Tag: بلوچستان اسمبلی

کوئٹہ: رئیسانی کرپشن کیس پر آج پھر بلوچستان اسمبلی میں ہنگامہ ہوا۔ اپوزیشن نے استعفوں کا مطالبہ دُہرایا،ڈاکٹر عبدالمالک بلوچ نے پیشکس کردی کہ اپوزیشن پر مشتمل کمیشن ان کے خلاف تحقیقات کرے۔

رئیسانی کرپشن کیس کے معاملے پر بلوچستان اسمبلی میں آج پھر اپوزیشن نے شور شرابہ کیا، اپوزیشن کے احتجاج پر دھیمے مزاج کے ڈاکٹر عبدالمالک بلوچ بھی غصے میں آگئے، انہوں نے کہا ٹھیک ہے اپوزیشن پر مشتمل کمیشن ان کے خلاف تحقیقات کرے، لیکن پھر شور مچانے والوں کا بھی احتساب ہوگا۔

انہوں نے کہا کہ میری سربراہی میں بننے والا کمیشن اپوزیشن کے خلاف تحقیقات کرے گا،فیصلہ کرلیا ہے کہ ان سب کے نام بتاؤں گاجنہوں نے ریکوڈک اورگوادر کی زمین فروخت اور آئل سٹی اپنے نام کی حکومت اور اپوزیشن کے درمیان تلخ جملوں کا تبادلے کے دوراناپوزیشن اسمبلی سے واک آؤٹ کرگئی۔

دوسری جانب نیب نےکرپشن کیس میں ایک اور سہولت کارکوئٹہ سے گرفتارکرلیا،ٹھیکیدار اسدشاہ کااحتساب عدالت سے چودہ روزکا ریمانڈ بھی لےلیاگیا۔

بلوچستان لوکل گورنمنٹ ترمیمی بل دو ہزارچودہ صوبائی اسمبلی میں پیش کر دیا گیا، پولیس اہلکاروں پرتشدد کے الزام میں گرفتار رکن اسمبلی عبدالرحمان کھیتران بھی اسمبلی اجلاس میں شریک ہوئے۔

بلوچستان اسمبلی کے اجلاس میں لوکل گورنمنٹ کا ترمیمی مسودہ قانون دو ہزار چودہ ایوان میں پیش کر دیا گیا، بل صوبائی وزیر بلدیات مصطفی خان ترین نے پیش کیا۔

اس کے ساتھ جعفر خان مندوخیل کی ڈیرہ اسماعیل خان بلوچستان کی مختلف شاہراہوں کی تعمیر، مرمت اور موٹر وے پولیس تعینات کرنے کی قرارداد بھی مشترکہ طور پر منظور کرلی گئی۔

اجلاس کی خاص بات پولیس اہلکاروں پرتشدد کے الزام میں گرفتار رکن اسمبلی سردار عبدالرحمان کیتھران کی آمد تھی وہ بکتر بند گاڑی میں اسمبلی پہنچے ۔

بلوچستان اسمبلی نے آرڈر پاس کیا تھا، جس کی بدولت انھیں اسمبلی اجلاس میں شرکت کی اجازت ملی، اس سے پہلے سردار عبدالرحمن کھیتران کو سخت سیکیورٹی میں بارکھان سے کوئٹہ منتقل کیا گیا، رکن اسمبلی کو ان کی رہائش گاہ میں رکھا گیا ہے، جسے سب جیل قرار دے دیاگیا ہے۔