Tag: بلوچستان کی خبریں

کوئٹہ: پاک فوج کے شعبہ تعلقات عامہ کے ادارے آئی ایس پی آر نے کہا ہے کہ سیکورٹی فورسز کی جانب سے بلوچستان کے سیلاب زدہ علاقوں میں ریلیف آپریشن جاری ہے۔

تفصیلات کے مطابق بلوچستان میں بارشوں نے تباہی مچا دی ہے، مختلف حادثات میں اب تک 23 افراد جاں بحق ہو چکے ہیں، سیلاب زدہ علاقوں میں سیکورٹی فورسز ریلیف آپریشن میں مصروف ہیں۔

[bs-quote quote=”آرمی ہیلی کاپٹرز سے نوشکی میں پھنسے افراد کو محفوظ مقامات پر منتقل کیا گیا۔” style=”style-8″ align=”left”][/bs-quote]

آئی ایس پی آر کا کہنا ہے کہ سول انتظامیہ کے ساتھ تعاون کے لیے سیکورٹی فورسز کی جانب سے امدادی کارروائیاں کی جا رہی ہیں۔

ریلیف آپریشن کے دوران آرمی ہیلی کاپٹرز سے نوشکی میں پھنسے افراد کو محفوظ مقامات پر منتقل کیا گیا، مند اور تربت کے متاثرین کو 1300 کلو گرام امدادی سامان پہنچا دیا گیا ہے۔

آئی ایس پی آر اعلامیے کے مطابق ضلع پشین کے 100 سے زائد خاندانوں میں کھانا تقسیم کیا گیا، جب کہ حب میں سیلاب میں پھنسی بس کے 35 مسافر محفوظ مقام پر منتقل کیے گئے۔

یہ بھی پڑھیں:  بلوچستان میں بارشوں نے تباہی مچا دی، 9 افراد جاں بحق، پاک فوج کا ریسکیو آپریشن

واضح رہے کہ نیشنل ڈیزاسٹر مینجمنٹ اتھارٹی (این ڈی ایم اے) کا کہنا ہے کہ حالیہ بارشوں کے باعث 23 افراد جاں بحق ہوئے جب کہ 26 سو مکانات اور دکانیں زمین بوس ہوئیں۔

طوفانی بارشوں کے باعث میرانی ڈیم میں پانی کی سطح خطرناک حد تک بلند ہو چکی ہے، جب کہ پشین میں خدائے دادزئی ڈیم منہدم ہونے کا خدشہ پیدا ہو گیا ہے، قلعہ عبداللہ بھی متاثر ہوگیا ہے۔

کوئٹہ: صوبہ بلوچستان میں خشک سالی کا مسئلہ اس حد تک نازک صورت اختیار کر گیا ہے کہ بارش برسنے کے بعد بلوچستان اسمبلی کا اجلاس ہی اس خوشی میں ملتوی کر دیا گیا۔

تفصیلات کے مطابق بلوچستان اسمبلی کا اجلاس اس وقت ملتوی کر دیا گیا جب ایک صوبائی وزیر نے بارش کے لطف اٹھانے کی بات کی۔

[bs-quote quote=”صوبائی وزیر سردار عبد الرحمٰن کھیتران کے بارش انجوائے کرنے کے مطالبے پر ایوان کشتِ زعفران بن گیا۔” style=”style-7″ align=”left” color=”#dd3333″][/bs-quote]

اجلاس کے دوران صوبائی وزیر نے کہا ’بارش انجوائے کرنے کے لیے اجلاس کل تک ملتوی کیا جائے۔‘

صوبائی وزیر سردار عبد الرحمٰن کھیتران کے بارش انجوائے کرنے کے مطالبے پر ایوان کشتِ زعفران بن گیا۔

یہ مطالبہ ایسے وقت آیا جب صوبائی اسمبلی میں صوبے میں خشک سالی سے متاثرہ علاقوں پر بحث جاری تھی، وزرا نے خشک سالی پر تشویش کا اظہار کیا۔

سردار عبد الرحمٰن کے مطالبے پر اسپیکر بلوچستان اسمبلی نے اجلاس کل سہ پہر 3 بجے تک ملتوی کر دیا۔

یہ بھی پڑھیں:  بارش کا نیا سسٹم داخل، کراچی اور بلوچستان میں‌ ایمرجنسی نافذ

یاد رہے کہ دس دن قبل محکمہ موسمیات نے مغرب سے آنے والے بارش کے سسٹم کے پیشِ نظر ایمرجنسی نافذ کی تھی جب کہ پہاڑی علاقوں میں برف باری کا سلسلہ ایک بار پھر شروع ہو گیا تھا۔

ایک طرف کوئٹہ کے علاوہ مستونگ، قلات، پشین، قلعہ عبداللہ، زیارت، قلعہ سیف اللہ سمیت مختلف علاقوں میں بارشیں ہوئیں، دوسری طرف بارش نہ ہونے سے بلوچستان کے 20 اضلاع شدید خشک سالی کی لپیٹ میں ہیں جن میں چاغی‘ نوشکی اور خاران کے بعض علاقوں میں قحط کی سی صورتِ حال بن گئی ہے۔

کوئٹہ: بلوچ رہنما اور رکن صوبائی اسمبلی ثنا بلوچ نے ایک سرکاری رپورٹ کا حوالہ دیتے ہوئے کہا ہے کہ بلوچستان میں 25 لاکھ بچے تعلیم سے محروم ہیں۔

تفصیلات کے مطابق بلوچستان اسمبلی اجلاس میں ثنا بلوچ نے کہا کہ رپورٹ کے مطابق بلوچستان میں پچیس لاکھ بچے تعلیم سے محروم ہیں، جب کہ بلوچستان میں کل 13 لاکھ 845 اسکول ہیں۔

[bs-quote quote=”محروم بچوں کو اسکولوں میں لائیں گے۔” style=”style-7″ align=”left” color=”#dd3333″ author_name=”عبد الرحمان کھیتران” author_job=”صوبائی وزیر”][/bs-quote]

ثناء اللہ بلوچ نے تعلیمی شعبے میں بہتری کے لیے خصوصی کمیٹی کی تشکیل کا مطالبہ کرتے ہوئے کہا کہ بلوچستان میں تعلیمی پس ماندگی کی وجہ سے ترقی نہیں ہو رہی ہے۔

وزیر برائے سائنس اینڈ انفارمیشن ٹیکنالوجی عبد الرحمان کھیتران نے کہا کہ حکومت کی کوشش ہے کہ اسکولوں کی حالت بہتر، اور محروم بچوں کو اسکولوں میں لائیں، ہم مل بیٹھ کر تعلیم کے مسئلے کو حل کرنا چاہتے ہیں۔

دریں اثنا اپوزیشن اراکین کی جانب سے کورم پورا نہ ہونے کی نشان دہی پر اسپیکر نے بلوچستان اسمبلی کا اجلاس غیر معینہ مدت تک ملتوی کر دیا۔

یہ بھی پڑھیں:  ماہرین نے بلوچستان میں غذائی کمی کے مسئلے کو سنگین قرار دے دیا

خیال رہے کہ صوبے میں غذائی قلت کا مسئلہ بھی سنگین نوعیت کا رخ اختیار کر چکا ہے، جس پر چند دن قبل صوبائی وزیرِ صحت نصیب اللہ مری نے کہا تھا کہ صوبائی نیوٹریشن پروگرام کو دور دراز علاقوں تک لے کر جائیں گے۔

کوئٹہ: ملک کے اہم صوبے بلوچستان میں خشک سالی شدید نوعیت اختیار کر گئی ہے، لوگ اپنے باغات بھی کاٹنے پر مجبور ہو گئے ہیں۔

تفصیلات کے مطابق بلوچستان شدید طور پر خشک سالی کی لپیٹ میں ہے، جس کے باعث لوگ اپنے باغات کاٹنے پر مجبور ہو گئے ہیں‘ مستونگ کی تحصیل دشت میں ڈھائی سو سے زائد ایکڑ اراضی پر مشتمل پھلوں کے درخت کاٹ دیے گئے۔

[bs-quote quote=”علاقے میں اب تک 250 سو ایکڑ سے زائد اراضی پر مشتمل سیب‘ خوبانی اور دیگر پھلوں کے باغات کاٹے جا چکے ہیں۔” style=”style-7″ align=”left” color=”#dd3333″][/bs-quote]

اے آر وائی نیوز کے نمائندے منظور احمد کی رپورٹ کے مطابق خشک سالی سے متاثرہ مستونگ کی تحصیل دشت میں پھلوں کے درخت مسلسل سوکھ رہے ہیں۔

مقامی لوگوں نے گزشتہ روز مزید 20 ایکڑ پر محیط باغات کاٹ دیے‘ باغ بانوں کا کہنا ہے کہ علاقے میں اب تک 250 سو ایکڑ سے زائد اراضی پر مشتمل سیب‘ خوبانی اور دیگر پھلوں کے باغات کاٹے جا چکے ہیں۔

باغ بانوں کا کہنا ہے کہ اگر صورتِ حال یہی رہی تو علاقہ بنجر ہو جائے گا اور لوگ نقل مکانی کرنے پر مجبور ہو جائیں گے۔

یہ بھی پڑھیں:  بلوچستان حکومت اور ایشیائی ترقیاتی بینک میں قرض اور امداد کا معاہدہ طے

مقامی زمین داروں کے مطابق بارشوں میں مسلسل کمی اور گزشتہ برس خاطر خواہ بارش نہ ہونے کی وجہ سے زیرِ زمین پانی کی سطح 12 سو فٹ نیچے تک گر چکی ہے، جہاں سے پانی کا حصول بہت مشکل ہے۔

صوبے میں خشک سالی کی دن بہ دن بھیانک صورت اختیار کرتی جا رہی ہے، محکمۂ موسمیات کے اعداد و شمار کے مطابق 2018 کے دوران صرف 978 ملی میٹر بارش ہوئی جو معمول سے 733.5 ملی میٹر کم ہے۔

بارش نہ ہونے سے بلوچستان کے 20 اضلاع شدید خشک سالی کی لپیٹ میں ہیں جن میں چاغی‘ نوشکی اور خاران کے بعض علاقوں میں قحط کی سی صورتِ حال بن گئی ہے۔