Tag: بمباری

دمشق : اسرائیلی جنگجو طیاروں نے شام کے ایئر ڈیفنس پر بمباری کی جس سے بڑے پیمانے پر نقصان کا احتمال ہے۔

تفصیلات کے مطابق اسرائیلی طیاروں نے گزشتہ شب شامی ایئر ڈیفنس میں ایرانی اہداف کو نشانہ بنانے کا دعویٰ کیا ہے، اسرائیلی طیاروں بمباری کرنے کے بعد بہ آسانی نکلنے میں کامیاب ہو گئے۔

بین الااقوامی خبر رساں ایجنسی کے مطابق اسرائیل نے اپنی سرزمین پر ایرانی ساختہ ڈرون گرانے کا بھی دعویٰ ہے جب کہ دو طیاروں کی جانب سے شامی ایئر ڈیفنس کو بھاری نقصان پہنچانے کا دعوی بھی سامنے آیا ہے۔

بین الااقوامی خبر رساں ایجنسی کے مطابق اسرائیلی فوج نے یہ کارروائی اس واقعے کے بعد کی جب شامی ایئر ڈیفنس اسرائیلی ایف 16 طیارہ مار گرایا تھا جس کا ملبہ اسرائیل و شام کے سرحدی علاقے میں پایا گیا تھا۔

خیال رہے امریکا کی جانب سے یروشلم کو فلسطین کا دارالحکومت تسلیم کرنے کے بعد سے اسرائیلی فوج کی جارحیت میں مزید اضافہ ہو گیا ہے جس کا عملی مظاہرہ اسرائیلی فضائیہ کی حالیہ کارروائی دیکھا جا سکتا ہے۔

دوسری جانب اسرائیلی فوج کے ترجمان لیفٹننٹ کرنل جوناتھن کونریکوس نے شام اور ایران کو خبردار کرتے ہوئے کہا ہے کہ ہم جارحیت کے خواہاں نہیں ہیں لیکن ایران اور شام  آگ سے کھیل رہے ہیں جس کا نقصان وہ خود اُٹھائیں گے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

حلب : پُر رونق بازار پر فضائی حملے میں جاں بحق ہونے والے افراد کی تعداد 60 ہوگئی ہے جاں بحق ہونے والوں میں بچوں اور خواتین کی بڑی تعداد بھی شامل ہے.

تفصیلات کے مطابق گزشتہ شب داعش جنگجوؤں کے زیرِ تسلط علاقے حلب میں شام اور اتحادی فوجوں کی فضائی بمبارٹمنٹ کے نتیجے میں سینکڑوں افراد زخمی ہوگئے تھے جنہیں طبی امداد کے لیے قریبی اسپتال منتقل کیا گیا جہاں 60 افراد کے جاں بحق ہونے کی تصدیق کردی گئی ہے.

بین الااقوامی خبر رساں ایجنسی کے مطابق فضائی حملہ اس وقت کیا گیا جب لوگوں کی بڑی تعداد روز مرہ کی خریداری کے لیے بازار میں موجود تھے جن میں اکثریت خواتین کی تھیں جن کے ہمراہ ان کے بچے بھی تھے جو اس اچانک حملے کی نذر ہو گئے، زخمیوں میں سے اکثر کی حالت نازک بتائی جاتی ہے.

عینی شاہدین نے بین الاقوامی میڈیا سے گفتگو کرتے ہوئے بتایا کہ فضائی حملہ یکے بعد دیگرے تین بار کیا گیا پہلی بار حملے میں زخمی ہونے والوں کی مدد کے لیے آنے والے افراد کو بھی نشانہ بنایا گیا جس کی وجہ سے ہلاکتوں میں اضافہ ہوا اور کئی زخمیوں کی حالت نازک ہے.

تاہم اب تک یہ معلوم نہیں ہوسکا ہے کہ فضائی حملہ شام کی افواج کی جانب سے کیا گیا یا پھر یہ کارروائی اتحادی فوج نے کی اور نہ ہی اس حملے کی وجوہات تاحال سامنے آ سکی ہیں جب کہ باغیوں کے زیر تسلط ہونے کے باعث علاقے میں میڈیا کی رسائی ناممکن ہے چنانچہ جانی و مالی نقصان کا اندازہ کرنا ناممکن ہے.