Tag: بلوچستان

کوئٹہ : سابق پروفیسر کی ہاتھ پاؤں بندھی نعش ان کے گھر سے برآمد کرلی گئی،پولیس کے مطابق نعش دو سے تین روز پرانی ہے.

تفصیلات کےمطابق بلوچستان کے دارالحکومت کوئٹہ کے علاقے کینٹ مدرسہ روڈ میں ریٹائرڈ پروفیسر صفی اللہ اپنے گھر میں اکیلے مقیم تھے، بدھ کی شام اہل محلہ نے تعفن پھیلنےپر پولیس کو اطلاع دی.

پولیس نےمکان نمبر فور سی کی تلاشی لی تو وہاں سے ریٹائرڈ پروفیسر صفی اللہ کی ہاتھ پاؤں بندھی نعش برآمد کی، پولیس نے نعش کو قبضے میں لے کر ایدھی اہلکاروں کی مدد سے سول اسپتال منتقل کردی گئی.

پولیس حکام نے واقعے کی تفتیش شروع کردی،پروفیسر صفی اللہ کی موت کی فوری وجہ معلوم نہ ہوسکی تاہم پولیس حکام کا کہنا ہے کہ نعش دو سے تین روز پرانی لگ رہی ہے اور مسخ ہوچکی ہے.

کوئٹہ : بلوچستان پبلک سروس کمیشن کے سابق چیئرمین اشرف مگسی کو کرپشن کیس میں احتساب عدالت میں پیش کردیاگیا، ملزم پر اختیارات کے ناجائز استعمال کا الزام ہے.

تفصیلات کے مطابق سابق چیئرمین پبلک سروس کمیشن کو کرپشن کیس میں کوئٹہ کی احتساب عدالت میں پیش کردیا گیا،ملزم کو ریمانڈ ختم ہونے پر عدالت میں پیش کیا گیا، ملزم اشرف مگسی پر آج فرد جرم عائد کیے جانے کا امکان ہے.

یاد رہے گذشتہ ماہ قومی احتساب بیورو نیب نے کاروائی کر کے پبلک سروس کمیشن بلوچستان کے سابق چیئرمین اشرف مگسی کوحراست میں لیاتھا.

ملزم اشرف مگسی پراختیارات کا ناجائز استعمال اور غیرقانونی بھرتیوں کے الزامات ہیں،سابق چیئرمین پبلک سروسکمیشن نے عہدے پر رہتے ہوئے کئی محکموں میں من پسند افسران بھرتی کرائے تھے.

یاد رہے کہ بلوچستان پبلک سروس کمیشن کے چیئرمین محمد اشرف مگسی کو نومبر 2014 میں گورنر بلوچستان محمد خان اچکزئی نے ان کےعہدے سے برطرف کیا تھا.

واضح رہے ملزم اشرف مگسی پر بطور چیئرمین پبلک سروس کمیشن اپنے گھر کے افراد سمیت مختلف تعیناتیوں میں بےقاعدگیوں کےحوالے سے الزام ہے.

کوئٹہ : بلوچستان کے ضلع کیچ میں شہریوں نے کالعدم تنظیم بی آر اے کے خلاف ریلی نکالی،احتجاجی ریلی میں شہریوں اورعمائدین نے بڑی تعداد میں شرکت کی.

تفصیلات کے مطابق بلوچستان کے ضلع کیچ میں احتجاجی ریلی نکالی کی گئی،ریلی میں مختلف علاقوں سے تعلق رکھنے والے شہریوں اور عمائدین کی بڑی تعداد نے شرکت کی.

مظاہرین نے محکمہ بی اینڈ آر کے ملازمین کے اغوا کی مذمت کرتے ہوئے کہا کہ کالعدم بی آر اے سمیت دیگر کالعدم تنظیمیں کی اس طرح کی کا رروائیوں سے ترقیاتی منصوبوں کی راہ میں رکاوٹ کھڑی کرنا چاہتی ہیں.

ریلی میں احتجاج کرنے والے مظاہرین نے اغوا اور قتل کے واقعات پر افسوس کرتے ہوئے اس عزم کا اظہارکیا کہ ان مٹھی بھر عناصر کی سازشوں کو کامیاب نہیں ہونے دیں گے.

ضلع کیچ کی تاریخ میں پہلی مرتبہ شہریوں نے کا لعدم تنظیموں کیخلاف احتجاج اور دہشتگردی کےواقعات کی مذمت کی ہے.

کوئٹہ : ایران نےپاکستان کی اشیا ئےخردونوش روک کی تجارت روک دی، ایرانی حکام کی جانب سے تجارت روکنے پر پاکستان کی جانب سے احتجاج کیا گیا.

تفصیلات کے مطابق ایران نے پاکستان کی اشیائےخردونوش کی تجارت روک دی جس پر پاکستانی حکام کی جانب سے شدید احتجاج کیا گیا، احتجاج کے بعد ایرانی حکام نے دو طرفہ تجارت کے لیے سرحدی گیٹ بند کردیا.

یاد رہےگذشتہ دنوں اسلام آباد میں ایرانی سفیر نے گفتگو کرتے ہوئے کہا تھا کہ گوادر اور چاہ بہار حریف نہیں دوست بندرگاہیں ہوں گی،ایران اپنی سرزمین پاکستان کے خلاف استعمال کرنے کی اجازت نہیں دے سکتا.

ایرانی سفیر کا کہنا تھا کہ چاہ بہار کو کسی منصوبے کے مد مقابل شروع نہیں کیا گیا،انہوں نے کہا کہ ایران پاکستان کا آزمایا ہوا دوست ہے.

کوئٹہ : بلوچستان کے ضلع ہرنائی میں گھر کے اندر نامعلوم افراد کی فائرنگ سے تین افراد جاں بحق اور دو خواتین سمیت تین زخمی ہوگئے،جبکہ حملہ آوردو افراد کو اغواء کرکے لےگئے.

تفصیلات کے مطابق صوبہ بلوچستان کے ضلع ہرنائی کے علاقے شاہرگ بازار میں واقع گھر میں نامعلوم مسلح افراد داخل ہوئے اور فائرنگ شروع کردی.

فائرنگ کے نتیجے میں دو بھائیوں سمیت تین افراد موقع پر جاں بحق جبکہ دو خواتین سمیت تین افراد شدید زخمی ہوگئے.

زخمی ہونے والے افراد کو کوئٹہ اسپتال منتقل کردیا گیا،جبکہ حملہ آور اہل خانہ کے دو افراد کو اغواء کرکے لے گئے.

واقعے کی اطلاع ملنے پر لیویز اور ضلعی انتظامیہ نے موقع پر پہنچ کر نعشیں ڈسٹرکٹ اسپتال ہرنائی منتقل کردیں، انتظامیہ کی جانب سے تفتیش شروع کردی گئی.