Tag: بلدیہ ٹاؤن

کراچی : بلدیہ ٹاؤن میں 2منزلہ مکان گرنے کے نتیجے میں خاتون اوربچی جاں بحق جبکہ 5 افراد زخمی ہوئے۔

تفصیلات کے مطابق کراچی کے علاقے بلدیہ ٹاؤن سعیدآباد میں علی الصبح ایک مکان کی اوپر منزل دھماکے سے نیچے کی منزل پر گر گئی جس کے نتیجے میں رہائشی فیملی ملبے تلے دب گئی۔

ریسکیو ذرائع نے بتایا کہ حادثے میں ایک‌‌ خاتون اور بچی جاں بحق ہوئی جبکہ 4 زخمیوں کوطبی امداد کیلئے سول اسپتال منتقل کیا گیا۔

علاقہ مکینوں نے اپنی مدد آپ کے تحت ملبے سے پچیس سالہ اظہرہ اور اس کی چار سالہ بچی زویہ کی لاش نکال لی جبکہ خاتون کی دوسری چند ماہ کی بیٹی زینب نوجوان بیٹے شاہد اور شوہر کو زخمی حالت میں ملبے سے نکال کر سول اسپتال منتقل کیا۔

پولیس کا کہنا ہے کہ 25 اے بس اسٹاپ کے قریب مکان پر اوپر کی منزل دھماکے سے گری ہے، جس کے نتیجے میں ماں بیٹی جاں بحق ہوئے ہیں جبکہ باقی گھر کے افراد زخمی ہیں تاہم موقع پر ریسکیو کا عمل جاری ہے۔

کراچی: شہر قائد کے علاقے بلدیہ ٹاؤن میں لٹیروں نے امام مسجد کو بھی نہ بخشا، 2 مسلح ملزمان امام مسجد کو لوٹ کر فرار ہو گئے۔

تفصیلات کے مطابق کراچی میں اسٹریٹ کرائمز کا سلسلہ جاری ہے، پولیس تا حال ان جرائم کو کنٹرول نہیں کر سکی ہے، آج بلدیہ ٹاؤن میں لٹیروں نے امام مسجد کو بھی لوٹ لیا۔

واقعے کی سی سی ٹی وی فوٹیج بھی سامنے آ گئی ہے، جس میں ملزمان  امام مسجد کو لوٹتے ہوئے نظر آتے ہیں۔

2 موٹر سائیکل سوار ملزمان نے امام مسجد کا بینک سے پیچھا کیا، گھر کے پاس اترتے ہی ملزمان نے امام مسجد سے 90 ہزار روپے چھین لیے۔

یہ بھی پڑھیں:  کراچی میں بد امنی کبھی واپس نہیں آنے دیں گے: ایڈیشنل آئی جی کراچی

یاد رہے کہ دو دن قبل کورنگی میں بھی بینک سے رقم نکلوانے والے شہری کو گھر کے باہر لوٹ لیا گیا جس کی ویڈیو بھی منظر عام پر آ گئی تھی۔

ایڈیشنل آئی جی ڈاکٹر امیر احمد شیخ نے کہا تھا کہ کراچی میں اسٹریٹ کرائمز میں پڑھے لکھے نوجوان ملوث ہیں، بد امنی کا خاتمہ ہو چکا ہے اب ریکوری کے مرحلے سے گزر رہے ہیں، کراچی میں بد امنی کبھی واپس نہیں آنے دیں گے۔

ڈاکٹر امیر شیخ کا کہنا تھا کہ غربت اور بے روزگاری کے باعث جرائم بڑھ رہے ہیں، نوکری پیشہ نوجوان موبائل چھینتے ہیں، غربت اور بے روزگاری جرائم بڑھنے کی وجوہات ہیں، نوجوانوں سے جیلیں بھری ہوئی ہیں۔