ARYNews.tv | Urdu – Har Lamha Bakhabar

Tag: بلڈپریشر

  • سابق وزیراعظم کی حالت تشویش ناک ہے، زندگی کی جنگ لڑ رہے ہیں، ڈاکٹر عدنان

    سابق وزیراعظم کی حالت تشویش ناک ہے، زندگی کی جنگ لڑ رہے ہیں، ڈاکٹر عدنان

    اسلام آباد: سابق وزیراعظم نواز شریف کے ذاتی معالج ڈاکٹر عدنان کا کہنا ہے کہ سابق وزیراعظم کی حالت تشویش ناک ہے، زندگی کی جنگ لڑ رہے ہیں، شوگراور بلڈپریشرکی وجہ سے طبیعت خراب ہو رہی ہے۔

    تفصیلات کے مطابق سابق وزیراعظم نواز شریف کے ذاتی معالج ڈاکٹر عدنان نے سماجی رابطے کی ویب سائٹ ٹویٹر پر اپنے پیغام میں کہا کہ نوازشریف کی حالت تشویش ناک ہے، زندگی کی جنگ لڑ رہے ہیں۔

    ڈاکٹر عدنان نے کہا کہ پلیٹ لیٹس اورعارضہ قلب کی بیماری مزید پیچیدہ ہوگئی ہے، نوازشریف کے گردوں پر بھی اثر پڑ رہا ہے، شوگر اور بلڈپریشر کی وجہ سے طبیعت خراب ہو رہی ہے۔

    سابق وزیراعظم کے ذاتی معالج نے مزید کہا کہ نوازشریف کی بیماریوں سے متعلق ابہام دور نہیں ہو پا رہا ہے، صحت کے سنگین مسائل کی وجہ سے نوازشریف کو خطرات ہیں۔

    واضح رہے کہ میڈیکل بورڈ کے سربراہ ڈاکٹر محمود ایاز کے مطابق مریض کے پلیٹلیٹس امراض قلب کے لیے دی جانے والی ادویات کے باعث کم اور زیادہ ہو رہے ہیں تاہم مرض کی تشخیص ہونا ابھی باقی ہے۔

  • مائیکرو ویوو میں تیار ہونے والی چائے صحت کے لیے فائدے مند ہے، تحقیق

    مائیکرو ویوو میں تیار ہونے والی چائے صحت کے لیے فائدے مند ہے، تحقیق

    سڈنی: آسٹریلیا میں ہونے والی تحقیقات میں یہ بات سامنے آئی ہے کہ مائیکرو ویو ومیں تیارکردہ چائے صحت کے لیے فائدے مند ہے، اس کے استعمال سے دل کے امراض اور وزن میں کمی ہوسکتی ہے۔

    تفصیلات کے مطابق آسٹریلیا کی یونیورسٹی آف نیوکاسل میں ہونے والی تحقیق میں یہ بات سامنے آئی کہ مائیکرو  ویوو  میں تیار ہونے والی چائے میں ’پولی فینلز اور تھینائن‘ کے اثرات 80 فیصد موجود رہتے ہیں۔

    سائنسی ماہرین کے مطابق ایک چائے کے کپ میں پولی فینلز اور تھینائن کی 80 فیصد مقدار انسانی صحت کے لیے فائدے مند ہے کیونکہ یہ اجزا جڑی بوٹیوں یا سبز چائے میں پائے جاتے ہیں۔

    سائنسی ماہرین کا مزید کہنا ہے کہ یہ دونوں اشیاء کولیسٹرول، زیابیطس، ہائی بلڈ پریشر اور دل سے متعلق امراض کے ساتھ ساتھ وزن میں کمی کے لیے کارآمد ثابت ہوتے ہیں۔

    تحقیق کی روشنی میں یہ بات کہی جاسکتی ہے کہ مائیکرو ویوومیں بنائی جانے والی چائے پینے والے شخص کو جسمانی آرام پہنچتا ہے اور وہ بیماریوں سے محفوظ بھی رہتا ہے۔

    قبل ازیں مختلف وقتوں میں سائنسی ماہرین مائیکرو ویوو میں گرم کی جانے والی اشیاء کے حوالے سے خبردار کرتے رہے ہیں، ایسے ماہرین کا ماننا ہے کہ مائیکرو ویو و میں موجود بلب کی شعاعیں انسانی صحت کے لیے مضر ہیں۔

    نوٹ: اگرآپ کو یہ خبرپسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • بلڈ پریشر کے مریضوں کیلئے امرود نہایت مفید

    بلڈ پریشر کے مریضوں کیلئے امرود نہایت مفید

    ماہرین طب کا کہنا ہے کہ امرود بلڈ پریشر کے مریضوں کیلئے نہایت مفید اور مؤثر ہے ۔

    سردتر مزاج کا حامل پھل امرود فرحت بخش اور لذت سے بھر پور ہے، امرود میں وٹامن اے اور سی کے علاوہ کیلشیم پایا جاتا ہے، جو بیماریوں کے خلاف قوت مدافعت پیدا کرتے ہیں۔

    ماہرین کا کہنا ہے کہ امرود میں موجود اجزاء خون کی روانی کو کم کرکے بہاؤ متوازن کرنے میں مددگار ثابت ہوتے ہیں، جس سے ہائی بلڈ پریشر سے نجات حاصل کرنے میں مدد ملتی ہے۔

    موسم سرما کے موسم میں امرود کا استعمال صحت کے لئے کافی فائدہ مند سمجھا جاتا ہے، امرود میں کئی طرح کے وٹامن ملتے ہیں، جو جسم کو صحت برقرار رکھنے میں مدد کرتے ہیں، امرود دل متعلق بیماریوں میں فائدہ پہنچاتا ہے، دل سے متعلق بیماریوں کے علاج میں امرود کارگر ہے۔

    طبی ماہرین کے مطا بق امرود کھانے کے علا وہ اس کے پتوں کا رس چہر ے پر لگا نے یا پتے ابال کر اس کے پا نی سے منہ دھو نے سے چہر ے کے دلکشی میں اضافہ ہو تا ہے اورامرود میں مو جو د وٹا مز اور پو ٹاشیم جلد کو جھر یو ں سے بھی محفوظ رکھتے ہیں۔ ماہر ین کے مطا بق جلد کی حفا ظت کے علا وہ امر ودہا ضمہ بہتر بنا نے ، فشا رِ خو ن کو معمول پر رکھنے اور وزن کم کر نے میں بھی معاون ثابت ہوسکتاہے۔

  • امرود کا استعمال امراض قلب اور بلڈپریشر میں مفید

    امرود کا استعمال امراض قلب اور بلڈپریشر میں مفید

    امردو کا استعمال انسانی جسم کو مختلف بیماریوں سے بچانے میں مفیدثابت ہوتا ہے۔

    طبی ماہرین کے مطابق امرود میں موجود وٹامن سی وہ طاقتور اینٹی آکسیڈنٹ ہے، جو بیماریوں سے بچانے والے نظام کو طاقتور بناتا ہے اور کینسر و امراض قلب سے محفوظ رکھتا ہے۔

    امرود میں نیاسین اور پوٹاشیم بھی وافر مقدار میں موجود ہوتے ہیں، جو بلڈ پریشر کو اعتدال میں رکھتے ہیں۔ امرود کے گودے اور اس کے بیجوں میں پیکٹن سے بھر پور اجزاء پائے جاتے ہیں، جن سے کولیسٹرول کی سطح کو کم رکھنے میں مدد ملتی ہے۔

    امرود میں کئی طرح کے وٹامن ملتے ہیں، جو جسم کو صحت برقرار رکھنے میں مدد کرتے ہیں، امرود دل متعلق بیماریوں میں فائدہ پہنچاتا ہے، دل سے متعلق بیماریوں کے علاج میں امرود کارگر ہے۔

    ریسرچ سے یہ نتیجہ اخذ کیا گیا ہے کہ امرود میں اینٹی آکسیڈنٹس کی خوبیاں دوسرے تمام پھلوں کی نسبت زیادہ پائی جاتی ہیں، اینٹی آکسیڈینٹس وہ غذائیت بخش اجزاء ہیں، جو خلیات کو تباہ ہونے سے بچاتے ہیں، خلیات کے تباہ ہونے پر جلد بڑھاپے کے اثرات کا شکار ہو جاتی ہے۔

    جلد پر جھریاں اور شکنیں نمودار ہونے لگتی ہیں اور اسی وجہ سے سرطانی خلیات بھی بنتے ہیں، جو نہایت تباہ کن اور مضر اثرات کے حامل ہوتے ہیں۔

    امرود کے بیج سے تیل بھی نکالا جاتا ہے، جس میں آیوڈین ہوتا ہے اور یہ طبی نقطہء نظر سے بہت مفید ہے، امرود میں وٹامن اے یا کیروٹین  کی مقدار کم ہوتی ہے لیکن دیگر معدنیات بشمول فاسفورس اور کیلشیم زیادہ ہوتے ہیں، امرود ایک ایسا پھل ہے، جو ذائقے کے اعتبار سے شاید پسندیدہ نہ ہو مگر خصوصیات کے اعتبار سے بے حد مفید ہے۔