Tag: بنارس پل

کراچی: بنارس پل پر ڈکیتی مزاحمت پر قتل ہونے والے نوجوان کو موٹر سائیکل دینے کے باوجود لٹیروں نے بے دردی سے گولی مار دی تھی۔

تفصیلات کے مطابق بنارس پل پر ڈکیتی مزاحمت پر جاں بحق نوجوان جمال کی سائٹ کے علاقے میٹروول میں نماز جنازہ ادا کر دی گئی، جس میں اہل علاقہ اور عزیز و اقارب کی بڑی تعداد نے شرکت کی۔

واردات کیسے ہوئی، اس سلسلے میں مقتول جمال کے ساتھی نے بتایا ’’میں جمال کے ساتھ موٹر سائیکل پر موجود تھا، ملزمان پیچھے سے آئے اور دھکا دے کر موٹر سائیکل کو گرا دیا۔‘‘

ساتھی نے بیان میں کہا ’’دونوں ملزمان کے پاس پستول تھے، لیکن وہ کافی گھبرائے ہوئے تھے، موٹر سائیکل دینے کے باوجود لٹیرے نے 4 گولیاں ماریں، ایک گولی جمال کو لگی جس سے وہ شدید زخمی ہو گیا۔‘‘

کراچی : ایک اور شہری ڈکیتی میں مزاحمت پر مارا گیا

بیان کے مطابق زخمی جمال کو اسپتال لے جایا گیا جہاں وہ آدھے گھنٹے بعد دم توڑ گیا۔ مقتول نوجوان کے والد نے فریاد کرتے ہوئے کہا ’’میرے بیٹے کی کچھ دنوں میں شادی تھی، گھر میں خوشیوں کا ماحول تھا، قاتلوں کو گرفتار کر کے سخت سزا دی جائے۔‘‘

کراچی: شہر قائد کے علاقے بنارس کے پل پر فائرنگ سے زخمی ہونے والا دوسرا بھائی بھی دوران علاج دم توڑ گیا۔

تفصیلات کے مطابق گزشتہ رات بنارس پُل پر ڈکیتی کے دوران مزاحمت پر فائرنگ سے ایک بھائی جاں بحق اور دوسرا زخمی ہو گیا تھا، زخمی بھائی بھی آج زخموں کی تاب نہ لاتے ہوئے چل بسا۔

پولیس حکام کا کہنا ہے کہ جاں بحق ہونے والے بھائیوں نے ڈاکوؤں کو پکڑنے کی کوشش کی تھی، جس پر ڈاکوؤں نے فائرنگ کر دی تھی۔

رواں سال محض دو ہی مہینوں میں ڈکیتی مزاحمت پر جاں بحق افراد کی تعداد 26 ہو گئی ہے، جو شہر میں محکمہ پولیس کے دعوؤں کے برعکس اس کی کارکردگی پر ایک بڑا سوالیہ نشان ہے۔