو طویل عرصے کے بعد ناکامی کا منہ دیکھنا پڑا ہے۔ دوسری جانب ذرائع کا کہنا ہے کہ پارٹی قیادت نے سعید غنی کا استعفیٰ منظور نہیں کیا ہے۔
