Tag: بلی

آپ نے اب تک انسانی اسمگلر دیکھے ہوں گے جو مختلف طریقوں سے منشیات اسمگلنگ کرتے ہیں لیکن اب جانور بھی اسمگلر بن گئی ہے۔

دنیا بھر میں اسمگلنگ غیر قانونی عمل ہے لیکن دھڑلے سے جاری ہے۔ انسان منشیات سمیت قیمتی اشیا اور انسان بھی غیر قانونی طور پر ایک جگہ سے دوسری جگہ منتقل کرتے ہیں۔

آپ نے اب تک بہت بڑے ڈرگ اسمگلروں کے بارے میں سنا ہوگا۔ کوئی جوتوں میں، تو کوئی کپڑوں حد یہ کہ کوئی اپنے پیٹ کے اندر چھپا کر منشیات اسمگل کرتا ہے لیکن آج ہم جس اسمگلر کی بتا رہے ہیں وہ انسان نہیں بلکہ جانور ہے۔

جی ہاں یہ ایک بلی ہے جو کوسٹاریکا میں منشیات اسمگل کرتے پکڑی گئی ہے۔ اس انوکھی اسمگلر کو دیکھ کر سب ہی حیران رہ گئے۔

غیر ملکی میڈیا کے مطابق ایک جیل کے باہر بلی کو مشتبہ حرکت کرتے اور جیل کے اندر داخل ہونے کی کوشش کرتے پایا گیا۔ جیل اہلکاروں نے جب اس کو قریب جا کر دیکھا تو اس کے جسم کے ساتھ منشیات کے پیکٹ بندھے ہوئے تھے۔

پولیس نےفوری کارروائی کرتے ہوئے "نارکو بلی” کو پکڑ لیا۔ اس کے جسم کے ساتھ دو تھیلیاں باندھی گئی تھیں۔ ان میں سے ایک میں 235 گرام بھنگ اور 66 گرام کوکین کے علاوہ سگریٹ پیپرز برآمد ہوئے۔

ان پیکٹس کو جیل عملے نے احتیاط سے بلی کے جسم سے علیحدہ کیا اور بعد ازاں بلی کو مزید جانچ کے لیے نیشنل اینیمل ہیلتھ سروس کے حوالے کر دیا ہے۔

اس حوالے سے کوسٹا ریکا کی وزارت انصاف نے ایک بیان میں کہا کہ بلی کو "رنگے ہاتھوں” جرم کا ارتکاب کرتے ہوئے اس وقت پکڑ لیا گیا، جب وہ شمال مشرقی علاقے کانتون بوکوچی میں واقع جیل کی باڑ پر چڑھ گئی تھی۔

وزارت کی جانب سے جاری کردہ ویڈیو میں ایک جیل گارڈ کو سیاہ و سفید رنگ کی بلی کو باڑ سے پکڑتے اور نرمی سے سہلاتے ہوئے دیکھا جا سکتا ہے، جبکہ دیگر اہلکار منشیات کو محفوظ طریقے سے ہٹا رہے ہیں۔

الجزائر کی ایک اور بلی ایک بار پھر دنیا کی توجہ کا مرکز بن گئی ہے دوران نماز امام مسجد کے کندھے پر چڑھنے کی ویڈیو وائرل ہوگئی۔

دو سال قبل الجزائر کی ایک بلی کی اس وقت دنیا بھر میں اس وقت دھوم مچی تھی جب دوران نماز وہ امام مسجد کی گود میں چڑھ گئی تھی اور امام مسجد نے نماز جاری رکھتے ہوئے اس کے ساتھ مشفقانہ رویہ اپنایا تھا۔

اب اسی ملک سے ایک اور بلی پھر دنیا کی توجہ حاصل کر رہی ہے۔ یہ بلی بھی دوران نماز چھلانگ لگا کر امام مسجد کے کاندھے پر چڑھی۔ اس ویڈیو کو اب تک دو ارب سے زائد صارفین دیکھ چکے ہیں۔

غیر ملکی میڈیا کے مطابق یہ دلچسپ واقعہ الجزائر کے علاقے وھران میں واقع الشیخ ابراہیم تازی مسجد میں پیش آیا جو مسجد میں موجود سی سی ٹی وی کیمروں نے محفوظ کر لیا۔

اس ویڈیو میں دیکھا جا سکتا ہے کہ بلی امام مسجد کے ارد گرد گھوم رہی ہے جب کہ مسجد میں بڑی تعداد میں نمازی موجود ہیں۔

اس کے بعد بلی اچانک امام مسجد الشیخ خلخال دحو کے کندھے پر چڑھ گئی۔ انہوں نے بلی کو ہٹانے کی کوشش کے بجائے معمول کے مطابق نماز جاری رکھی۔

تیزی سے وائرل ہوتی اس ویڈیو کو دیکھ کر سوشل میڈیا صارفین دو سال قبل 2023 میں ریاست برج بو عریریدج کی ایک مسجد کے اندر پیش آنے والے اسی نوعیت کے ایک واقعہ کی یاد آ گئی۔

واضح رہے کہ دو سال قبل امام مسجد کو دوران تراویح کندھے پر چڑھنے والی بلی سے حسن سلوک پر حکومت کی جانب سے انہیں اعلیٰ ترین ملکی اعزاز سے نوازا گیا تھا۔

https://urdu.arynews.tv/cat-video-imam-masjid-received-the-highest-honor-of-the-country/

گھر میں پالتو جانور پالنے والے افراد یہ جانتے ہوں گے کہ کسی نا کسی وجہ سے کبھی ان کا  جانور  کبھی زخمی ہوا ہوگا یا اس جانور کی وجہ سے وہ زخمی ہوئے ہوں گے۔

لیکن کیا آپ نے کبھی کسی کے بارے میں سنا ہے کہ وہ بلی کے ٹکر سے اپنی جان گنوا بیٹھنے کے قریب پہنچ گئے ہوں؟ جی ایسا ہوا ہے اور صارفین اس حادثے سے حیران ہے۔

ایک رپورٹ کے مطابق اکتوبر  میں برطانیہ سے تعلق رکھنے والے ایک شخص کی گردن ٹوٹ گئی، ریڑھ کی ہڈی ٹوٹ گئی اور اس کے پھیپھڑوں میں خون بہنے لگا اور وجہ ان کی اپنی پالتو بلی تھی۔

برطانیہ سے تعلق رکھنے والے 59 سالہ کرس رولی ایک پیشہ ور موسیقار ہیں، انہوں نے بتایا کہ یہ حادثہ 23 اکتوبر کو اس وقت پیش آیا جب میں اپنے مصری اسفنکس بلی کے بچے(ایرک) کے ساتھ گھر میں اکیلا تھا۔

بلی نے خود کو سانپ کے حملے سے کیسے بچایا؟َ حیرت انگیز ویڈیو

رولی نے بتایا کہ رات کے وقت جب میں سیڑھیوں سے اتر رہا تھا تو ایرک( بلی) نے مجھ پر چھلانگ لگادی، میں اسے بچانے کے چکر میں راستے سے ہٹنے کی کوشش کی تو میرا پاؤں پھسل گیا جس کے باعث میں شدید زخمی ہونے کی بعد بے ہوش ہوگیا۔

رولی اپنے اپارٹمنٹ میں اپنے دوست کے ہمراہ رہتے ہیں لیکن ان کا دوست نائٹ شفٹ میں کام کررہا تھا  تاہم جب وہ گھر آتا ہے تو رولی کو خون میں لت پت فرش پر پڑا ملتا ہے۔

رولی نے بتایا کہ ابتدائی طور پر مجھے اپنے چوٹوں کی حد کا احساس نہیں ہوا، لیکن بعد میں مجھے میرے ڈاکٹر نے بتایا کہ میری کھوپڑی، گردن او ریڑھ کی ہڈی ٹوٹی ہوئی ہے۔

ڈاکٹر نے بتایا کہ میری 9 پسلیاں ٹوٹ گئیں ہیں اور ہر پسلی میں ایک سے زیادہ فیکچر ہیں اس وجہ سے میں نے 2 ہفتے تک اسپتال میں گزارا۔

کرس رولی کا کہنا تھا کہ مجھے زیادہ یاد نہیں ہے، بس میں بہت تیزی سے گر رہا تھا، اور یہ سب بس کچھ چند سیکنڈ کے اندر ہوا ، پھر میں نیچے گر گیا۔ میں اپنے گھر کی زمین پر 14 گھنٹے تک یونہی پڑا رہا، میرا ساتھی رات کو کام کرتا ہے تو اس کے آنے تک میں زمین پر ہی بے ہوش پڑا رہا۔

تاہم طبی ماہرین نے اب کہا کہ کرس رولی  کو مسلسل دیکھ بھال کرنے کی ضرورت ہے کیونکہ چوٹ کو ٹھیک ہونے میں 6-12 ماہ لگیں گے۔