Tag: بلوچستان

کوئٹہ : سانحہ کوئٹہ سول اسپتال کے مبینہ خودکش حملہ آور کی تصویر وکلاء کی جانب سے جاری کردی گئی ہے۔

تفصیلات کے مطابق وکلاء کی جانب سے سول اسپتال میں ہونے والے دھماکے کے خلاف جاری احتجاجی ریلی کے دوران وکلاء رہنماؤں کی جانب سے سانحہ میں ملوث مبینہ شخص کی تصویر جاری کردی گئی ہے تصویر میں مبینہ ملزم کالا کوٹ پہنے وکلاء کے درمیان بیٹھا دکھائی دے رہا ہے۔

اس موقع پروکیل رہنما علی ظفرخان ایڈوکیٹ نے میڈیا سے بات کرتے ہوئے بتایا کہ مشکوک شخص وکلاٗء کے درمیان بیٹھا اور وکلاء کے قریب چہل قدمی نظر آرہا ہے جس کی اب تک شنا خت نہیں ہو سکی ہے ہم نے اپنے ساتھیوں سے بھی پوچھا ہے لیکن کوئی بھی وکیل اسے پہچان نہیں پا رہا ہے۔

علی ظفرایڈوکیٹ کا مزید کہنا ہے کہ مشکوک شخص نہ تو رجسٹرڈ وکیل ہے اور نہ ہی کسی وکلاء تنظیم کا رکن ہے اس لیے کہا جا سکتا ہے کہ ممکنہ خود کش حملہ آور یہی شخص ہوسکتا ہے۔

اسی سے متعلق : کوئٹہ: سول اسپتال میں دھماکا، 70افراد جاں بحق، 112 زخمی

واضح رہے 8 اگست کو بلوچستان بار ایسوسی ایشن کے صدربلال کاسی کو قتل کردیا گیا تھا جب میت کواسپتال سے لینے کے وکلاء کی کثیرتعداد سول اسپتال پہنچی تھی کہ عین اسی وقت خود کش دھماکہ کردیا گیا تھا جس میں 80 سے زائد افراد جاں بحق اور 150 کے قریب زخمی ہو گئے تھے۔

کوئٹہ : کوئٹہ کے فاطمہ جناح ٹی بی سینی ٹوریم اسپتال میں زیر علاج کانگو وائرس کی شکار خاتون کے جاں بحق ہونے کے بعد بلوچستان میں رواں سال کانگو سے ہلاک افراد کی تعداد 12 ہوگئی ہے۔

اسپتال ذرائع کے مطابق کانگووائرس کاشکار خاتون مریض فاطمہ بی بی کو 3 روز قبل افغانستان کے علاقے قندھار سے لاکر کانگو وائرس کے شبہ میں فاطمہ جناح ہسپتال میں داخل کیا گیا تھ جس کے مریضہ کے خون کے نمونے لیبارٹری بھجوائے گئے جن میں کانگو وائرس کی تصدیق ہوگئی ہے جو3 روز زیرعلاج رہنے کے بعد ہفتہ کی شب  دم توڑ گئیں۔

واضح رہے رواں سال ملک بھر میں کانگووائرس سے12 جاں بحق ہوچکے ہیں جب کہ صرف بلوچستان میں کانگو وائرس کے شُبے میں 84 مریض لائے گئے ہیں جن میں سے 38 مریض کوئٹہ میں اور بلوچستان کے مختلف علاقوں جیسے چمن میں 5 ،کچلاک میں 4،ژوب میں 2، گلستان کے 2، قلعہ سیف اللہ کے 2، زیارت میں 2، ہرنائی میں 1، پشین میں4، خانوزئی میں 4،جعفرآباد1، موسیٰ خیل1، چا غی1،مچھ1،کان مہترزئی1جبکہ افغانستان سے 22 کانگو وائرس کا شکار مریضوں کو کوئٹہ منتقل کیا گیا ہے۔

دوسری جانب بقرعید کے موقع پر دیہی علاقوں سے مویشیوں کی شہری علاقوں میں منتقلی کے دوران کونگو وائرس سے 4 افراد جاں بحق ہو چکے ہیں اس لیے ماہرین احتیاط بتاتے ہیں کہ مویشیوں منڈیوں کا رخ کرتے ہوئے جوتے،دستانے اور ماسک ضرور پہن لیے جائیں تا کہ کونگو وائرس کے حملے سے بچا جا سکے۔

زیارت: وزیراعلیٰ بلوچستان ثنا اللہ زہری کہتے ہیں کہ ہم محب وطن اور اپنے وطن کے وارث ہیں کوئی مائی کا لعل بلوچستان کو پاکستان سے الگ نہیں کرسکتا۔

وہ زیارت میں یوم آزادی کے موقع پر پرچم کشائی کی تقریب سے خطاب کررہے تھے ثناء اللہ زہری کا کہنا تھا کہ دہشت گردی کی جنگ کو ادھورا نہیں چھوڑنا چاہئے،بہادر قومیں سانحات کا مقابلہ کرتی ہیں،اُن سے سیکھتی ہیں اور اب انشاءاللہ دہشت گردوں کو دہشت گردوں کو وار کرنے سے پہلے ہی ٹھکانے لگادیں گے۔

اس سے قبل صوبائی دارالحکومت میں 21 توپوں کی سلامی سے یوم آزادی کا آغاز ہوا،توپوں کی سلامی کے بعد بلوچستان اسمبلی میں پرچم کشائی سادہ مگر پر وقار تقریب منعقد ہوئی، وزیراعلیٰ بلوچستان نواب اللہ زہری نے پرچم کشائی کی جبکہ قومی پرچم سے ہم آہنگ لباس زیب تن کئے بچوں نے خوبصورت ملی نغمے پیش کرکے بلاخوف و خطرآگے بڑھنے کا پیغام دیا۔

تقریب میں کمانڈر سدرن کمانڈ لیفٹیننٹ جنرل عامر ریاض‘ اسپیکر بلوچستان سمبلی راحیلہ حمید درانی پشتونخواہ ملی عوامی پارٹی کے سربراہ محمود خان اچکزئی ‘صوبائی وزراءاور دیگر اعلیٰ سول و عسکری افسران شریک ہوئے، وزیر اعلیٰ بلوچستان نے سانحہ کوئٹہ کو المناک واقعہ قرار دیتے ہوئے کہا کہ ہمارے حوصلے پست نہیں ہوئے دشمن کے چیلنج کا ڈٹ کا مقابلہ کریں گے۔

انہوں نے کہا کہ اب ہم بلند حوصلے اور زیادہ تیاری کے ساتھ دشمن پر کاری ضرب لگائیں گے کیوں کہ ہم دہشت گردی کے خلاف جنگ میں ہم حق پر ہیں اس لیے جیت بھی ہماری ہو گی آج ہم عزم کرتے ہیں کہ دہشت گردوں سے اگلے قدموں پر لڑتے رہیں گے۔

وزیر اعلیٰ بلوچستان نے کہا کہ ہم محب وطن اور اپنے وطن کے وارث ہیں کوئٹہ میں دہشت گردی کے باوجود خوف نہیں، کشمیر اور بلوچستان کے مسائل کی نوعیت الگ الگ ہے، بلوچستان کے وارث ہم ہیں مودی نہیں، ہم سو مرتبہ پیدا ہوکر سو مرتبہ بھی اپنے وطن پر قربان ہوں تو بھی کوئی غم نہیں۔

انہوں نے کہا کہ باہر بیٹھے لوگ آکر پاکستان کی سیاست کریں اور پہاڑوں پرچھپے لوگ آکر قومی دھارے میں شامل ہوجائیں، بندوق اٹھانے والے بھی الیکشن لڑ کر اپنی اہمیت کا اندازہ کرلیں،ہرآزاد ملک کو ترقی کرنے کا حق ہے، پاک چین اقتصادی راہ داری اغیار کی آنکھوں میں کھٹک رہی ہے لیکن ہم اپنی جانوں پر کھیل کر اقتصادی راہداری کی حفاظت کریں گے۔