ARYNews.tv | Urdu – Har Lamha Bakhabar

Tag: بلوچ کالونی

  • بلوچ کالونی کے قریب آئل ٹینکر کار پر الٹ گیا، پل ٹریفک کیلئے بند

    بلوچ کالونی کے قریب آئل ٹینکر کار پر الٹ گیا، پل ٹریفک کیلئے بند

    کراچی: بلوچ کالونی پل کے قریب آئل سے بھرا ٹینکر کار پر اُلٹ گیا، جس کے سبب پل کو ٹریفک کے لئے بند کردیا گیا ہے۔

    اے آر وائی نیوز کے مطابق آئل ٹینکر اُلٹنے کے سبب کار ٹینکر کی زد میں آگئی جس کے نتیجے میں ایک شخص جاں بحق ہوگیا متوفی کی شناخت اسد کے نام سے ہوئی ہے، جبکہ لاش کو جناح اسپتال منتقل کردیا گیا ہے۔

    بلوچ کالونی پل کی جانب ٹریفک روکنے کیلئے پولیس اور رینجرز تعینات کردی گئی ہے، حادثے کے کئی گھنٹے گزرنے کے بعد بھی ضلعی انتظامیہ تاحال غائب ہے۔

    ذرائع کے مطابق آئل ٹینکر کو ہٹانے کے لیے بڑی کرین تاحال نہیں پہنچ سکی ہے، جبکہ آئل ٹینکر سے مٹی کے تیل کا رساؤ مسلسل جاری ہے۔

    آئل ٹینکر سے بہنے والامٹی کا تیل کسی بھی بڑے حادثے کا سبب بن سکتا ہے، حادثے کے باعث بلوچ کالونی پل کے دونوں اطراف ٹریک بند ہونے سے دفاتر جانے والوں کو پریشانی کا سامنا ہے۔

    ٹریفک پولیس کی جانب سے کورنگی صنعتی ایریا جانے والے ٹریفک کو متبادل راستوں کی جانب بھیجا جارہا ہے۔

    کراچی میں گھریلو ملازمہ نے عمارت سے چھلانگ لگا کر خودکشی کر لی

    لوگوں نے مٹی کا تیل برتنوں اور بوتلوں میں جمع کرنا شروع کر دیا ہے جبکہ پولیس کی جانب سے شہریوں کو دور رہنے کی ہدایت کی جارہی ہے۔

  • کراچی: بلوچ کالونی پل پر خوفناک حادثہ، بھائی جاں بحق، 2 بہنیں زخمی

    کراچی: بلوچ کالونی پل پر خوفناک حادثہ، بھائی جاں بحق، 2 بہنیں زخمی

    کراچی: شہر قائد میں بلوچ کالونی پل پر ٹریفک حادثے میں ایک شخص جاں بحق اور دو خواتین زخمی ہوگئیں۔

    تفصیلات کے مطابق کراچی میں بلوچ کالونی پل پر ٹریفک حادثے میں ایک شخص جاں بحق اور دو خواتین زخمی ہوگئیں، حادثہ دو گاڑیوں اور موٹرسائیکل میں تصادم کے باعث پیش آیا۔

    پولیس کے مطابق حادثے میں جاں بحق نوجوان کی شناخت ذیشان عباسی کے نام سے ہوئی ہے جو موٹر سا ئیکل پر سوار تھا جبکہ زخمی خواتین کی شناخت زینب اور مہک کے نام سے ہوئی۔

    پولیس حکام کا کہنا ہے کہ حادثےمیں جاں بحق اور زخمی افراد بہن بھائی ہیں تینوں افراد مجاہد کالونی کے رہائشی ہیں۔ حادثے کا ذمہ دار ملزم موقع سے فرار ہوگیا۔

    پاکپتن میں خوفناک ٹریفک حادثہ، 9 افراد جاں بحق

    یاد رہے کہ گزشتہ ماہ پاکپتن روڈ پر تیز رفتار ٹرک اور بس میں تصادم ہوا تھا، حادثے میں 9 افراد جان کی بازی ہار گئے تھے جبکہ 7 افراد زخمی ہوگئے تھے۔ حادثے میں زخمی ہونے والے افراد کو فوری اسپتال منتقل کیا گیا تھا۔

    واضح رہے کہ 14 نومبر کو سیالکوٹ میں پسرور روڈ پر خوفناک ٹریفک حادثہ پیش آیا تھا، دو گاڑیوں کے درمیان خوفناک تصادم کے نتیجے میں 6 افراد جاں بحق ہوگئے تھے، متوفیان کا تعلق ایک ہی خاندان سے تھا۔

  • کراچی کے دو علاقوں میں آتشزدگی، بھاری مالیت کا سامان جل کر خاکستر

    کراچی کے دو علاقوں میں آتشزدگی، بھاری مالیت کا سامان جل کر خاکستر

    کراچی: بلوچ کالونی میں پینٹ شاپ اور لیات آباد میں فرنیچر مارکیٹ میں آتشزدگی کے نتیجے میں بھاری مالیت کا سامان جل کر خاکستر ہوگیا ، فائر بریگیڈ کی بروقت کارروائی کے باعث اگ کو دیگر دکانوں اور گھروں تک پھلنے سے بچالیا گیا۔

    تفصیلات کے مطابق بلوچ کالونی تھانے کی حدود ڈیفنس ویو میں موجود عمارت میں قائم آئل پینٹ کی دکان میں ویلڈنگ کے دوران اسپارک ہونے سے اچانک آگ لگ گئی، ایس ایچ او ملک سلیم کے مطابق دکان میں موجود تھنر اور دیگر سامان کے باعث آگ بہت تیزی سے پھیلی اور اس نے شدت اختیار کرلی اور آگ کے شرعلے بلند ہونے لگے۔

    انہوں نے بتایا کہ موقع پر موجود لوگوں نے ابتدائی طور پر اپنی مدد آپ کے تحت آگ بجھانے کی کوشش کی اور فائر بریگیڈ کو طلب کیا ، فائر بریگیڈ کی تین گاڑیاں موقع پر پہنچیں اور آگ بجھانے کے عمل میں حصہ لیا۔

    فائر بریگیڈ حکام کے مطابق آگ کے شعلے اوپر موجود گھروں تک جارہے تھے اور خطرہ تھا کہ مذکورہ آگ کے باعث دیگر دکانیں بھی متاثر ہوسکتی تھیں اور بر وقت کارروائی کر کے پہلے اغ کو ایک دکان تک ہی محدود رکھا اور اسکو بجھایا ، فوری طور پر مذکورہ آگ کے نتیجے میں ہونے والے نقصان کا اندازہ نہیں لگایا جاسکا ہے۔

    دریں اثنا لیاقت آباد تھانے کی حدود لیاقت آباد نمبر چار میں قائم پلاٹ پر موجود فرنیچر مارکیٹ کی دکان میں اچانک آگ بھڑک اٹھی جس کی اطلاع فائر بریگیڈ کو دی گئی فائر بریگیڈ کی ایک گاڑی موقع پر پہنچی اور مزید دو گاڑیاں طلب کرلی گئیں۔

    فائر بریگیڈ حکام کے مطابق آگ مارکیٹ کی دکان کی بنی دو چھتی میں رکھے فوم میں لگی جس نے شدت پکڑی اور دکان بری طرح متاثر ہوئی تاہم دیگ دکانوں اور اوپر موجود گھروں تک آگ کو پھیلنے سے بچالیا گیا۔ فوری طور پر آگ لگنے کے باعث ہونے والے نقصان کی مالیت کا اندازہ نہیں لگایا جاسکا ہے۔

  • منظورکالونی میں صندوق سے پچپن سالہ شخص کی لاش برآمد

    منظورکالونی میں صندوق سے پچپن سالہ شخص کی لاش برآمد

    کراچی : بلوچ کالونی میں مشکوک صندوق نے دہشت پھیلادی ، بعد ازاں صندوق سے مسخ شدہ لاش ملی۔ شہریوں کوخون آلود کفن کےٹکڑے بھیجھنےوالے بھتہ خوربھی پکڑے گئے۔

    تفصیلات کے مطابق بلوچ کالونی پل کے قریب منظور کالونی میں مشکوک صندوق نے دہشت پھیلادی۔ صندوق کو دہشت گردوں کی کارروائی سمجھا گیا۔ پولیس کی دوڑیں لگ گئیں۔

    بم ڈسپوزل اسکواڈ نے صندوق کا جائزہ لیا تو صندوق سے دھماکہ خیز مواد نہیں پچپن سالہ شخص کی تشدد زدہ لاش ملی۔پولیس کا کہنا ہے کہ ملنے والی لاش کئی روز پرانی ہے جسم پر تشدد کے نشانات بھی ہیں۔

    دوسری طرف ایس آئی یو اور سی پی ایل سی نے کیماڑی کے علاقے سے تاجروں اور شہریوں کو بھتہ خوری کے لئے خون آلود کفن اور گولیاں بھیجنے والے گروہ کو گرفتار کر لیا۔

    ایس ایس پی فاروق اعوان کا کہنا ہے کہ بھتہ خور سنگین وارداتوں میں مطلوب تھے اور ڈھائی کروڑروپےسےزائد بھتہ وصول کرچکےہیں۔

    گرفتار بھتہ خوروں کے قبضے سے خون آلود کفن، اسلحہ اور بھتے کے لئے استعمال ہونے والے موبائل فونز برآمد ہوئے ہیں۔