Tag: بلاول بھٹو

لاہور: چیئرمین پیپلزپارٹی بلاول بھٹو زرداری نے کہا ہے ڈرامے بازی میں ایکسپرٹ نوازشریف نےجان بوجھ کرخودکومشکل میں ڈالا، نواز شریف عدلیہ اور پارلیمنٹ میں تصادم چاہتے ہیں، انہیں عوام اور عدالت دونوں سےسزاملے گی، پرویز مشرف کو انصاف کے کٹہرے میں لانا پڑے گا۔

تفصیلات کے مطابق لاہور میں چیئرمین پیپلزپارٹی بلاول بھٹو نے کارکنوں سے خطاب کلرتے ہوئے کہا کہ ہمیں کسانوں کو طاقت ور بنانا ہے ، پنجاب تباہ کر دیا گیا،غریب کی آواز سننے والا کوئی نہیں، ہم چاہتے ہیں امریکا،چائنہ اور روس سے بھی بات کرسکیں، دنیا جانتی ہے کہ ملک اور معیشت ایسے نہیں چل سکتی۔

بلاول بھٹو کا کہنا تھا کہ ہم ترقی پسند اور اسلامی تعلیمات کا ملک چاہتے ہیں، جعلی تبدیلی ،دہشتگردوں کے ساتھی عمران خان کی سیاست نہیں چاہتے، ہم شہید ذوالفقار علی بھٹو، بینظیر بھٹو کی سیاست چاہتے ہیں ، ہم جمہوریت چاہتے ہیں انصاف چاہتے ہیں، پیپلزپارٹی ملک ،معیشت کو مضبوط اور خارجہ پالیسی بناسکتی ہے۔

پی پی چیئرمین نے کہا کہ آج کے پنجاب میں بھی غریبوں کا حصہ ہوناچاہئے، حالیہ صورتحال ن لیگ خود پیداکردہ ہے، امیر کو امیر اور غریب سے غریب تر بنایا جارہاہے، ہم انصاف اور مساوات پر مبنی معاشرہ چاہتے ہیں، پیپلزپارٹی نے ہمیشہ عوام کی سیاست کی ہے۔

انکا کہنا تھا کہ ن لیگ کے خلاف الیکشن لڑرہا ہوں ،ان کے نمائندے سے نہیں مل سکتا، نوازشریف نے جان بوجھ کر خود کو مشکل میں ڈالا ہے ، نوازشریف ڈرامے بازی میں ایکسپرٹ ہے ، نوازشریف بتائیں وزیراعظم کی حیثیت سے کتنی بار پارلیمنٹ آئے، نوازشریف کو عوام اور عدالتوں دونوں طرف سے سزا ملے گی۔

مزید پڑھیں : نوازشریف کی مہم جوئی جمہوریت کے لئے خطرناک ہے، بلاول بھٹو

صحافی نے سوال کیا کہ کیا مریم نواز سے ملیں گے، جس پر بلاول بھٹو کا نے کہا کہ میں ن لیگ کیخلاف الیکشن لڑرہا ہوں توان سے کیوں ملوں گا، نواز شریف کو کہا تھا ایک شخص کے لئے قانون سازی نہ کی جائے۔

انکا مزید کہنا تھا کہ نوازشریف چاہتا ہے عدلیہ اور پارلیمنٹ میں تصادم ہو، نوازشریف نے ہائی جیکنگ کیس میں بھی ڈرامہ کیا، نوازشریف سسٹم اور ملک میں گڑ بڑ چاہتا ہے ، پرامید ہوں ایسا نہیں ہوگا، نوازشریف یوسف رضاگیلانی کو دیئے گئے اپنے مشورے پر خود عمل کریں۔

مشرف کے حوالے سے بلاول بھٹو نے کہا کہ سیاستدانوں کیخلاف کارروائی اور مشرف کو باہر بھیجیں گےتو سوال اٹھیں گے، پرویز مشرف کو انصاف کے کٹہرے میں لانا پڑے گا، مشرف کے مارشل لا نے پنجاب کو برباد کردیا ہے ، ہم ملک میں آئین و قانون کی حکمرانی چاہتے ہیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔