Tag: بلدیاتی انتخابات
-
بلوچستان:میونسپل کمیٹیز،ڈسٹرکٹ کونسل اور یونین کونسلوںکیلئے پولنگ جاری
بلوچستان کے ضلع ہرنائی میں دس دسمبر کو ملتوی ہونے والے بلدیاتی انتخابات کے بعد آج میونسپل کمیٹیز ڈسٹرکٹ کونسل اور یونین کونسلوں کی کل ایک سو پانچ نشستوں کے لئے پولنگ کا عمل جاری ہے، سیکورٹی کے سخت انتظامات کئے گئے ہیں۔
ضمنی انتخابات کے سلسلے میں پولنگ صبح آٹھ بجے سے شروع ہوئی جو شام پانچ بجے تک جاری رہے گی ، پولنگ کا عمل شروع ہوتے ہی ووٹروں کی لمبی قطاریں لگ گئیں، اور لوگ بڑی تعداد میں اپنا حق رائے دہی استعمال کررہے ہیں۔
کچھ حلقوں میں خواتین پولنگ بوتھ کم بنانے کی شکایات بھی موصول ہوئی ہیں ۔یونین کونسلوں کی کل ترسٹھ ڈسٹرکٹ کونسل کی گیارہ ۔ہرنائی میونسپل کمیٹی کی آٹھ جبکہ شاہراگ میونسپل کمیٹی کی نو نشستوں پر جمعیت علماءاسلام ،پشتونخواملی عوامی پارٹی اور علاقائی اتحاد کے درمیان مقابلہ ہے۔
جبکہ کسی بھی ناخوشگوار واقعہ سے نمٹنے کے لئے تراسی پولنگ اسٹیشنوں پر پولیس لیویز اور ایف سی کے اہلکار تعینات ہیں،انتخابات کے دوران اٹھارہ پولنگ اسٹیشن انتہائی حساس، نوے حساس جبکہ چودہ پولنگ اسٹیشن نارمل قرار دیے گئے ہیں۔
-
پیپلزپارٹی کے تین رکنی وفد کی تحریک انصاف کے رہنماوں ملاقات
پیپلزپارٹی اور تحریک انصاف کے درمیان رابطےہوئےہیں، جن میں کراچی میں بلدیاتی انتخابات کے حوالے سے بات چیت کی گئی۔
کراچی میں نئی سیاسی تبدیلی کا امکان پیدا ہو گیا ہے ، پیپلز پارٹی اور تحریک انصاف آئندہ بلدیاتی انتخابات میں مشترکہ امیدوار لانے یا سیٹ ایڈجسٹمنٹ پر معاہدے کے قریب پہنچ گئیں، پیپلزپارٹی کے تین رکنی وفد نے تحریک انصاف کے رہنما عمران اسمٰعیل سے ان کی رہائش گاہ پرملاقات کی ،اس ملاقات میں بلدیاتی انتخابات میں سیٹ ایڈجسٹمنٹ اورمشترکہ امیدوار لانے پرغور کیاگیا۔
ذرائع کے مطابق دونوں جماعتوں کے درمیان باہمی رابطے فعال اورمزید مضبوط بنانے پراتفاق کیاگیا ،دونوں جماعتوں میں آئندہ چند روز میں ایک اور ملاقات کرنے پر بھی اتفاق ہوا ہے۔ اگر دونوں سیاسی قوتیں ایک پلیٹ فارم پر بلدیاتی انتخابات میں حصہ لیتی ہین تو اس سے کراچی کی سیاست نیا رخ اختیار کر سکتی ہے ۔
-
سندھ اور پنجاب میں بلدیاتی انتخابات کیلئے نیا شیڈول بنانے کی اجازت
سپریم کورٹ نے الیکشن کمیشن کا درد سر کم کر دیا، الیکشن کمیشن کو سندھ اور پنجاب میں بلدیاتی انتخابات کا شیڈول تبدیل کرنے کی اجازت مل گئی۔
سندھ اور پنجاب میں ہونے والے بلدیاتی انتخابات کا شیڈول دوسری بار منسوخ کر دیا گیا، سندھ اور لاہور ہائی کورٹ کی جانب سے حلقہ بندیاں غیر قانونی قرار دیئے جانے اور پرنٹنگ کارپوریشن کی جانب سے بیلٹ پیپر مقررہ وقت میں چھاپ کر دینے سے معذرت کے بعد الیکشن کمیشن نے بھی سپریم کورٹ سے رجوع کیا۔
عدالت کو اپنی مشکلات بتائیں اور بلدیاتی انتخابات کی تاریخوں میں توسیع کی درخواست کر ڈالی، سپریم کورٹ نے درخواست کو باوقار طریقے سے سنا اور الیکشن کمیشن کو اسکی سہولت کے مطابق نیا شیڈول جاری کرنے کی اجازت دے دی۔
درخواست کی سماعت جسٹس تصدق حسین جیلانی کی سربراہی میں 3 رکنی بنچ نے کی، اب بلدیاتی امیدواروں کو نئے شیڈیول کا انتظار کرنا ہوگا۔
-
بلدیاتی انتخابات 18جنوری کو نہیں ہو رہے ، شرجیل میمن
وزیراطلاعات سندھ شرجیل میمن کہتےہیں صوبے میں اٹھارہ جنوری کو بلدیاتی انتخابات نہیں ہورہے نئی تاریخ کے لئے الیکشن کمیشن سے مشاورت کی جائے گی۔
سندھ میں بلدیاتی انتخابات کی تاریخ معمہ بن گئی، وزیر بلدیات و اطلاعات شرجیل میمن نے بھی کہہ دیا کہ بلدیاتی انتخابات اٹھارہ جنوری کو نہیں ہو رہے۔ نئی تاریخ کے لئے الیکشن کمیشن سے مشاورت کی جائے گی۔
وزیر بلدیات شرجیل میمن کی جانب سےجاری کردہ بیان میں کہا گیا ہے کہ ستائیس جنوری کو سپریم کورٹ میں حلقہ بندیوں کے حوالے سے کیس کی سماعت ہے جس میں سپریم کورٹ نے طے کرنا ہے کہ بلدیاتی انتخابات نئی حلقہ بندیوں کے تحت ہوں گے یا دو ہزار ایک کی حلقہ بندیوں کے مطابق جس کے بعد ہی بلدیاتی انتخابات کی تاریخ کا فیصلہ کیا جائے گا۔
-
سندھ ،پنجاب میں بلدیاتی انتخابات، سپریم کورٹ نے نئی تاریخیں دے دیں
سپریم کورٹ نے الیکشن کمیشن کی درخواست بلدیاتی انتخابات کرانے کے لئے سندھ میں تئیس فروری اور پنجاب میں تیرہ مارچ کی نئی تاریخیں دے دیں۔
الیکشن کمیشن آف پاکستان نے عدالتی فیصلوں، اتنظامی تبدیلیوں اور سیکورٹی پرنٹنگ پریس کی جانب سے بیلٹ پیپرز کی بروقت فراہمی سے معذرت کے باعث سندھ اور پنجاب میں بلدیاتی انتخابات کرانے کے لئے دی گئی تاریخوں میں مہلت کے لئے سپریم کورٹ سے رجوع کیا تھا۔
سیکریٹری الیکشن کمیشن نے عدالت عظمیٰ کو بتایا کہ بلدیاتی انتخابات میں استعمال ہونے والے بیلٹ پیپرز کی چھپائی کے لئے تین ہفتے درکارہیں، جس کے باعث سندھ میں بلدیاتی انتخابات تیئس فروری جبکہ پنجاب میں تیرہ مارچ کو کرا ئے جاسکتے ہیں۔
سیکریٹری الیکشن کمیشن کا موقف تھا کہ اس مقصد کے لئے سندھ اور پنجاب میں دیئے گئے انتخابی شیڈول کو منسوخ کرنا ہوگا جبکہ نیا شیڈول سپریم کورٹ کی ہدایات کی روشنی میں تیار کیا جائے گا۔
سپریم کورٹ نے سیکریٹری الیکشن کمیشن کے موقف کو تسلیم کرتے ہوئے سندھ میں بلدیاتی انتخابات تیئس فروری اور پنجاب میں تیرہ مارچ کی تاریخ کی منظوری دیتے ہوئے فریقین کو طلب کرلیا ، مقدمے کی سماعت ستائیس جنوری کو ہوگی ۔
-
سجاول ضلع کونسل کی 21 نشستوں پر پیپلزپارٹی کامیاب
سجاول ڈسٹرکٹ کونسل کی چھتیس میں سے اکیس نشستوں پر پیپلزپارٹی کے امیدوار بلامقابلہ کامیاب ہوگئے ہیں، جس کے بعد پیپلزپارٹی کا امیدوار چئیرمین ضلع کونسل منتخب ہونے کا امکان ہے۔
پیپلز پارٹی کے رہنما سید اویس مظفر نے نو منتخب کونسل کے ارکان کو مبارک باد دیتے ہوئے اسے پیپلز پارٹی پر عوام کا اعتماد قرار دیا ہے، سید اویس مظفر کا کہنا ہے کہ شہید محترمہ بینظیر بھٹو کے مشن کو جس طرح شریک چیرمین آصف علی زرداری اور سرپرست اعلی بلاول بھٹو زرداری لے کر چل رہے ہیں۔
انھوں نے کہا کہ جلد ملک بھر میں پیپلز پارٹی بلدیاتی انتخابات میں میدان مارے گی اور ہر طرف پیپلز پارٹی کے نمائندے کامیاب ہوں گے، پیپلز پارٹی کے کارکنوں نے اس کامیابی پر خوشی کا اظہار کرتے ہوئے اسے پیپلز پارٹی کے رہنما سید اویس مظفر کی انتھک محنت کا نتیجہ قرار دیا ہے اور ضلع سجاول میں جشن کا اعلان کیا ہے۔
