کراچی: پیپلز پارٹی کے چئیرمین بلاول بھٹو زرداری کاکہنا ہےسیاسی جماعتیں متحد ہو کر دہشت گردی سے نمٹ سکتی ہے، چیلنجز سے نمٹنے کے لئے اتحاد ضروری ہے۔
بلاول بھٹو زرداری نے ان خیالات کا اظہارایشیا کی سیاسی جماعتوں کی بین الاقوامی کانفرنس سے خطاب میں کیا۔
پیپلز پارٹی کےچئیرمین کا مزید کہنا تھا کہ انسانی اسمگلنگ کے لئے دنیا کی تمام قوموں کو مل کر کام کرنا ہوگا۔۔چیلنجز سے نمٹنے کے لئے اتحاد ضروری ہے۔
کراچی : پیپلزپارٹی کے ناراض رہنما ذوالفقار مزرا نے کہا ہے کہ پیپلز پارٹی کے شریک چیئرمین آصف زرداری سر سے پیر تک کرپٹ ہیں۔
اے آر وائی نیوز کے پروگرام آف دی ریکارڈ میں اینکر پرسن کاشف عباسی سے خصوصی گفتگو کرتے ہوئے سابق وزیرداخلہ ذوالفقار مرزا کا کہنا تھا کہ آصف زرداری دل سے غریب ہیں۔
سابق صدر سے متعلق ایک سوال کے جواب میں ذوالفقار مرزا کا طنز کرتے ہوئے کہنا تھا کہ زرداری ایک بہت ذہین شخصیت کے مالک ہیں اور جیسے اپنے دور اقتدار میں انہوں نے صبر کا مظاہرہ کر کے دیکھایا۔
ان کا کہنا تھا کہ زرداری نے لاہور میں اربوں روپے خرچ کرکے بم پروف گھر تعمیر کروایا۔
انہوں نے کہا کہ آصف زرداری کی بدولت سندھ حکومت کی ناقص کارکردگی کی وجہ سے عوام مشکلات سے دوچار ہیں۔
انہوں نے کہا آصف زرداری کو پراپرٹی بنانے کا شوق ہے ، آصف زرداری ایک طرح کے ’رابن ہوڈ ‘ہیں۔
پیپلزپارٹی کے رہنماوں کے بارے میں ان کا کہنا تھا کہ سیاست میں پیسہ اہم جزہ ہے،بہت سے لوگ پیپلز پارٹی میں آنے کے بعد غریب سے امیر ہوئے لیکن انہوں نے پارٹی پر ایک روپیہ بھی خرچ نہیں کیا۔
انہوں نے کہا منظور وسان اور شرجیل میمن مکمل طور کرپٹ انسان ہیں لیکن شرجیل میمن بہادر اور مزاحیہ بھی ہیں۔
ذوالفقار مرزا نے قائم علی شاہ کے بارے بتایا کہ وہ ایک ایماندار شخص ہیں، جس میں کرپشن کی شرح صفر ہے۔
رحمان ملک سے متعلق سوال کے جواب میں ذوالفقار مرزا کا کہنا تھا کہ رحمان ملک ایک ایسا شخص ہے جس سے آپ جو چاہیے کام کرواسکتے ہیں، انہوں نے کہا کہ رحمان ملک کی خوبی ہے کہ وہ آپ کے جوتے بھی صاف کرسکتا ہے اور وہ کچھ بھی کرسکتا ہے۔
انہوں نے مزید کہا کہ رحمان ملک ایک ’نایاب جانور‘ ہے،رحمان ملک کو کراچی آنے سے روک سکتا ہوں کیونکہ وہ ’بزدل‘ ہے
ذوالفقار مرزا کا کہنا تھا کہ بلاول بھٹو سندھ حکومت کی کارکردگی سے دل برداشتہ ہو کر بیرونِ ملک چلے گئے ہیں۔
ایک سوال کے جواب میں ان کا کہناتھا کہ اگر میں جھوٹ بول رہا ہوں تو بلاول کسی بھی ٹی وی چینل پر آئیں اور کہہ دیں میں ذوالفقار مرزا جھوٹ اور بکواس کررہا ہے ، پھر میں زندگی میں کبھی کسی چینل پر نہیں آوں گا۔
انہوں نے کہا کہ اس وقت پیپلز پارٹی کو آصف زرداری کی ہم شیرہ فریال تالپور چلا رہی ہیں۔جبکہ پیپلز پارٹی بلاول بھٹو سے تعلق رکھتی ہے۔
حیدرآباد: آصف علی زرداری پر ذوالفقار مرزا کی تنقید کے خلاف حیدر آباد کےجیالے سڑکوں پر نکل آئے اور پریس کلب پرمظاہرہ کیا۔
پیپلز پارٹی کے سیکڑوں کارکنوں نے پریس کلب کے سامنے مظاہرے میں شریک چیئرمین آصف علی زرداری سے بھر پور اظہار یکجہتی کیا،اورذوالفقار مرز کے خلاف نعرے لگائے۔
مظاہرے سے خطاب میں پی پیپلزپارٹی کے رہنمامولا بخش چانڈیو کاکہنا تھا ذولفقار مرزا اکا انداز پارٹی کے ساتھ دوستانہ نہیں ہے،پارٹی کو متحد دیکھنا چاہنے والے ایسی باتوں پر دھیان نہیں دیں گے۔
دیگر مقررین کا کہنا تھا کہ ذولفقار مرزا نے فوری طور پر آصف زرداری سے معافی نہیں مانگی تو احتجاج کا سلسلہ ملک بھر میں شروع کردیا جائےگا۔
کراچی: سابق صوبائی وزیر داخلہ ذوالفقار مرزا کا کہنا ہے کہ پیپلز پارٹی کے کرپٹ ایم این ایز اور ایم پی ایز کو کورٹ میں لٹکاؤں گا۔
پیپلز پارٹی کے رہنما اور سابق صوبائی وزیر داخلہ ذوالفقار مرزا نے صدر ملیر بار کے عشائیے سے خطاب کرتے ہوئے کہا کہ بلاول بھٹو عوام کا خون چوسنے والے ایم این ایز اور ایم پی ایز کو ہزگز ٹکٹ نی دیں۔
ان کا کہنا تھا کرپشن کے خلاف جنگ رتوڈیرو سے شروع ہوئی تھی اور میری زندگی تک جاری رہے گی۔
زوالفقار مرزا نے کہا کہ پی پی کے کرپٹ سیاستدانوں کو کورٹ میں لٹکاوں گا،انہوں نے کہا پی پی میری اور وہ پیپلز پارٹی کے ہیں۔
گوجرانوالہ: گوجرانوالہ میں تیئس نومبر کو پی ٹی آئی کے جلسے میں گڑبڑ کرنے والا بلاول بٹ نواز لیگ کا رہنما نکلا، لیگی رہنما غلام دستگیر کے گھر پر ہونے والے اجلاس میں بہت ہی متحرک تھا۔
تئیس نومبر کو گوجرانوالہ پی ٹی آئی جلسے کے موقع پر عمران خان کی تصاویر پر رنگ پھینکنے والا بلاول بٹ نواز لیگ کا رہنما ہے۔
ہورڈنگز اور بینر پھاڑنے اور سیاہی ڈالنے کے الزام میں گرفتار بلاول بٹ نے جلسے سے دو دن پہلے نواز لیگ کی قیادت کی میٹنگ میں شرکت اور تقریر بھی کی۔ مقامی اخبار میں لیگی رہنما غلام دستگیر کی زیر صدارت اکیس نومبر کی میٹنگ میں بلاول بٹ کو واضح طور پر تقریر کرتے بھی دکھایا گیا ہے۔
کراچی: سابق صدرآصف زرداری اور چیئر مین پیپلز پارٹی بلاول بھٹو زرداری نے جے یو آئی فے کے صوبائی رہنما اور سابق سنیئٹر خالد محمود سومرو کے قتل پرافسوس کااظہار کیا ہے۔
سابق صدر آصف زرداری نے ایک بیان میں جے یو آئی ف کے رہنما ڈاکٹر خالد محمود کے قتل کی مذمت کی ہے۔ اپنے بیان میں انھوں نے کہا کہ خالدسومرو کے قتل سے حوصلے پست نہیں ہونگے۔
آصف علی زرداری نے وزیراعلیٰ سندھ سید قائم علی شاہ سے ٹیلیفون پر بات کی اور قاتلوں کی گرفتاری پر زور دیا ہے، پیپلز پارٹی کے چیئرمین بلاول بھٹو زرداری نے بھی ڈاکٹر خالدسومرو کےقتل کی مذمت کرتے ہوئے افسوس کا اظہار کیا ہے۔
کراچی: پیپلزپارٹی کی جانب سے گزشتہ روز جناح باغ کراچی میں عوامی و سیاسی قوت کا مظاہرہ کیا گیا، پیپلز پارٹی کے چئیرمن بلاول بھٹو نے اپنے سیاست کا عملی طور پر آغاز کر تے ہو ئے تقرر کے دوران عمران خان اورشریف برادران پر شدید تنقید کی، بلاول نے اسلام آباد دھرنوں کواسکرپٹ قراردے دیا۔ بلاول نے کہا کہ کٹھ پتلی وزیراعظم کےآنےتک یہ اسکرپٹ ختم نہیں ہوگا۔
گزشتہ شب کراچی میں جناح باغ میں بلاول بھٹو نے جلسے کے دوران دھواں دھار تقریر کرتے ہو ئے حکمران جماعت کو آڑے ہاتھوں لیا اور وزیراعلیٰ پنجاب کو مخاطب کر تے ہو ئے کہا کہ مارتے بھی ہو اور رونے بھی نہیں دیتے۔ دوسری جانب انھوں نے ایم کیو ایم کوساتھ چلنے کی دعوت دی اور ساتھ ساتھ شدید تنقید کا نشانہ بھی بناتے رہے۔ بلاول کا کہنا تھا کہ دوہزار اٹھارہ میں اگر صاف شفاف الیکشن ہو ئے تو کراچی کا ہر شہری بو کاٹا کہے گا۔
جلسے سے سابق صدرآصف زرداری نے بھی خطاب کیا اورعمران خان پر شدید تنقید کرتے ہو ئے کہا کہ اسلام آباد میں ایک مداری نے کھیل لگایا ہوا ہےاور پیپلز پارٹی جانتی ہے کہ کون ان جلسوں اور دھرنوں کو فنانس کررہا ہے۔
پیپلز پارٹی کی جانب سے کراچی جناح باغ پر ہو نے والے عوامی جلسے سے پیپلز پارٹی کے سابق وزراعظم، سابق اسپیکر قومی اسمبلی اور دووزراعلی نے بھی خطاب کیا۔ جلسے سے خطاب کر تے ہو ئے اعتزازاحسن کا کہنا تھا کہ ملتان کی ہارپر ہمیں معافی مانگنی چاہیے۔
بدین : سندھ کے سابق وزیرداخلہ ڈاکٹرذوالفقارمرزا نے کہا ہے کہ پی پی کارکنان بلاول بھٹو کی ایک جھلک دیکھنے کیلئے جان قربان کرسکتے ہیں،انہوں نے کہا کہ فوجی آپریشن ضرب عضب کے بعد طالبان کےحملوں میں کمی آئی ہے۔ تفصیلات کے مطابق سیاسی منظر نامے سے غائب ہوجانے والے ڈاکٹرذوالفقار مرزا ایک بار پھر منظر عام پر آگئے۔
ذوالفقار مرزا کراچی میں پیپلزپارٹی کے جلسے میں شرکت کیلئے بدین سے ساڑھے تین ہزار گاڑیوں کےقافلےکی قیادت کر کے کراچی آرہے ہیں۔ ڈاکٹر ذوالفقار مرزا نے بدین میں اے آروائی سے خصوصی بات کرتے ہوئے کہا کہ کارکنوں کا جوش دیدنی ہے۔
ڈاکٹر ذوالفقار مرزا کا کہنا تھا کہ ملک بھر کے تمام اجتماعات میں دہشت گردی کا خطرہ ہوتا ہے لیکن فوجی آپریشن کے بعد اب حملوں میں کمی آئی ہے۔
سندھ کےسابق صوبائی وزیرداخلہ ڈاکٹر ذوالفقارمرزا اورایم کیوایم کے درمیان کشیدگی کے بعد اُس وقت کے صدر آصف زرداری نے معاملے کو سلجھایا اور ڈاکٹر ذوالفقار مرزا سیاسی منظر سے اوجھل ہوگئے تھے۔
کراچی: مزار قائد سے منسلک باغ جناح میں پیپلز پارٹی کے آج ہو نے والے جلسے کی تیاریاں مکمل کر لی گئیں، شہر میں ہائی الرٹ اور مزار قائد کو جانے والے تمام راستے بند کردئیے گئے ہے ۔
نمائندہ اے آر وائی نیوز کے مطابق باغ جناح میں جلسےپر شہر کی سیکیورٹی ہائی الرٹ کردی گئی ہے، جگہ جگہ پولیس اور رینجزرز کی بھاری نفری تعینات کردی گئی یے، مزارقائدکےراستےسیل کردیئے گئے ہےجبکہ جلسہ گاہ کے اطراف اور شارع فیصل پر موجود پیٹرول پمپس کو بند کروا دیا گیا ہے۔
ایم اے جناح روڈ گرومندر سے سی بریز پلازہ تک کنٹینر لگا کر بند کی گئی ہے،اطراف میں بلندعمارتوں پر پولیس اہلکار تعینات کردئیے گئے ہیں۔ جلسے کی سیکیو رٹی کیلئے مجموعی طور پر ساڑھے بائیس ہزارپولیس اہلکار تعینات کئے جائے نگے ہیں۔
رہنماؤں کے لئے چودہ فٹ اونچا اور ایک سو ساٹھ فٹ لمبا سٹیج تیار کیا گیا ہے۔ کنٹینر کی چھت پر بلٹ پروف شیشہ بھی لگا ہے۔
صبح سویرے بم ڈسپوزل اسکواڈ اورسراغ رساں کتوں کے ذریعے جلسہ گاہ اور ملحق علاقے کی سرچنگ کی گئی۔ جلسہ گاہ کو پیپلز پارٹی کے کارکنان اورمیڈیاسےخالی کرالیاگیاتھاتاکہ بم ڈسپوزل اسکواڈ جلسہ گاہ
کی تلاشی لے سکے۔ میڈیا کو سیکیورٹی کلیئرنس کےبعد پنڈال میں جانےکی اجازت دی جائے گی۔
دوسری جانب باغ جناح اور اس کے اطراف میں بم ڈسپوزل اسکواڈ اور سراغ رساں کتوں کے ذریعے سرچنگ کا کام مکمل کیا گیا جبکہ بعد ازاں وزیراعلی سندھ نے جلسے کےانتظامات کاجائزہ بھی لیا اور انتظامات پراطمینان کا اظہار کیا۔
انتظامیہ کے مطابق جلسہ کو سیکیورٹی کو مزید فول پروف بنانے کے لے موبائل جیمرز بھی لگائے جائے گئے۔
لاڑکانہ: پاکستان پیپلز پارٹی کے چئیرمین بلاول بھٹو زرداری نےاعلان کیا ہے کہ وہ لاڑکانہ سے اپنی والدہ کی نشست پر الیکشن لڑینگے۔
لاڑکانہ میں تقریب سے خطاب کے دوران بلاول بھٹو زرداری نے کہا ہے کہ وہ لاڑکانہ میں اپنی والدہ کی نشست این اے دو سو سات سے الیکشن لڑینگے ۔ وہ لاڑکانہ کی خواتین ورکرز میں عید کے تحائف تقسیم کرنے کی تقریب سے خطاب کررہے تھے،الیکشن کا اعلان اُنہوں نے کہا اٹھارہ اکتوبر کا جلسہ تاریخی ہوگا ۔
اس موقع پر اُنہوں نے مرسوں مرسوں سندھ نہ ڈیسوں کے نعرے بھی لگائے، بلاول بھٹو کا کہنا تھا کہ پیپلز پارٹی غریبوں کی جماعت ہے اور وہ اُن کے حقوق کی جنگ لڑتی رہے گی، تقریب میں فریال تالپور اور وزیراعلی سندھ بھی شریک ہوئے۔