ARYNews.tv | Urdu – Har Lamha Bakhabar

Tag: بنوں

  • بنوں میں تھانہ میریان پر دہشت گردوں نے کواڈ کاپٹر سے بم گرا دیا

    بنوں میں تھانہ میریان پر دہشت گردوں نے کواڈ کاپٹر سے بم گرا دیا

    بنوں: خیبر پختونخوا کے شہر بنوں میں تھانہ میریان پر دہشت گردوں نے کواڈ کاپٹر سے بم گرا دیا۔

    پولیس حکام نے بدھ کو بتایا کہ تھانہ میریان پر دہشت گردوں نے ڈرون کواڈ کاپٹر سے حملہ کیا ہے، ڈرون سے تھانے پر بم گرایا گیا، جس سے سولر پلانٹ کو نقصان پہنچا، تاہم کوئی جانی نقصان نہیں ہوا۔

    ایس ایچ او میریان کے مطابق تھانہ میریان پر دہشت گردوں کی جانب سے کواڈ کاپٹر کا یہ تیسرا حملہ ہے، پولیس اہلکاروں نے ڈرون کو گرانے کے لیے فائرنگ بھی کی تھی۔تھانہ میریان بنوں کواڈ کاپٹر بم

    دریں اثنا، تھانہ ہوید کی حدود سرہ بنگلہ میں دہشت گردوں نے کواڈ کاپٹر ڈرون کے ذریعے ایک گھر پر بھی بم گرایا ہے، جس کے نتیجے میں ایک خاتون جاں بحق جب کہ بچوں سمیت 3 افراد زخمی ہو گئے ہیں۔

    بنوں: تھانہ میریان پر دہشتگردوں کا حملہ، پولیس کی جوابی کارروائی

    ادھر پشاور کے علاقے پشتہ خرہ میں گھر کے باہر دستی بم حملہ ہوا ہے، جس میں کسی جانی نقصان کی اطلاع نہیں ملی ہے، پولیس کا کہنا ہے کہ واقعے کی تفتیش جاری ہے، اور نامعلوم شرپسندوں کے خلاف مقدمہ درج کر لیا گیا ہے۔

  • بنوں: فائرنگ کے مختلف واقعات میں پولیس اہلکار سمیت 7 افراد جاں بحق

    بنوں: فائرنگ کے مختلف واقعات میں پولیس اہلکار سمیت 7 افراد جاں بحق

    بنوں میں چوبیس گھنٹوں کے دوران پولیس اہلکار سمیت سات افراد ہلاک اور پانچ افراد زخمی ہوگئے ہیں۔

      تفصیلات کے مطابق ضلع بنوں میں بدآمنی کی فضاء برقرار ہے، روزانہ کی بنیاد پر لاشیں گر رہی ہے جبکہ پولیس یکسر ناکام نظر آرہی ہے۔

     تھانہ منڈان کی حدود میں بھٹہ خشت مالک سے بھتہ وصولی پر فائرنگ ہوئی جس سے مبینہ بھتہ خور جنکا تعلق لکی مروت سے تھا ہلاک ہوگیا، دوسرا واقعہ علاقہ ڈومیل میں رونما ہوا جسمیں عادی جرائم پیشہ اور منشیات فروشوں کے درمیان فائرنگ میں دو آفراد ہلاک ہوگئے۔

    غوریوالہ کے علاقے میں کریانے کے دوکان میں نوجوان موجود تھا کہ نامعلوم افراد نے فائرنگ کرکے قتل کردیا فاطمہ خیل کے علاقے میں بھائی نے فائرنگ کرکے بہن کو قتل کردیا۔

    بکاخیل کے علاقے میں تلخ کلامی پر فائرنگ سے ایک شخص ہلاک جبکہ علاقے گل بدین لنڈیڈاک میں مبینہ دہشت گردوں کی فائرنگ سے پولیس اہلکار ہلاک ہوگیا۔ اسی طرح مختلف واقعات میں چھ افراد زخمی ہوگئے ہیں تمام واقعات کی پولیس نے مقدمات درج کردئے ہیں۔

    https://urdu.arynews.tv/bannu-boy-and-girl-killed-of-so-called-honor/

  • بنوں : پولیس چوکی پر دہشت گردوں کا حملہ ناکام بنادیا گیا

    بنوں : پولیس چوکی پر دہشت گردوں کا حملہ ناکام بنادیا گیا

    بنوں : خیبر پختونخوا کے ضلع بنوں میں پولیس چوکی پر دہشت گردوں کا حملہ ناکام بنا دیا گیا اور دہشت گرد بھاگنے پر مجبور ہوگئے۔

    تفصیلات کے مطابق خیبر پختونخوا کے ضلع بنوں میں منڈان فتح خیل پولیس چوکی پر دہشت گردوں کی حملے کی کوشش ناکام بنادی گئی۔

    پولیس حکام نے بتایا کہ دہشت گردوں کے حملے میں ایک اہلکار زخمی ہوا، جس کو اسپتال منتقل کر دیا گیا۔

    پولیس جوانوں کی بھرپور اور بروقت جوابی کارروائی سےدہشت گرد فرار ہوگئے۔

    حکام کا کہنا تھا کہ فرار دہشت گردوں کی گرفتاری کیلئے علاقے میں سرچ آپریشن کیا جا رہا ہے۔

    مزید پڑھیں : بنوں : تھانہ بکاخیل پر دہشت گردوں کی حملے کی کوشش ناکام

    گذشتہ ماہ خیبر پختونخوا کے ضلع بنوں میں تھانہ بکاخیل پر دہشت گردوں کی حملے کی کوشش ناکام بنائی تھی ، پولیس کا کہنا تھا کہ جوانوں نے دہشت گردوں کی نقل وحرکت تھرمل کیمرے سے دیکھی، اہلکاروں نے دہشت گردوں کو سنبھلنے کا موقع دیے بغیر فائرنگ کی اور بروقت جوابی کارروائی سےدہشت گرد فرار ہوگئے تھے۔

    اس سے قبل پولیس پوسٹ دھڑے پل پر دہشت گردوں نے حملہ کردیا تھا ، سینٹرل پولیس آفس نے بتایا تھا کہ فتنہ الخوارج کے 19 ،18 دہشت گرد جن میں سے کچھ 8 موٹرسائیکلوں پر سوار تھے، دہشت گردوں کا ایک گروپ رینگتے ہوئے پولیس پوسٹ کی طرف بڑھ رہا تھا۔

  • ملک میں ایک روز کے دوران 2 پولیو کیسز رپورٹ

    ملک میں ایک روز کے دوران 2 پولیو کیسز رپورٹ

    اسلام آباد: این آئی ایچ نے کہا ہے کہ ملک میں ایک روز کے دوران 2 پولیو کیسز رپورٹ ہوئے ہیں۔

    تفصیلات کے مطابق این آئی ایچ ذرائع نے بتایا ہے کہ قومی ادارہ صحت نے بنوں اور لکی مروت سے ایک ہی دن میں پولیو کیسز کی تصدیق کی ہے۔

    پولیو کیس لکی مروت کی تحصیل سرائے نورنگ سے سامنے آیا ہے، پولیو پازیٹو 26 ماہ کی بچی یو سی بخمل احمد زنی کی رہائشی ہے، متاثرہ بچی میں 22 اپریل کو پولیو کی علامات ظاہر ہوئی تھیں۔

    بنوں سے سامنے آنے والے پولیو کیس میں متاثرہ بچہ یو سی سائیں تنگی ایس ڈی وزیر کا رہائشی ہے، 40 ماہ کے بچے میں یکم مئی کو پولیو کی علامات ظاہر ہوئی تھیں۔

    پولیو ویکسین سے انکاری والدین میں واضح کمی، مصطفیٰ کمال کی گیٹس فاؤنڈیشن کے عہدیدار سے ملاقات

    ذرائع کا کہنا ہے کہ اکتوبر 2023 سے یو سی سائیں تنگہ میں جامع پولیو مہم نہیں چلی ہے، یو سی سائیں تنگہ بنوں میں والدین پولیو ویکسین پلانے سے انکاری ہیں، اور پولیو ٹیموں کو بچوں تک رسائی میں مشکلات ہیں۔

    ذرائع کے مطابق جنوبی خیبر پختونخوا میں پولیو ٹیموں کو شدید مشکلات کا سامنا ہے، یو سی بخمل احمد زئی لکی مروت میں سینکڑوں بچے پولیو ویکسین سے محروم ہیں، خواتین پولیو ویکسینیٹرز کی کمی کا بھی سامنا ہے، اور والدین کی کثیر تعداد پولیو ویکسینیشن سے انکاری ہیں۔

    واضح رہے کہ ملک میں رواں سال کے پولیو کیسز کی تعداد 10 تک پہنچ گئی ہے۔

  • دہشت گردوں کی فائرنگ سے بنوں‌ میں‌ ایس ایچ او اہلکار سمیت زخمی

    دہشت گردوں کی فائرنگ سے بنوں‌ میں‌ ایس ایچ او اہلکار سمیت زخمی

    بنوں: خیبر پختونخوا کے ضلع بنوں میں دہشت گردوں کی فائرنگ سے تھانہ صدر کے ایس ایچ او ایک اہلکار سمیت زخمی ہو گئے۔

    تفصیلات کے مطابق ایک بار پھر دہشت گردوں نے بنوں میں پولیس کو نشانہ بنایا ہے، ایس ایچ او تھانہ صدر دہشت گردوں کے حملے میں اہلکار سمیت زخمی ہو گئے، پولیس کی جوابی فائرنگ سے ایک دہشت گرد ہلاک اور اس کا ساتھی فرار ہو گیا۔

    مارے گئے دہشت گرد سے اسلحہ اور دستی بم ملا ہے، زخمی ایس ایچ او وسیم سجاد اور اہلکار حیات اللہ کو ڈی ایچ کیو اسپتال منتقل کر دیا گیا، ڈی آئی جی سجاد خان اور ڈی پی او سلیم عباس کلاچی نے اسپتال پہنچ کر زخمیوں کی عیادت کی، پولیس حکام نے زخمیوں کا حوصلہ بڑھایا۔

    بنوں : تھانہ بکاخیل پر دہشت گردوں کی حملے کی کوشش ناکام

    یاد رہے کہ پیر کو تھانہ بکاخیل پر دہشت گردوں نے حملہ کر دیا تھا جسے پولیس نے ناکام بنا دیا تھا، پولیس جوانوں کی بھرپور اور بروقت جوابی کارروائی سے دہشت گرد فرار ہو گئے۔

    پولیس حکام کے مطابق جوانوں نے دہشت گردوں کی نقل و حرکت تھرمل کیمرے سے دیکھی، جس پر اہلکاروں نے دہشت گردوں کو سنبھلنے کا موقع دیے بغیر فائرنگ کر دی۔

    گزشتہ ہفتے بھی بنوں میں پولیس پوسٹ دھڑے پل پر دہشت گردوں نے حملہ کر دیا تھا، تاہم چوکی کے پولیس اہلکاروں کی فوری کارروائی سے حملہ ناکام بنایا گیا تھا، سینٹرل پولیس آفس کے مطابق 19 ،18 دہشت گرد جن میں سے کچھ 8 موٹر سائیکلوں پر سوار تھے اور ایک گروپ رینگتے ہوئے پولیس پوسٹ کی طرف بڑھ رہا تھا۔

    دہشت گرد آئی ٹی کیمرے کو نشانہ بنا کر مربوط حملہ کرنا چاہتے تھے، دہشت گردوں نے مختلف اطراف سے چوکی پر فائرنگ کی تاہم بھر پور جوابی کارروائی کے بعد دہشت گرد بھاگنے پر مجبور ہو گئے۔

  • بنوں میں پولیس پوسٹ پر دہشت گردوں کا بڑا حملہ ناکام بنا دیا گیا

    بنوں میں پولیس پوسٹ پر دہشت گردوں کا بڑا حملہ ناکام بنا دیا گیا

    بنوں : خیبر پختونخوا کے ضلع بنوں میں پولیس پوسٹ دھڑے پل پر دہشت گردوں کا بڑا حملہ ناکام بنا دیا گیا، دہشت گرد آئی ٹی کیمرے کو نشانہ بنا کر مربوط حملہ کرنا چاہتے تھے۔

    تفصیلات کے مطابق خیبر پختونخوا کے ضلع بنوں میں پولیس پوسٹ دھڑے پل پر دہشت گردوں نے حملہ کردیا تاہم چوکی کے پولیس اہلکاروں کی فوری کارروائی سے حملہ ناکام بنا دیا گیا۔

    سینٹرل پولیس آفس نے بتایا کہ فتنہ الخوارج کے 19 ،18 دہشت گرد جن میں سے کچھ 8 موٹرسائیکلوں پر سوار تھے، دہشت گردوں کا ایک گروپ رینگتے ہوئے پولیس پوسٹ کی طرف بڑھ رہا تھا۔

    ،سینٹرل پولیس آفس کا کہنا تھا کہ دہشت گرد آئی ٹی کیمرے کو نشانہ بنا کر مربوط حملہ کرنا چاہتے تھے، دہشت گردوں نے مختلف اطراف سے چوکی پر فائرنگ کی تاہم بھر پور جوابی کارروائی کے بعد دہشت گرد بھاگنے پر مجبورہوئے۔

    وزیر داخلہ محسن نقوی نے بنوں میں دہشت گردوں کا حملہ ناکام بنانے پر کے پی پولیس کوخراج تحسین پیش کرتے ہوئے پولیس کی بہادری اور پیشہ وارانہ صلاحیتوں کو سراہا۔

    محسن نقوی نے کہا کہ بنوں پولیس کےجوانوں نے بروقت کارروائی کرکےخوارجیوں کاحملہ پسپا کیا، خوارجی دہشتگردوں کےناپاک عزائم ناکام بنانیوالے پولیس جوان قوم کے ہیرو ہیں، خیبرپختونخوا پولیس کے جوانوں کی جرات پر فخر ہے، پولیس شاباش کی مستحق ہے ، پوری ٹیم کو مبارکباد دیتا ہوں۔

  • بنوں میں بیک وقت 3 مختلف جگہوں پر پولیس پر دستی بم حملے

    بنوں میں بیک وقت 3 مختلف جگہوں پر پولیس پر دستی بم حملے

    بنوں : خیبر پختونخوا کے ضلع بنوں میں بیک وقت دو پولیس اسٹیشنز اور ایک پولیس چوکی پر دستی بم حملے کئے گئے تاہم کوئی جانی نقصان نہیں ہوا۔

    تفصیلات کے مطابق خیبر پختونخوا کے ضلع بنوں میں بیک وقت تین مختلف جگہوں پر پولیس پر دستی بم حملے ہوئے ، دہشت گردوں نے دو پولیس اسٹیشنز اور ایک پولیس چوکی پر دستی بم حملے کیے۔

    پولیس حکام نے بتایا دستی بم حملوں میں کوئی جانی نقصان نہیں ہوا، تمام اہلکار محفوظ رہے۔

    حکام کا کہنا تھا کہ تھانہ بکاخیل، تھانہ غوری والا پر دستی بم اور بھاری ہتھیاروں سے حملہ کیا گیا، دہشت گردوں نے خوجڑی پولیس چوکی پر بھی دستی بم پھینکے۔

    جس کے بعد پولیس کی فوری جوابی کارروائی سےدہشت گرد فرارہوگئے، پولیس اورحملہ آوروں کےدرمیان 20منٹ تک مقابلہ جاری رہا۔

    یاد رہے گذشتہ ہفتے بنوں کینٹ میں 14 برقعہ پوش دہشت گردوں نے بھاری اسلحے کے ساتھ حملہ کیا تھا، اس دوران بیک وقت کئی دھماکے ہوئے، جن سے قریبی گھر مہندم ہونے سے لوگ شہید اور زخمی ہوئے تھے۔

    بزدلانہ حملے میں 12معصوم شہری شہید اور 32 کے زخمی ہوئے ، دھماکے میں 2 ٹریکٹر استعمال کیے گئے، اور مجموعی طور پر 7 ہزار کلو بارودی مواد استعمال کیا گیا، جب کہ دہشت گرد کارروائی کے لیے رکشے میں آئے تھے۔

  • بنوں میں فورسز کے کانوائے قریب بارودی مواد کا دھماکا

    بنوں میں فورسز کے کانوائے قریب بارودی مواد کا دھماکا

    بنوں میں سیکیورٹی فورسز کے کانوائے قریب بارودی مواد کا دھماکا ہوا ہے، جس کے نتیجے میں 2 سیکورٹی اہلکار زخمی ہوگئے۔

    اے آر وائی نیوز کے مطابق پولیس کا کہنا ہے کہ دھماکے سے 2 سیکیورٹی اہلکار زخمی ہوگئے، دھماکا تھانہ ڈومیل کی حدود منگل میلہ کے قریب ہوا۔

    پولیس کے مطابق بنوں میں نامعلوم شرپسندوں نے سڑک کنارے بارودی مواد نصب کیا تھا، سیکیورٹی فورسز اور پولیس کی جانب سے علاقے میں سرچ آپریشن شروع کردیا گیا ہے۔

    واضح رہے کہ گزشتہ روز خیبرپختونخوا میں سیکیورٹی فورسز کی کارروائیوں میں 13 خوارج مارے گئے۔

    پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خیبرپختونخوا میں 5 کارروائیاں کی اس دوران 13 خوارج ہلاک ہوگئے۔

    سیکیورٹی فورسزنے ڈی آئی خان کے علاقے کھلاچی میں انٹیلی جنس بیسڈ آپریشن کیا اس دوران سرکردہ خوارج شاہ گل عرف روحانی سمیت 5 خوارج مارے گئے، شمالی وزیرستان میں دوسالی اور ٹپی میں جھڑپوں کے دوران 5 خوارج ہلاک ہوئے۔

    آئی ایس پی آر کے مطابق لکی مروت میں سیکیورٹی فورسز اور خوارج میں جھڑپ ہوئی جس کے نتیجے میں 2 خوارج مارے گئے۔

    ضلع خیبر کے علاقے بآغ میں کارروائی کے دوران ایک خارجی مارا گیا۔

    ترجمان پاک فوج کا بتانا ہے کہ مختلف کارروائیوں میں اسلحہ اور گولہ بارود برآمد کیا گیا ہے، ہلاک خوارج سیکیورٹی فورسز پر حملوں اور شہریوں کے قتل میں ملوث تھے۔

    اراضی کے تنازعہ پر فائرنگ سے 3 افراد جاں بحق

    آئی ایس پی آر کا کہنا ہے کہ علاقوں میں ممکنہ خارجیوں کے خاتمے کے لیے کلیئرنس آپریشن جاری ہے، سیکیورٹی فورسز دہشت گردی کے خاتمے کے لیے پرعزم ہیں۔

  • بنوں میں امن کمیٹی کے دفتر پر فائرنگ، 3 افراد جاں بحق، 9 زخمی

    بنوں میں امن کمیٹی کے دفتر پر فائرنگ، 3 افراد جاں بحق، 9 زخمی

    بنوں میں تھانہ اتمانزئی کی حدود گربز میں امن کمیٹی کے دفتر پر فائرنگ کا واقعہ پیش آیا ہے، جس کے باعث 3 افراد جاں بحق ہوگئے، جبکہ 9 زخمی ہیں۔

    اے آر وائی نیوز کے مطابق امن کمیٹی کے ممبران کی جوابی فائرنگ سے 8 حملہ آور زخمی ہوئے، زخمی افراد کو اسپتال منتقل کردیا گیا ہے۔

    فتح خیل کے علاقے میں پیش آنے والے ایک اور واقعے میں پولیس چوکی پرشرپسندوں نے حملہ کیا ہے، جس کے نتیجے میں 2 اہلکار شہید ہوگئے جبکہ دو شدید زخمی ہوگئے۔

    پولیس کا اس حوالے سے کہنا ہے کہ فائرنگ سے2 اہلکارشہید، 2 زخمی ہوئے، دہشت گردوں کی تلاش کے لئے کارروائی کا آغاز کردیا گیا ہے۔

    واضح رہے کہ ڈپٹی کمشنر بنوں کا کہنا ہے کہ پولیومہم کے باعث ضلع بھرمیں 7 روز کیلئے دفعہ 144 نافذ کردی گئی ہے۔

    ڈپٹی کمشنر نے بتایا کہ دفعہ 144 نافذ کرتے ہوئے گاڑیوں میں کالے شیشوں، ڈبل سواری اور اسلحے کی نمائش پر پابندی عائد کردی گئی ہے۔

    ڈپٹی کمشنر نے بتایا کہ پابندی ضلع بھرمیں شروع ہونے والی پولیو مہم کے باعث لگائی گئی ہے، خلاف ورزی کرنے والوں کے خلاف سخت کارروائی عمل میں لائی جائے گی۔

    واضح رہے کہ سال 2024 کی آخری انسدادپولیو ذیلی مہم میں مقررہ ہدف 89 فیصد حاصل ہوسکا، ذرائع کا کہنا ہے دوران مہم 11 لاکھ 22 ہزار 537 بچے پولیو ویکسین سے محروم رہے۔

    سال 2024 کی آخری ذیلی قومی پولیو مہم 100 فیصد ہدف حاصل نہ کرسکی، ذرائع نے بتایا کہ ذیلی قومی انسداد پولیو مہم 98 فیصد ہدف حاصل کرسکی اور مہم میں 11 لاکھ 22 ہزار 537 بچے پولیو ویکسین سے محروم رہے۔

    ذرائع کا کہنا تھا کہ پولیومہم کا ہدف 3 کروڑ 63 لاکھ 60 ہزار37 بچوں کی ویکسی نیشن تھا، پولیو مہم میں 3 کروڑ 57 لاکھ 12 ہزار 922 بچوں کی ویکسی نیشن ہو سکی جبکہ مہم میں 7 لاکھ 39 ہزار 201 بچے ویکسی نیشن کیلئے دستیاب نہیں تھے۔

    کراچی : ڈکیتی میں مزاحمت پر ایک اور نوجوان جان سے چلا گیا، ویڈیو

    ذرائع نے بتایا کہ ذیلی پولیومہم میں 71 ہزار330 والدین قطرے پلانے سے انکاری تھے، جس کے باعث 3 لاکھ 2 ہزار 6 بچے ویکسی نیشین سے محروم رہے۔

  • بنوں، پولیس چوکی پر دہشتگردوں کا حملہ، 2 اہلکار شہید

    بنوں، پولیس چوکی پر دہشتگردوں کا حملہ، 2 اہلکار شہید

    بنوں: فتح خیل کے علاقے میں پولیس چوکی پرشرپسندوں کے حملے میں 2 اہلکار شہید ہوگئے جبکہ دو شدید زخمی ہوگئے۔

    اے آر وائی نیوز کے مطابق پولیس کا اس حوالے سے کہنا ہے کہ فائرنگ سے 2 اہلکارشہید، 2 زخمی ہوئے، دہشت گردوں کی تلاش کے لئے کارروائی کا آغاز کردیا گیا ہے۔

    اس کے علاوہ تھانہ اتمانزئی کی حدودگربز میں امن کمیٹی کے دفتر پر فائرنگ کا واقعہ پیش آیا ہے، جس کے باعث 3 افراد جاں بحق ہوگئے، جبکہ 9 زخمی ہیں۔

    پولیس کے مطابق امن کمیٹی کے ممبران کی جوابی فائرنگ سے 8 حملہ آور زخمی ہوئے، زخمی افراد کو اسپتال منتقل کردیا گیا ہے۔

    واضح رہے کہ ڈپٹی کمشنر بنوں کا کہنا ہے کہ پولیومہم کے باعث ضلع بھرمیں 7 روز کیلئے دفعہ 144 نافذ کردی گئی ہے۔

    ڈپٹی کمشنر نے بتایا کہ دفعہ 144 نافذ کرتے ہوئے گاڑیوں میں کالے شیشوں، ڈبل سواری اور اسلحے کی نمائش پر پابندی عائد کردی گئی ہے۔

    ڈپٹی کمشنر نے بتایا کہ پابندی ضلع بھرمیں شروع ہونے والی پولیو مہم کے باعث لگائی گئی ہے، خلاف ورزی کرنے والوں کے خلاف سخت کارروائی عمل میں لائی جائے گی۔

    واضح رہے کہ سال 2024 کی آخری انسدادپولیو ذیلی مہم میں مقررہ ہدف 89 فیصد حاصل ہوسکا، ذرائع کا کہنا ہے دوران مہم 11 لاکھ 22 ہزار 537 بچے پولیو ویکسین سے محروم رہے۔

    سال 2024 کی آخری ذیلی قومی پولیو مہم 100 فیصد ہدف حاصل نہ کرسکی، ذرائع نے بتایا کہ ذیلی قومی انسداد پولیو مہم 98 فیصد ہدف حاصل کرسکی اور مہم میں 11 لاکھ 22 ہزار 537 بچے پولیو ویکسین سے محروم رہے۔

    ذرائع کا کہنا تھا کہ پولیومہم کا ہدف 3 کروڑ 63 لاکھ 60 ہزار37 بچوں کی ویکسی نیشن تھا، پولیو مہم میں 3 کروڑ 57 لاکھ 12 ہزار 922 بچوں کی ویکسی نیشن ہو سکی جبکہ مہم میں 7 لاکھ 39 ہزار 201 بچے ویکسی نیشن کیلئے دستیاب نہیں تھے۔

    کراچی : مشرف کالونی میں حاملہ خاتون کے قتل کا ڈراپ سین

    ذرائع نے بتایا کہ ذیلی پولیومہم میں 71ہزار330 والدین قطرے پلانے سے انکاری تھے، جس کے باعث 3 لاکھ 2 ہزار 6 بچے ویکسی نیشین سے محروم رہے۔