کوئٹہ : اپوزیشن لیڈر بلوچستان اسمبلی عبدالواسع بم حملے میں بال بال بچ گئے۔
لیویز زرائع کے مطابق بلوچستان کے علاقے خانوزئی کے قریب بلوچستان اسمبلی میں اپوزیشن لیڈر مولانا عبدالواسع کی گاڑی کو ریموٹ کنٹرول بم کے ذریعے نشانہ بنایا گیا، گاڑی کو نقصان پہنچا جبکہ مولانا عبدالواسع محفوظ رہے اس موقع پر سابق صوبائی وزیر صحت عین اللہ شمس بھی ان کے ہمراہ تھے۔
عبدالواسع کا اے آر وائی نیوز سے خصوصی گفتگو کرتے ہوئے کہنا تھا کہ دھماکاریموٹ کنٹرول سے کیا گیا، میں اورمیرےساتھی حملے میں محفوظ رہے، ملک کے حالات سب کے سامنے ہیں، حملےسےمتعلق کوئی پیشگی اطلاع نہیں تھی،
وزیر اعلیٰ بلوچستان نے مولانا عبدالواسع پر حملے کی رپورٹ طلب کرلی جبکہ جے یو آئی ف کا واقعے کیخلاف آج احتجاج کا اعلان کیا ہے۔
