Tag: بلاول بھٹو

اسلام آباد : چیئرمین پیپلز پارٹی بلاول بھٹو نے صحافی کے اسٹیبلشمنٹ سے متعلق سوال پر جواب دیتے ہوئے کہا کیا ثبوت ہے کہ میں اسٹیبلشمنٹ سے ملا ہوا ہوں؟

تفصیلات کے مطابق چیئرمین پیپلز پارٹی بلاول بھٹو نے سپریم کورٹ کے باہر میڈیا سے گفتگو میں صحافی کے اسٹیبلشمنٹ سے متعلق سوال پر برہم ہوگئے اور کہا کیا ثبوت ہے کہ میں اسٹیبلشمنٹ سے ملا ہوا ہوں؟ ثبوت پیش کریں کہ میں سودا کررہا ہوں۔

بلاول بھٹو کا کہنا تھا کہ انٹرنیشنل میڈیا پر ثبوت دیے بغیر مجھ پر الزام لگایا کہ میں سودا کررہاہوں، پہلے آپ ثبوت دیں کہ میں نے کس چیزپرسوداکیا۔

چیئرمین پیپلز پارٹی نے مزید کہا کہ ہم عدالت میں کھڑے ہیں آپ بتائیں ثبوت ہیں تو بتائیں وہ کیا ہیں جو سودا کر رہاہوں، ثبوت ہیں تو یہ بھی بتائیں ملاقات میں پاکستان اورجمہوریت کی بات کررہا تھا یا نہیں۔

الیکشن نتائج کے حوالے سے چیئرمین پی پی کا کہنا تھا کہ الیکشن میں عوام کسی ایک کو اختیار نہیں دے رہےہیں ، عوام نے کہا پی ٹی آئی کوحکومت کرنی ہے تو باقی جماعتوں کیساتھ ملنا پڑےگا، ن لیگ کو عوام نے مینڈیٹ دیا تو ان کو بھی باقی جماعتوں سے ملناپڑے گا۔

ان کا مزید کہنا تھا کہ اگرمیں سنگل لارجسٹ پارٹی ہوتا تو کہہ سکتا تھا یہ میرامینڈیٹ ہے، عوام نے کسی ایک جماعت کو اکثریت نہیں دی کہ اکیلےحکومت بنائے، عوام پیغام دےرہےہیں کہ یہ ملک کوئی ایک جماعت نہیں چلا سکتی۔

بلاول بھٹو نے کہا کہ عوام پی ٹی آئی اور ن لیگ کو کہہ رہے ہیں کہ اگر حکومت کرنی ہے تو دوسروں کوساتھ ملائیں، عوام نے ایسا فیصلہ دیا ہے جس پرتمام اسٹیک ہولڈرکومل بیٹھ کرفیصلہ کرنا پڑے گا۔

موجودہ صورتحال پر چیئرمین پی پی کا کہنا تھا کہ اس وقت واحد طریقہ ڈائیلاگ اورتعاون ہے، پی ٹی آئی جب بات نہیں کرے گی تو وہ حکومت نہیں بناسکتی ،سی ای سی میں فیصلہ کیا جو ہمارے پاس آئیں ہیں ان سے بات کرتے ہیں۔

اسلام آباد : چیئرمین پیپلز پارٹی بلاول بھٹو کا کہنا ہے کہ ذوالفقار بھٹو کی پھانسی سے متعلق صدارتی ریفرنس عدلیہ کا امتحان ہے، امید ہے جو انصاف بیٹی کو نہ ملا سکا وہ نواسے کو دیا جائے گا۔

تفصیلات کے مطابق چیئرمین پیپلز پارٹی بلاول بھٹو نے سپریم کورٹ کے باہر میڈیا سے گفتگو کرتے ہویے کہا کہ آج سپریم کورٹ میں ایک بار پھر ذوالفقار بھٹو ریفرنس پر سماعت ہوئی ، یہ تاریخی کیسز ہیں کئی مسائل اس کیس سے جڑے ہوئے ہیں۔

بلاول بھٹو کا کہنا تھا کہ ذوالفقار علی بھٹو کا عدالتی قتل ہوا ہے ، کوئی قتل ہوا ہے تو یہ نہیں کہا جاسکتاکہ 20،10 سال گزر گئے اب انصاف نہیں ہوسکتا، یہاں صدارتی ریفرنس سناجارہاہے توججز فیصلے کرینگے کہ کیا انصاف ہوا ہے۔

چیئرمین پی پی نے سوال کیا کہ کیا شہید ذوالفقار بھٹو کا آمریت کے دورمیں قتل درست ہے یا نہیں ، مجھے عدلیہ سے پوری امید ہے کہ ہمیں ضرور انصاف دیں گے اور جو داغ اس ادارے پر اس فیصلے سے موجود ہے وہ بھی دھوئے گی۔

ان کا کہنا تھا کہ صدارتی ریفرنس سے کم از کم تاریخ کو درست کیا جاسکے گا، یہ لائن ڈرا ہوسکے گی کہ ماضی میں جو ہوا وہ غلط تھا، اس ریفرنس کا فیصلہ آیا تو مستقبل میں عدلیہ ہو یا کوئی اور ادارہ ایسا جرم نہیں دہرائے گا۔

بلاول بھٹو نے مزید کہا کہ آصف زرداری کے شکر گزار ہیں کہ انھوں نے یہ ریفرنس دے کر ہمیں موقع فراہم کیا، امید ہے جو انصاف بیٹی کو نہ ملا سکا وہ نواسے کو دیا جائے گا۔

پیپلز پارٹی کے چیئرمین نے بتایا کہ میں ہر سماعت کے موقع پر سپریم کورٹ آیا ہوں ، تمام قانونی ،آئینی اور تاریخ کے حوالےسے معاملات ججز دیکھ رہے ہیں، پاکستان کی تاریخ میں پہلی خاتون جج بھی اس کیس میں موجودہیں ، تاریخ کتنی خوبصورتی کیساتھ آگے بڑھ رہی ہے۔

ان کا کہنا تھا کہ محترمہ بینظیربھٹوکاخواب تھاوالد کوانصاف ملے، جوجدوجہدشہیدبینظیربھٹو،آصف زرداری نےکی وہ آج بھی جاری ہے، اللہ پربھروسہ ہےضرورانصاف ہوگا۔

بلاول بھٹو نے عدالتی ریمارکس پر کہا کہ آپ یہ نہیں کہہ سکتے کہ بات پرانی ہوگئی اب انصاف نہیں ہوسکتا، ریفرنس ہمارا یہ ہے کہ تاریخ کو درست کرسکیں ، ہم مستقبل میں جمہوریت اور اداروں کو مضبوط دیکھنا چاہتے ہیں ، ہم چاہتے ہیں اس قسم کےداغ کسی ادارے پر نہ لگے۔

سابق وزیر کا مزید کہنا تھا کہ بدقسمتی سےمیں وکیل نہیں مگر سمجھتا ہوں قتل کی ایف آئی آر درج ہوتو قانون کے مطابق فیصلہ ہو۔

جسٹس مسرت ہلالی کے ریمارکس پر انھوں نے کہا کہ قصاص میں کیوں مانگو میں توانصاف مانگو گا، جوڈیشل ریفرنس سےاپنی تاریخ کودرست کریں، چیف جسٹس نے کہا پاکستان کامستقبل روشن دیکھناچاہتےہیں،بلاول بھٹو

اسلام آباد : پیپلز پارٹی کے شریک چیئرمین آصف زرداری اور چیئرمین بلاول بھٹو نے اپنے تمام اختیارات پیپلزپارٹی کی رابطہ کمیٹی کو سونپ دیئے۔

تفصیلات کے مطابق پیپلزپارٹی کی قائم کردہ رابطہ کمیٹی کا اجلاس ہوا، آصف زرداری اورچیئرمین پیپلزپارٹی بلاول بھٹو نے اجلاس کی صدارت کی۔

آصف زرداری اور بلاول بھٹو نے اپنے تمام اختیارات کمیٹی کو سونپ دیئے ، پیپلزپارٹی کی رابطہ کمیٹی سیاسی جماعتوں سے رابطے کرے گی۔

کمیٹی اراکین مرادعلی شاہ،قمرزمان کائرہ،ثنااللہ زہری ندیم افضل چن، سعیدغنی اور شجاع خان اجلاس میں شریک ہوئے۔

گذشتہ روز سیاسی جماعتوں سے رابطوں کے ٹاسک کے لیے بلاول بھٹونےپیپلزپارٹی رہنماؤں پرمشتمل کمیٹی قائم کی تھی، بلاول بھٹو کی قائم کردہ کمیٹی سیاسی جماعتوں سےرابطے کرے گی۔

اسلام آباد : چیئرمین پیپلز پارٹی بلاول بھٹو نے ایم کیوایم پاکستان کے مینڈیٹ پر حیرت کا اظہار کرتے ہوئے کہا ہے کہ ایم کیوایم کو 18 سیٹیں دیں 50 یا ہزار، ہم کراچی کےامن اورترقی پرسمجھوتہ نہیں کریں گے۔

تفصیلات کے مطابق چیئرمین پیپلز پارٹی بلاول بھٹو نے ایم کیوایم کی سندھ سے زیادہ سیٹیں لینے پرحیرانگی کا اظہار کرتے ہوئے کہا کہ سندھ سےاتنی زیادہ سیٹیں لینا بہت بڑی بات ہے، ایم کیوایم پاکستان کو اٹھارہ نشستیں مل گئیں، پیپلزپارٹی کواعتراضات ہیں۔

بلاول بھٹو کا کہنا تھا کہ الیکشن میں ایم کیوایم نے تشدد کاراستہ اپنایا، الیکشن کیلئے ایم کیوایم کے دہشت گردوں کو جیلوں سے آزاد کروا کر ہمارےامیدواروں،ان کے افسروں پر حملے کروائے گئے، گاڑیاں جلائیں، فائرنگ کی۔

چیئرمین پی پی نے واضح کہا کہ ایم کیوایم کواٹھارہ سیٹیں دیں پچاس یا ہزاردیں ہم کراچی کےامن اورترقی پرسمجھوتہ نہیں کریں گے۔

انھوں نے ایم کیوایم کو پیغام دیتے ہوئے کہا کہ انتہاپسندی اور نفرت کی سیاست کودفن کریں، لسانی بنیادوں پر کراچی کوتقسیم نہیں کرنے دیں گے۔