Tag: بم حملہ

کراچی کے ہنستے بستے گھر میں موت کے سائے

کراچی: صوبہ سندھ کے دارالحکومت کراچی میں سوات کے خاندان پر ہونے والے دستی بم حملے کی تحقیقات جاری ہیں، واقعے میں بچوں اور خواتین سمیت 13 افراد جاں بحق ہوئے تھے۔

تفصیلات کے مطابق 14 اگست کے روز شادی سے واپس آنے والے خاندان پر دستی بم سے حملہ کیا گیا جس میں 13 افراد جاں بحق ہوگئے، واقعے کا مقدمہ دو دن تک درج نہ ہوسکا تھا۔

نمائندہ اے آر وائی نیوز نذیر شاہ کا کہنا ہے کہ مرنے والوں میں 7 خواتین اور ایک 1 سال کا بچہ بھی شامل تھا، 13 جنازے اٹھانے والا خاندان اس قابل نہیں تھا کہ مقدمہ درج کروا سکتا تاہم پولیس واقعے کی تحقیقات کر رہی ہے۔

نذیر شاہ نے بتایا کہ انچارج محکمہ انسداد دہشت گردی عمر خطاب کے مطابق بم 65 گرام کا تھا، زیادہ نقصان اس کے ہوا میں پھٹنے کی وجہ سے ہوا۔

یاد رہے کہ چند روز قبل مواچھ گوٹھ میں منی ٹرک پر کریکر حملے میں 2 بچوں سمیت 13 افراد جاں بحق ہوگئے تھے۔ گاڑی میں 20 سے 25 افراد سوار تھے جن میں خواتین اور بچوں کی تعداد زیادہ تھی۔

پولیس کے مطابق متاثرہ خاندان لانڈھی شیر پاؤ کالونی کا رہائشی ہے جو شادی کی تقریب سے واپس آرہا تھا جب بلدیہ مواچھ موڑ پر موٹر سائیکل سوار نے کریکر پھینکا۔

اگست 17, 2021
پاکستان اسٹاک ایکسچینج پر دہشت گردوں کا حملہ ناکام ، چاروں حملہ آور ہلاک، سب انسپکٹر سمیت 7 شہید

کراچی: ملک دشمن عناصر کی امن خراب کرنے کی کوشش ناکام بنا دی گئی، پاکستان اسٹاک ایکسچینج پر دستی بم حملے اور فائرنگ سے سب انسپکٹر سمیت 7 افراد شہید ہو گئے جب کہ 4 دہشت گرد مارے گئے، بی بی سی کا کہنا ہے کہ بی ایل نے حملے کی ذمہ داری قبول کر لی ہے۔

اے آر وائی نیوز کے مطابق آج صبح پاکستان اسٹاک ایکسچینج پر کاروباری ہفتے کے پہلے روز دہشت گردوں نے دستی بم کے ساتھ حملہ کیا، جسے اسٹاک ایکسچینج میں تعینات پولیس اہل کاروں اور سیکورٹی گارڈز نے ناکام کرتے ہوئے چاروں حملہ آوروں کو مار دیا، واقعے میں سب انسپکٹر شاہد اور 5 سیکورٹی گارڈز سمیت 7 افراد شہید ہو گئے جب کہ 3 اہل کار زخمی ہوئے۔

پولیس کا کہنا ہے کہ جوابی فائرنگ میں چار دہشت گرد مارے گئے ہیں، حملہ آوروں نے 10 بج کر 5 منٹ پر پانچ سے 7 منٹ تک فائرنگ کی۔ پولیس نے موقع پر پہنچ کر سڑک کو ٹریفک کے لیے بند کر دیا، جب کہ زخمیوں کو سِول اسپتال کراچی منتقل کیا گیا، ڈاکٹر خادم قریشی کا کہنا تھا اسپتال میں ایمرجنسی نافذ کی گئی ہے۔

پاکستان اسٹاک ایکس چینج کے مرکزی گیٹ پر دہشت گردوں کی گاڑی، دوسری تصویر میں ہلاک دہشت گرد

اے آر وائی فوٹیج کے مطابق دہشت گرد نیلے رنگ کی کرولا کار میں آئے، چار دہشت گردوں نے مرکزی دروازے سے اندر داخل ہوتے ہوئے فائرنگ کی، تاہم سیکورٹی اہل کاروں نے جوابی کارروائی میں ایک دہشت گرد کو گیٹ پر ہی مار دیا اور دہشت گردوں کو عمارت کے اندر داخل نہیں ہونے دیا۔ دہشت گردوں سے برآمد ایمونیشن کو دیکھتے ہوئے لگتا ہے کہ وہ بڑی کارروائی کی غرض سے آئے تھے، ان کے پاس جدید ہتھیار، رائفل، کلاشن کوف، اور ہینڈ گرینڈز موجود تھے، تاہم بہادر سیکورٹی گارڈز نے ان کا حملہ ناکام بنایا۔

ماہر معاشیات مزمل اسلم نے اے آر وائی نیوز کو بتایا کہ اسٹاک مارکیٹ کی عمارت میں حملے کے وقت 2 ہزار کے قریب لوگ موجود تھے، کچھ دیر قبل اچانک پہلے فائرنگ ہوئی اور پھر ٹریڈنگ ہال کے باہر دستی بم حملے کی اطلاع ملی۔ انھوں نے کہا یہ ہائی سیکورٹی زون ہے، یہاں حملہ ہونا حیران کن ہے۔

ایم ڈی پاکستان اسٹاک ایکسچینج فرخ خان نے اے آر وائی نیوز کو بتایا کہ اسٹاک مارکیٹ کی عمارت میں سرچ آپریشن جاری ہے، کوئی بھی دہشت گرد کمپاؤنڈ یا عمارت تک نہیں پہنچ سکا، مربوط سیکورٹی عملے نے دہشت گردوں کا حملہ ناکام بنایا۔

پولیس اور رینجرز کی بڑی نفری نے عمارت کے اندر اور علاقے کو گھیر لیا ہے، یہ علاقہ حساس کہا جاتا ہے، علاقے میں اہم دفاتر بھی موجود ہیں، لوگوں کا رش رہتا ہے، سیکورٹی بھی سخت رہتی ہے، پولیس اس دہشت گردانہ حملے کی تحقیقات کر رہی ہے، دوسری طرف آئی آئی چندریگر روڈ پر ایمرجنسی نافذ کر دی گئی ہے۔

علاقے کی فضائی نگرانی سمیت پاکستان اسٹاک ایکسچینج کی عمارت میں سرچ اینڈ کلیئرنس کا عمل جاری ہے، عمارت کے سامنے ایک مشکوک گاڑی کی تلاشی بھی لی جا رہی ہے، دوسری طرف کاروبار بھی جاری ہے، ملک دشمن عناصر کے حملے کے باوجود پی ایس ایکس 100 انڈیکس میں 61 پوائنٹس کا اضافہ ہوا، جب کہ انڈیکس 34000 پر ٹریڈ کر رہا ہے، جب کہ سیکورٹی صورت حال کنٹرول میں ہے۔

جون 29, 2020
کراچی اور گھوٹکی میں بم حملوں کے مقدمات درج

کراچی: گزشتہ روز شہر قائد کے علاقے لیاقت آباد اور اندرون سندھ گھوٹکی میں ہونے والے بم اور کریکر حملوں کے مقدمات درج کر لیے گئے۔

اے آر وائی نیوز کے مطابق کراچی کے علاقے لیاقت آباد میں احساس پروگرام سینٹر پر دستی بم حملے کے واقعے کا مقدمہ کاؤنٹر ٹیررازم ڈپارٹمنٹ (سی ٹی ڈی) میں درج کر لیا گیا ہے، مقدمے میں قتل، اقدام قتل اور دہشت گردی سمیت دیگر دفعات شامل کیے گئے ہیں۔

یہ مقدمہ ایڈیشنل ایس ایچ او لیاقت آباد کی مدعیت میں درج کیا گیا، ایف آئی آر میں لکھا گیا کہ 5 ملزمان نے پل پر سے احساس سینٹر پر تعینات رینجرز کی گاڑی پر حملہ کیا، فلائی اوور پر موجود ملزم نے بارودی مواد پھینکا جس سے دھماکا ہوا، پولیس نے حملہ آوروں کا تعاقب کیا تو انھوں نے فائرنگ کر دی۔

ایف آئی آر کے مطابق حملہ آوروں کی جانب سے فائر کیے گئے 30 بور کے 7 خول پولیس کو ملے، حملہ آور رش کا فائدہ اٹھاتے ہوئے فرار ہو گئے۔ اس واقعے میں ایک شخص جاں بحق جب کہ 6 زخمی ہو گئے تھے۔

کراچی اور گھوٹکی حملے کے تانے بانے را سے ملتے ہیں، ابتدائی رپورٹ

ادھر اندرون سندھ کے شہر گھوٹکی میں رینجرز کی گاڑی پر دھماکے کا مقدمہ نامعلوم دہشت گردوں کے خلاف درج کر لیا گیا ہے، یہ مقدمہ سی ٹی ڈی سکھر میں رینجرز انسپکٹر کی مدعیت میں دہشت گردی ایکٹ کے تحت درج کیا گیا۔

پولیس کا کہنا ہے کہ حملے سے متعلق رینجرز اہل کاروں کے بیانات قلم بند کر لیے گئے ہیں، ایف آئی آر کے مطابق گزشتہ روز ریلوے اسٹیشن روڈ پر رینجرز کی گاڑی پر کریکر حملہ ہوا تھا، حملے میں رینجرز کے 2 اہل کار اور ایک شہری جاں بحق ہو گئے تھے۔

جون 20, 2020
بنوں: ایم ایم اے امیدوار اکرم درانی کے قافلے پر حملہ، 4 افراد جاں بحق

بنوں: متحدہ مجلس عمل کے امیدوار اکرم درانی کے قافلے پر بم حملہ کیا گیا ، جس کے نتیجے میں 4 افراد جاں بحق اور 35 زخمی ہوئے جبکہ اکرم درانی محفوظ رہے۔

تفصیلات کے مطابق بنوں کے مضافاتی علاقے حوید میں متحدہ مجلس عمل کے امیدوار اکرم درانی کے قافلے پر نامعلوم افراد کی جانب سے بم حملہ کیا گیا، حملے کے نتیجے میں 4 افراد جاں بحق اور 35 زخمی ہیں جبکہ اکرم درانی کے محفوظ ہونے کی اطلاعات ہیں۔

ڈی پی او خرم رشید کا کہنا ہے کہ اکرم درانی جلسے کے بعد قافلے کی صورت میں واپس آرہے تھے کہ خود کش حملہ آور نے قافلے کو نشانہ بنایا گیا، حملے میں اکرم درانی کے اسکواڈکی گاڑی کونقصان پہنچا۔

پولیس اور امدادی ٹیموں نے موقع پر پہنچ کر کارروائی کا آغاز کر دیاہے جبکہ سیکیورٹی فورسز نے علاقے کو گھیر ے میں لے لیا ہے۔

عینی شاہدین کے مطابق خودکش حملہ آور موٹرسائیکل پر سوار تھا۔

ریسکیو ذرائع کا کہنا ہے کہ زخمیوں کوقریبی اسپتال منتقل کیاجارہاہے، زخمیوں میں پولیس اہلکاربھی شامل ہیں۔

آرپی اوبنوں کریم خان نے کہا کہ حملہ خودکش نہیں تھا، جائے وقوعہ سے ایک ریموٹ بھی ملاہے، فول پروف سیکیورٹی کے باعث دھماکا جلسہ گاہ میں نہیں ہوا۔

خیال رہے کہ اکرم درانی این اے35سےایم ایم اے امیدوار ہے، جہاں ان کا مقابلہ عمران خان سے ہیں جبکہ وہ کے پی کے کے وزیراعلیٰ بھی رہ چکے ہیں۔

اکرم درانی کے قافلے پر بم حملہ، سیاسی رہنماؤں کی مذمتیں

نگراں وزیر اعظم جسٹس(ر)ناصرالملک نے بنوں دھماکے کی مذمت کرتے ہوئے قیمتی جانوں کےضیاع پر گہرے دکھ کا اظہار اور لواحقین سے اظہار ہمدردی کیا جبکہ زخمیوں کی جلد صحت یابی کی دعا بھی کی۔

پی ٹی آئی رہنما اسدعمرنے اکرم درانی کےقافلے پر حملےکی مذمت کرتے ہوئے کہا کہ دعاہے زخمی جلدصحت یاب ہوں اور جانی نقصان نہ ہو،ا سیاسی وابستگی سے بالاتر ہوکر دہشت گردی کے خلاف متحدہوناچاہیے۔

سابق صدر اور پیپلز پارٹی کے شریک چیئرمین آصف زرداری نے اکرم درانی پر حملے کی مذمت کرتے ہوئے کہا کہ نگراں حکومت کو قانون کی رٹ بحال کرنا ہوگی اور تمام امیدواروں کو تحفظ فراہم کرے، کے پی میں دہشت گردی کے واقعات باعث تشویش ہیں، واقعے کے منصوبہ سازوں کو گرفتار کر کے بے نقاب کیا جائے۔

نگراں وزیراعلیٰ خیبرپختونخوا دوست محمد خان نے اکرم درانی کے قافلے پر حملے کی مذمت کرتے ہوئے کہا ذمہ دار عناصر کو ہر صورت کیفر کردار تک پہنچایا جائے گا، بزدلانہ حملے ہماری قوم کے حوصلے پست نہیں کرسکتے۔

نگراں وزیراعلیٰ نے دھماکے کے بعد ہنگامی اجلاس طلب کرلیا ہے ، اجلاس میں نگراں وزرا اور سیکیورٹی سے متعلق حکام شرکت کریں گے۔

پیپلز پارٹی کے چیئرمین بلاول بھٹو نے اکرم درانی پر دہشت گرد حملے کی شدید مذمت کرتے ہوئے کہا کہ انتخابی امیدواروں کےتحفظ کویقینی بنایاجائے، دہشت گردی سے نمٹنے کیلئے قوم، اداروں کو متحد ہوناپڑے گا۔

امیرجماعت اسلامی سراج الحق نے اکرام درانی پر حملے کی مذمت کرتے ہوئے کہا کہ دہشت گردی کا ناسور ایک بار پھر پھوٹ پڑا ہے، دہشت گردی کو جڑ سے اکھاڑنے کے لیے قوم پرعزم ہے۔

مزید پڑھیں : پشاور: اے این پی کی کارنر میٹنگ میں خودکش دھماکا، ہارون بلور سمیت 13 شہید

واضح رہے کہ 10 جولائی کو صوبہ خیبر پختونخواہ کے دارالحکومت پشاور کے علاقہ یکہ توت میں عوامی نیشنل پارٹی کی انتخابی مہم کے دوران ہونے والے خودکش دھماکے ہوا، جس کے نتیجے میں اے این پی کے امیدوار ہارون بلور سمیت 21 افراد شہید اور 75 افراد زخمی بھی ہوئے تھے۔

ہارون بلور صوبائی اسمبلی کے حلقہ پی کے 78 سے الیکشن میں حصہ لے رہے تھے، ان کی شہادت کے باعث پی کے 78 پر الیکشن ملتوی کردیے گئے ہیں۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

جولائی 13, 2018
انڈونیشیا :بم حملے میں ملوث شخص کو 10سال قید

جکارتہ : انڈونیشیا کے دارالحکومت جکارتہ میں عدالت نے ایک شخص کو بم حملے میں ملوث ہونے کے جرم میں 10سال قید کی سزا سنادی۔

تفصیلات کےمطابق 23 سالہ دودی سریدی دہشت گرد تنظیم داعش کا حامی ہے اور جنوری میں انڈونیشیا کےدارالحکومت جکارتہ میں ہونے والے بم حملے میں اس نےمدد فراہم کی تھی جس میں 4شہری جان کی بازی ہارگئے تھے۔

عدالت میں مجرم دودی سریدی نے اپناجرم قبول کرتے ہوئے کہا کہ اسے عدالت کا فیصلہ منظور ہےاس کیس میں تفتیش کے دوران دیگر 40ملزمان کوگرفتار کیا گیا ہے۔

دوسری جانب اسی بم حملے میں ایک اور ملزم علی ہمکہ کو غیر قانونی طور پر ہتھیار خریدنے پر 4سال کی قیدکی سزا سنائی گئی۔سزاکے سناتے وقت ان دونوں ملزمان کے چہروں پر مسکراہٹ تھی۔

مزیدپڑھیں: انڈونیشیا کے دارالحکومت جکارتہ میں متعدد دھماکے، 6 افراد ہلاک

واضح رہے کہ رواں سال جنوری میں انڈونیشیا کے دارالحکومت جکارتہ میں متعدد دھماکوں کے نتیجے میں تین پولیس اہلکاروں سمیت چھ افراد ہلاک اور متعدد زخمی ہوگئے،جوابی کارروائی میں چارحملہ آوربھی مارے گئے تھے۔

اکتوبر 21, 2016
شامی شہر حلب میں دوبم حملے،15 افراد ہلاک

حلب : شام کے شہر حلب میں بیرل بم حملوں میں کم از کم پندرہ افراد جان کی بازی ہار گئے.مرنے والوں میں زیادہ تعداد بچوں کی ہے.

تفصیلات کےمطابق شام میں انسانی حقوق کی خلاف ورزیوں پر نظر رکھنے والی ایک برطانوی تنظیم سیریئن آبزرویٹری فار ہیومن رائٹس کے مطابق باغیوں کے زیرِ تسلط حلب میں ہونے والے اس حملے میں نشانہ بننے والے لوگ خود وہاں پر ایک دوسرے بم حملے میں ہلاک ہونے والوں کی یاد میں جمع ہوئے تھے.

تنظیم کا کہنا ہے کہ عینی شاہدین نے بتایا ہے کہ بیرل بم کے اس حملے کے بعد کئی ایمبولینس گاڑیوں کو جائے وقوعہ کی جانب جاتے دیکھا گیا اور جب لوگوں کی ایک بڑی تعداد وہاں جمع تھی تو دوسرا بم حملہ ہوا جس میں مزیدافراد ہلاک ہوگئے.

*شام : حلب پر بیرل بم حملہ، 11 بچوں سمیت 15 شہری جاں بحق

حلب کے باغیوں کے زیر کنٹرول علاقے میں ہونے والے پہلے بیرل بم حملے میں کم از کم 15 افراد ہلاک ہوئے جن میں زیادہ تعداد بچوں کی بتائی جاتی ہے.

*حلب میں بمباری: بھائی کے غم میں بلکتے دوبھائیوں کی ویڈیو نے دنیا کو رلادیا

دوسری جانب حکومت اور باغیوں کے درمیان معاہدے اور حکومتی فورسز کے محاصرے کے خاتمے کے بعد دمشق کے مضافاتی علاقے داریا سے لوگوں کا انخلا جاری ہے اور وہاں سے مزید رہائشیوں کی نقل مکانی کی اطلاعات موصول ہوئی ہیں.

معاہدے کے بعد کہا جا رہا ہے کہ صدر اسد کے مخالف سینکڑوں باغی اور ان کے خاندان اس علاقے میں واپس آنا شروع ہو گئے ہیں جو باغیوں کے زیر تسلط ہے.

بم حملے ایک ایسے وقت میں ہوئے ہیں جب شام میں جنگ بندی کے لیے سفارتی کوششیں ایک مرتبہ پر عروج پر ہیں.

خیال رہے کہ جمعے کو امریکہ کے وزیر خارجہ جان کیری نے کہا تھا کہ روسی وزیر خارجہ سرگئی لیوروو اور ان کے درمیان ہونے والی بات چیت میں ’یہ طے پا گیا ہے کہ شام میں جنگ بندی کے حوالے سے جاری بات چیت کی سمت کیا ہو گی‘ تاہم جان کیری کا کہنا تھا کہ ابھی تک ’کچھ باریک مسائل‘ طے ہونا باقی ہیں.

مذاکرات کے بعد روسی وزیر خارجہ سرگئی لیورو کا کہنا تھا کہ ملاقات کے دوران دونوں رہنماؤں نے ’باہمی عدم اعتماد میں کمی‘ کی ہے.

واضح رہے کہ شام میں جاری خانہ جنگی میں امریکہ باغیوں کی حمایت کرتاچلا آیا ہے جبکہ صدر بشارالاسد کو روس کی حمایت حاصل ہے.

اگست 28, 2016
بلوچستان میں اسکول پر بم حملہ، عمارت تباہ

کوئٹہ : بلوچستان کےعلاقے صحبت پور میں دہشت گردوں نے اسکول کو دھماکے سے اڑا دیا ۔علم دشمنوں نےخیبرپختونخوا کے بعداب بلوچستان میں بھی اسکولوں کو نشانہ بنانا شروع کر دیا۔

تفصیلات کے مطابق بلوچستان کے علاقے صحبت پور میں دہشت گردوں نے گورنمنٹ بوائز اسکول کو دھماکے سے اڑا دیا۔

دھماکہ کے نتیجے میں دیواریں، چھت اور کھڑکیاں دھماکے میں سب کچھ تباہ ہوگیا۔ دھماکے صبح اسکول شروع ہونے سے پہلے ہوئے۔ جس سے کوئی جانی تقصان نہیں ہوا۔

اسکول کی تباہی کی اطلاع سن کربچے بھی پہنچ گئے، اسکول کی تباہی کےبعد سیکورٹی اہلکاربھی جائزہ لینے کیلئے جائے وقوعہ کا ۔ دھماکےکی ذمہ داری تاحال کسی نےقبول نہیں کی ہے۔

مارچ 30, 2015
کراچی: بلدیہ میں حساس اداروں کی گاڑی پر بم حملہ، 4افراد زخمی

کراچی: بلدیہ ٹاؤن میں حساس ادارے کے ٹرک کے قریب بم دھماکہ ہوگیا، جس کے نتیجے میں 4شہری زخمی ہوگئے۔

کراچی کے علاقے بلدیہ ٹاؤن حب ریور روڈ سے شہر میں داخل ہونے والے حساس ادارے کے ٹرک کو بم سے اڑانے کی کوشش کی گئی، دھماکے کے نتیجے میں 4 سے 5شہری زخمی ہوگئے، دھماکے کی آواز دور دور تک سنی گئی، جس سے خوف وہراس پھیل گیا، زخمی شخص دھماکا کچرا کنڈی کے قریب کھڑی موٹر سائیکل میں نصب ریموٹ کنٹرول بم سے کیا گیا۔

دھماکے میں ڈیڑھ سے دو کلو دھماکا خیز مواد استعمال کیا گیا تھا، دہشتگردوں کا حدف اس مقام سے گزرنے والے حساس ادارے کا ٹرک تھا تاہم ٹرک دھماکے سے کچھ لمحے پہلے جائے وقوعہ سے گزر گیا جس کے نتیجے میں ٹرک اور اس میں سوار اہلکار محفوظ رہے۔

ایس پی بلدیہ پولیس اور حساس اداروں نے شواہد کی روشنی میں واقعہ میں ملوث دہشتگردوں کو کیفر کردار تک پہنچانے کیلئے کوششیں شروع کردی ہیں، دوسری جانب گلشن حدید میں نامعلوم افراد نے فائرنگ کرکے روشن علی کو قتل کردیا۔

نومبر 12, 2014
پشاور: پولیس موبائل پر بم حملہ ،ایک اہلکار زخمی ،15مشتبہ افراد گرفتار

پشاور: صبح سویرے پولیس موبائل پر بم حملے میں ایک اہلکار زخمی ہوگیاجبکہ پولیس نے سرچ آپریشن میں دو بھتہ خورسمیت پندرہ مشتبہ افراد کو گرفتار کرلیا۔

پشاور میں دہشت گردی اور بم دھماکوں کا سلسلہ رک نہ سکا، ماہ صیام میں بھی پولیس اور معصوم افراد دہشت گردوں کے نشانے پر ہیں ،دہشت گردوں نے صبح سویرے سفید ڈھیری کے مقام پرسڑک کنارے نصب بم سے پولیس وین کو نشانہ بنایا، دھماکے میں ایک پولیس اہلکار زخمی ہوا جبکہ پولیس موبائل کو جزوی نقصان پہنچا۔

دھماکے کے بعد علاقے میں خوف وہراس پھیل گیا،اس سے پہلے رات گئے پشاور کے علاقے گلبہار میں پولیس نے خفیہ اطلاع پر سرچ آپریشن کرکے دو بھتہ خوروں سمیت پندرہ مشتبہ افراد کو حراست لے لیا، جن سے اسلحہ اور بھاری مقدار میں منشیات برآمد ہوئی،گرفتارملزمان میں چار غیرملکی بھی شامل ہیں، پولیس کے مطابق ملزمان کالعدم تنظیم کے نام پر تاجروں سے بھتہ وصول کیا کرتے تھے۔

جولائی 8, 2014
چوہدری نثار اور پرویز رشید کے ہزارہ برادری کے ساتھ مذاکرات کامیاب

جنوری 23, 2014