Tag: بنوں

بنوں: صوبہ خیبر پختونخوا کے ضلع بنوں میں فائرنگ سے پولیو ٹیم کی حفاظت  پر مامور پولیس اہلکار جاں بحق ہوگیا۔

تفصیلات کے مطابق صوبہ خیبر پختونخوا کے ضلع بنوں تھانہ میریان کی حدود میں پولیو ٹیم پر نامعلوم افراد نے فائرنگ کی ہے جس کے نتیجے میں ٹیم کی حفاظت پر مامور  پولیس اہلکارجاں بحق ہوگیا۔

ذرائع کا بتانا ہے کہ جاں بحق پولیس اہلکار پولیو ٹیم کے ساتھ ڈیوٹی پر مامور تھا، واقعے کے بعد حملہ آور فرار  ہوگیا جبکہ پولیس کی بھاری نفری موقع پر پہنچ گئی۔

واضح رہے اس سے قبل 1 اگست کو کوئٹہ کے واں کلی میں فائرنگ سے انسداد پولیو ٹیم کی حفاظت پر مامور دو پولیس اہلکار جاں بحق ہوگئے تھے۔

صوبہ خیبرپختوانخواہ کے ضلع بنوں میں مبینہ زیادتی کی کوشش میں ناکامی پر لڑکے کو قتل کردیا گیا ہے۔

تفصیلات کے مطابق افسوسناک واقعہ بنوں کے علاقے خدری ممند خیل میں پیش آیا، جہاں مبینہ زیادتی کی کوشش پر لڑکے کا قتل کیا گیا۔

کینٹ پولیس نے واقعے کی تصدیق کرتے ہوئے بتایا کہ لڑکے کی لاش کو ڈسٹرکٹ ہیڈ کوارٹر اسپتال منتقل کردیا گیا ہے، جہاں اس کا پوسٹ مارٹم کیا جارہا ہے۔

پولیس کے مطابق مقتول کے والد کی مدعیت میں دو ملزمان کے خلاف مقدمہ بھی درج کرلیا گیا ہے اور ان کی گرفتاری کے لئے پولیس نے چھاپے مارنے شروع کردئیے ہیں۔

افسوسناک واقعے میں علاقے مکین سخت مشتعل ہیں اور انہوں نے فوری سفاک ملزمان کی گرفتاری کا مطالبہ کیا ہے۔

واضح رہے کہ ملک بھر میں بچوں سے بدفعلی کے واقعات میں تیزی سے اضافہ ہورہا ہے، کئی واقعات میں درندہ صفت ملزمان کو گرفتار بھی کیا جاچکا ہے تاہم واقعات رکنے کا نام ہی نہیں لے رہے ہیں۔