Tag: بندر

نئی دہلی: بھارت میں بندروں کے جھنڈ نے فارم پر حملہ کر کے 30 بھیڑ کے بچوں کو مار دیا۔

تفصیلات کے مطابق بھارت میں بندروں کے جھنڈ نے فارم پر حملہ کر کے 30 بھیڑ کے بچوں کو مار دیا، یہ واقعہ اس وقت پیش آیا جب کسان اپنے فارم پر موجود نہیں تھا۔

مقامی میڈیا کے مطابق حملے کی اطلاع ملتے ہی مقامی افراد بھیڑ کے بچوں کو بندروں کے جھنڈ سے بچانے کے لیے جائے وقوعہ پر پہنچے لیکن تب تک بہت دیر ہوچکی تھی۔حملے میں مرنے والے بھیڑ کے بچوں کی عمریں 30 دن تھی۔

خیال رہے کہ بھارت میں تقریباََ 5 کروڑ بندر ہیں اور اکثر ان کی جانب سے حملوں میں شہری زخمی ہوتے ہیں بعض اوقات ان حملوں میں اموات بھی ہوتی ہیں۔

اس سے قبل رواں ہفتے بھارت میں ہی بندروں کے ایک جھنڈ نے گھر کی دیوار گرا دی تھی جس کے نتیجے میں ماں اور اس کے چار بچے ہلاک ہوگئے تھے۔

یاد رہے کہ رواں سال مئی میں بھارتی ریاست اتر پردیش میں بندر لیب اسسٹنٹ سے کرونا وائرس کے مشتبہ مریضوں کے ٹیسٹ سیمپلز چھین کر فرار ہوگئے تھے۔

نئی دہلی: تھائی لینڈ کی طرح بھارت میں بھی بندر بھوک سے سڑکوں پر تڑپ رہے ہیں، کروناوائرس کے تناظر میں نافذ العمل لاک ڈاؤن نے جانوروں تک غذا کی رسائی کا راستہ بند کردیا۔

غیرملکی خبررساں ادارے کی رپورٹ کے دنیا بھر کی طرح لاک ڈاؤن کے باعث بھارت میں بھی سیاحت کا شعبہ شدید متاثر ہے، سڑکوں پر عوام سمیت سیاحوں کے نہ ہونے سے بندر غذا سے محروم ہیں۔ بھوک سے تڑپتے بندر کو اگر ایک دو شہری سڑک پر نظر آجائے تو وہ ان پر حملہ بھی کررہے ہیں۔

لاک ڈاؤن کا فائدہ اٹھاتے ہوئے بندروں نے کئی عوامی مقامات سمیت سرکاری دفاتر پر بھی قبضہ جما لیا ہے۔ بھارتی دارالحکومت نئی دہلی بھی بندروں کے قبضے میں ہے۔ ملیٹری اور صدارتی دفاتر کی چھتوں پر بھی بندروں کا جھنڈ ہے۔ جو غذا کی تلاش میں ادھر ادھر بھاگتے پھر رہے ہیں۔

محکمہ جنگی حیات کے افسران نے خدشہ ظاہر کیا ہے کہ اس صورت حال کے تناظر میں سیکڑوں جانورں کی اموات بھی ہوسکتی ہے۔ بھارت میں چار ایسے گھوڑے بھی ہلاک ہوئے جو سیاحوں کو تفریح فراہم کرتے تھے۔ جانوروں کی اگر بھوک نہ مٹائی گئی تو ممکنہ طور پر دیگر جانورں کی بھی اموات یقینی ہے۔