اسلام آباد : بلوچستان عوامی پارٹی کے رہنما دنیش کمار کا کہنا ہے کہ ضروری نہیں نواز شریف وزیراعظم کے امیدوارہو ، ن لیگ سے کوئی اور بھی امیدوار ہو سکتا ہے۔
تفصیلات کے مطابق بلوچستان عوامی پارٹی کے رہنما دنیش کمار نے اے آر وائی نیوز کو انٹرویو دیتے ہوئے نواز شریف سے متعلق سوال پر کہا نوازشریف کی وزارت عظمیٰ کی خواہش ہوگی مگر کوئی جماعت اکثریت نہیں لے سکے گی۔
رہنما پی این پی کا کہنا تھا کہ اتحادی حکومت ہوگی اور نوازشریف کی فطرت اسے چلانے والی نہیں کیونکہ اتحادی حکومت میں نوازشریف اپنے منشور پر عملدرآمد نہیں کرسکیں گے۔
انھوں نے دعویٰ کیا کہ وزارت عظمیٰ کا قرعہ چھوٹے صوبے یا بلوچستان سےہوگا، نواز شریف ضروری تو نہیں، ن لیگ سے کوئی اور بھی وزیراعظم امیدوار ہوسکتا ہے۔
پیپلزپارٹی اور ن لیگ کے اتحاد کے حوالے سے ان کا کہنا تھا کہ پیپلزپارٹی ،ن لیگ اتحادی حکومت کا نعرہ لگائیں گے تو عوام مسترد کردیں گے ، اس لئے دونوں جماعتوں نے پالیسی کےتحت ایک دوسرےسےراہیں جدا کی ہوئی ہیں، الیکشن ہوگئےتوان دونوں جماعتوں کی محبتیں دوبارہ نظرآسکتی ہیں۔
