Tag: بلٹ پروف گاڑی

  • سیکیورٹی کے بڑھتے خدشات، سلمان خان کا بڑا فیصلہ

    سیکیورٹی کے بڑھتے خدشات، سلمان خان کا بڑا فیصلہ

    بھارتی فلم انڈسٹری کے معروف اداکار سلمان خان نے جیل میں قید گینسگٹر لارنس بشنوئی کے گینگ کی جانب سے بڑھتے ہوئے خطرات کے پیش نظر اپنی سیکیورٹی مزید بڑھادی ہے۔

    بھارتی میڈیا رپورٹس کے مطابق دبنگ خان نے لگ بھگ دو کروڑ روپے کی ایس یو وی براہ راست دبئی سے ممبئی امپورٹ کروائی ہے۔

    معروف اداکار کو گینگسٹر کی جانب سے دھمکیوں کا سلسلہ کافی عرصے سے جاری تھا مگر قریبی دوست بابا صدیق کے قتل کے بعد انھوں نے اپنی سیکیورٹی میں زیادہ اضافے کیلیے سنجیدہ قدم اُٹھانے کا فیصلہ کیا۔

    دبنگ خان نے اپنے بگ باس 18 کے ویک اینڈ کا وار پر مبنی قسط کی فلمنگ جاری رکھی ہوئی ہے، تاہم اس کے باوجود انھوں نے سیکیورٹی کے لیے متعدد اقدامات کیے ہیں۔

    یاد رہے کہ گزشتہ روز بشنوئی گینگ کے ایک مبینہ رکن کی جانب سے ممبئی ٹریفک پولیس کو دھمکی آمیز پیغام موصول ہوا تھا، جس میں لارنس بشنوئی کے ساتھ دیرینہ دشمنی ختم کرنے کے لیے سلمان خان سے 5 کروڑ کا مطالبہ کیا گیا تھا۔

    دھمکی آمیز پیغام میں دبنگ خان کو متنبہ کیا گیا کہ 5 کروڑ ادا نہ کیے تو ان کا انجام بھی بابا صدیقی سے بدتر ہوگا، جنہیں حال ہی میں ٹارگٹ کرکے قتل کردیا گیا تھا۔

    صومی علی نے گینگسٹر لارنس بشنوئی کو زوم کال کی آفر کردی

    دھمکی آمیز پیغام میں کہا گیا ہے کہ اگر اداکار زندہ رہنا چاہتے ہیں اور لارنس بشنوئی سے دشمنی ختم کرنا چاہتے ہیں تو انہیں 5 کروڑ روپے ادا کرنے ہوں گے، اِس دھمکی کو ہلکا نہ لینا، ورنہ تمہارا کا حال بابا صدیقی سے بھی برا ہوگا۔

  • بلٹ اور بم پروف گاڑیوں کی درآمد اور تیاری کے لیے منظوری لازمی قرار

    بلٹ اور بم پروف گاڑیوں کی درآمد اور تیاری کے لیے منظوری لازمی قرار

    اسلام آباد: بلٹ اور بم پروف گاڑیوں کے لیے وزارت داخلہ نے نئی پالیسی جاری کردی جس کے مطابق بلٹ اور بم پروف گاڑیوں کی درآمد اور تیاری کے لیے منظوری لازمی قرار دے دی گئی۔

    تفصیلات کے مطابق وزارت داخلہ نے بلٹ اور بم پروف گاڑیوں کے لیے نئی پالیسی جاری کردی۔

    نئی پالیسی کے بعد بلٹ اور بم پروف گاڑیوں کی درآمد اور مقامی سطح پر تیاری میں آسانیاں پیدا ہوں گی۔

    نئی پالیسی آنے کے بعد سابقہ تمام پالیسیاں فوری منسوخ ہوگئیں جبکہ نئی پالیسی کا اطلاق بھی فوری ہوگا۔

    پالیسی کے تحت بلٹ اور بم پروف گاڑیوں کے لیے پارٹس بھی منگوائے جاسکیں گے۔ بلٹ اور بم پروف گاڑیوں کی درآمد اور تیاری کے لیے منظوری لازمی قرار دی گئی ہے۔

    علاوہ ازیں گاڑی مقامی سطح پر تیارکرنے والی کمپنیوں کو ایس ای سی پی میں رجسٹرڈ ہونا ہوگا جبکہ کمپنیوں کو سیکیورٹی ایجنسیز سے کلیئرنس سرٹیفکیٹ بھی حاصل کرنا ہوگا۔

    پالیسی کے تحت سفارتی مشن اور عالمی ادارے وزارت خارجہ کے ذریعے رجوع کر سکیں گے۔ 50 ملین سالانہ ٹیکس ادا کرنے والی فرمز کی درخواستوں کو ترجیح دی جائے گی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • گاڑیوں‌ کو بلٹ پروف کرنے کیلئے این او سی کی شرط ختم کرنے کا خیر مقدم

    گاڑیوں‌ کو بلٹ پروف کرنے کیلئے این او سی کی شرط ختم کرنے کا خیر مقدم

    کراچی: کراچی چیمبر آف کامرس نے نجی گاڑیوں کی بلٹ پروفنگ کے لیے این او سی کی شرط ختم کرنے کا خیر مقدم کیا ہے۔

    کراچی چیمبر کے صدر شمیم احمد فرپو نے وفاقی وزیر داخلہ احسن اقبال کی جانب سے پچھلی پالیسی کو بحال کرتے ہوئے پرائیویٹ گاڑیوں  کو  بلٹ پروف کرنے کے لیے وزارت داخلہ سے این او سی حاصل کرنے کی شرط کو واپس لینے کے فیصلے کا خیرمقدم کیا ہے۔

    شمیم فرپو نے کہا کہ دو سال قبل کراچی چیمبر نے وزارت داخلہ کو جاری کیے گئے خطوط کے باوجود کوئی پیش رفت نہ ہوئی تاہم نومنتخب وزیرداخلہ نے ہمارے جائز مطالبے کو ترجیح دیتے ہوئے پچھلی پالیسی کو فوری طور پر بحال کرنے کے احکامات جاری کیے۔ انھوں نے کہا کہ ستمبر 2013 میں کراچی آپریشن کے آغاز کے باعث امن و امان کی صورتحال میں مسلسل بہتری آرہی ہے لیکن ابھی بھی شہر بھر میں سو فیصد امن وامان قائم نہیں ہوا ہے۔

    ان کا کہنا تھا کہ ایسی صورت حال میں تاجر و صنعت کار برادری کے لیے ضروری ہے کہ اپنے لیے پرائیویٹ سیکیورٹی انتظامات کریں اور اپنے خرچ پر گاڑیوں کی بلٹ پروفنگ کروائیں۔

    شمیم فرپو نے کہا کہ اب ایسا محسوس ہوتا ہے کہ حکومت نے بالآخرکراچی شہر کے تاجر اور صنعت کار برادری کے جائز مطالبات پر کچھ نہ کچھ توجہ دینا شروع کردی ہے جو ایک مثبت اشارہ ہے اور یقینا کراچی کی65 فیصد سے زائد بھرپور شراکت کو مدنظررکھتے ہوئے یہ ملکی معیشت کے حق میں ہی جائے گی۔

  • افتخارچوہدری بلٹ پروف گاڑی کیس،جسٹس شوکت عزیزصدیقی کاسماعت سے انکار

    افتخارچوہدری بلٹ پروف گاڑی کیس،جسٹس شوکت عزیزصدیقی کاسماعت سے انکار

    اسلام آباد: اسلام آباد ہائی کورٹ کےجسٹس شوکت عزیزصدیقی نے سابق چیف جسٹس پاکستان افتخار چوہدری کی بلٹ پروف گاڑی کاکیس مزید سننےسےانکار کردیا۔

    تفصیلات کےمطابق آج اسلام آباد ہائی کورٹ میں سابق چیف جسٹس پاکستان کی بلٹ پروف گاڑی کےکیس کی سماعت کے دوران عدالت کا کہنا تھا کہ فیصلے کےمطابق آج افتخارچوہدری کی گاڑی عدالت میں جمع کراناتھی۔

    سماعت کے دوران شیخ احسن الدین نے کہا کہ سنگل رکنی بنچ کافیصلہ ڈویژن بنچ نےکالعدم قراردیاتھا۔کیس کی سماعت کےلیےتاریخ دیں دلائل دیں گے۔

    جسٹس شوکت عزیزصدیقی نے کہا کہ کیس کی سماعت پندرہ تاریخ کو کریں گے جس پر شیخ احسن الدین نے کہا کہ پندرہ تاریخ کو میرے بھائی کا چہلم ہے نہیں آسکتا۔

    اسلام آباد ہائی کورٹ کے جسٹس شوکت عزیزصدیقی نےکیس کی مزیدسماعت سےانکارکردیا۔نئے بنچ مقررکرنے کےلیے کیس چیف جسٹس انورخان کاسی کےپاس منتقل کردیاگیا۔

    یاد رہے کہ 2 دسمبر کو عدالت عالیہ کے سنگل بنچ نے سابق چیف جسٹس افتخار محمد چوہدری کو دی جانےوالی بلٹ پروف گاڑی 8 دسمبر کو عدالت میں پیش کرنے کا حکم دیا تھا۔

    واضح رہےکہ مذکورہ حکم نامے کے خلاف انٹرا کورٹ اپیل دائر کی گئی تھی۔انٹرا کورٹ اپیل کی سماعت جسٹس نور الحق این قریشی اور جسٹس عامر فاروق پر مشتمل ڈویژن بنچ نے کی تھی جس میں سابق چیف جسٹس کے وکلاشیخ احسن الدین،توفیق آصف،عامر مغل ایڈووکیٹ پیش ہوئے تھے۔