ممبئی: بالی وڈ کی چنائے گرل دپیکا پدوکون انتیس برس کی سال گرہ کا جشن منارہی ہیں۔
چنائے گرل دپیکا پدوکون نے اوم شانتی اوم سے بالی وڈ میں قدم رکھا اور پھر کامیابی قدم چومتی ہی چلی گئی۔ خوبصورت ، دراز قد اور پریوں جیسی مسکان چہرے پر رہی تو شروع ہوئی نینوں کی چور بازاری ، باکس آفس پر راج کیا اور فلم سازوں کی تجوریاں دولت کے انبار سے بھرتی ہی چلی گئیں ۔پرستاروں نے چاہا، دل سے ،فلموں کو کامیاب کراکے بے انتہا ،دل آیا تو رنبیر کپور پر ،جو ان کے لیے سب کچھ چھوڑنے کی لگانے لگے صدا ،لیکن پھر فاصلے بڑھتے ہی چلے گئے اور دل کے آنگن میں محبت کا پھول کھلا رنویر سنگھ کا، کشمیر کی یہ کنہیا کمہاری جب جب اسکرین پر کنگ خان کے ساتھ آئی تہلکہ مچا گئی، کئی ایوارڈز لیے، ہر فلم نے سو کروڑ روپے کی کمائی کی اور کئی فلم ساز کا تو ان کے بغیر مووی شروع کرنے کا من نہیں ہوتا ۔
