Tag: بنگلادیش

ڈھاکا: بنگلادیش میں جنگی جرائم کے خصوصی ٹربیونل نے سابق وزیر اعظم شیخ حسینہ واجد کے خلاف اجتماعی قتل کے مقدمات کی تحقیقات شروع کر دیں۔

غیر ملکی میڈیا رپورٹس کے مطابق جنگی جرائم ٹربیونل کا کہنا ہے کہ حسینہ واجد کے خلاف قتل کے مقدمات عام لوگوں کی جانب سے لائے گئے ہیں، جن میں حسینہ واجد کے متعدد سابق معاونین کو بھی نامزد کیا گیا ہے۔

سابق وزیر اعظم کے خلاف اجتماعی قتل کے مقدمات ہیں اور ٹربیونل جرائم کے مقدمات کی بھی تحقیقات کرے گا، یاد رہے کہ حسینہ واجد کے خلاف پرتشدد مظاہروں میں 450 افراد ہلاک ہوئے تھے۔

ڈھاکا ٹربیون کے مطابق چند دن قبل بنگلادیش انسٹی ٹیوٹ آف گلاس اینڈ سیرامکس کے طالب علم عبداللہ الطاہر کے قتل کے سلسلے میں بھی سابق وزیر اعظم شیخ حسینہ اور سابق وزیر روڈ ٹرانسپورٹ عبیدالقادر سمیت 40 افراد کے خلاف قتل کا مقدمہ درج کیا گیا تھا، 19 جولائی کو طالب علم کو رنگپور میں امتیازی سلوک کے خلاف طلبہ کے احتجاج کے دوران گولی مار ی گئی تھی۔

ڈھاکا: بنگلادیش کی سابق وزیر اعظم حسینہ واجد کے خلاف قتل کا ایک اور مقدمہ درج کر لیا گیا ہے۔

بنگلادیش کی میڈیا رپورٹس کے مطابق شیخ حسینہ واجد پر ہیلی کاپٹر سے گولیاں برسانے کا الزام بھی عاید کر دیا گیا ہے، اس مقدمے میں حسینہ واجد، سابق وزیر داخلہ اور آئی جی پولیس سمیت 16 افراد نامزد کیے گئے ہیں۔

سابق وزیر اعظم کے بنائے گئے انٹرنیشنل کرائمز ٹریبونل نے حسینہ واجد کے خلاف ہی انسانیت کے خلاف جرائم کی تحقیقات شروع کر دی ہے، ٹریبونل نے 15 جولائی سے 5 اگست تک کی ہلاکتوں کا کیس تحقیقاتی ٹیم کو سونپ دیا ہے۔

حسینہ واجد اور دیگر 9 افراد پر قتل، نسل کشی اور انسانیت کے خلاف جرائم کے الزامات کی تحقیقات کی جا رہی ہے۔

یہ درخواست نویں جماعت کے مقتول طالب علم عارف احمد صیام کے والد بلبل کبیر نے دائر کی ہے، جسے مظاہرے کے دوران گولی ماری گئی تھی، درخواست میں کہا گیا ہے کہ حسینہ واجد نے طلبہ مظاہرین کے خلاف پرتشدد کریک ڈاؤن کا منصوبہ بنایا، جس کے نتیجے میں بڑے پیمانے پر ہلاکتیں ہوئیں اور انسانی حقوق کی خلاف ورزیاں ہوئیں۔

بنگلادیش چھوڑنے کے بعد حسینہ واجد کا پہلا بیان جاری

دوسری طرف 8 سال سے قید بیرسٹر احمد بن قاسم نے حسینہ واجد کی خفیہ جیل کا احوال بتاتے ہوئے کہا ہے ’’مجھے لگا تھا وہ مجھے مار ڈالیں گے، آٹھ سال بعد آنکھوں پر پٹی باندھ کر اور ہتھکڑیاں پہنا کر جب پہلی بار خفیہ جیل آئینہ گھر سے باہر نکالا گیا تو میں نے پستول کی آواز سن کر اپنی سانسیں روک لیں، لیکن انھوں نے مجھے مارنے کی بجائے ڈھاکا کے مضافات میں کیچڑ والی کھائی میں زندہ پھینک دیا، آٹھ برس میں پہلی بار مجھے تازہ ہوا نصیب ہوئی۔‘‘

احمد بن قاسم بنگلادیش کے سب سے بڑے نجی بینک کے سربراہ اور ارب پتی میر قاسم علی کے بیٹے ہیں، انھیں اس وقت اغوا کیا گیا تھا جب وہ اپنے والد کا کیس لڑ رہے تھے، اغوا کے چار دن بعد ان کے والد کو پھانسی دے دی گئی تھی۔

ڈھاکا: بنگلادیش کی عبوری حکومت نے شیخ حسینہ واجد کو وطن واپس آنے کی پیشکش کر دی ہے۔

تفصیلات کے مطابق بنگلادیش کی عبوری حکومت نے سابق وزیر اعظم شیخ حسینہ واجد کے ملک بدر کیے جانے کے دعوے کو مسترد کرتے ہوئے انھیں وطن واپس آنے کی پیشکش کر دی۔

بنگلادیش کی وزارت داخلہ امور کے سربراہ بریگیڈیئر جنرل (ریٹائرڈ) محمد سخاوت حسین نے کہا ہے کہ شیخ حسینہ واجد کو ملک چھوڑنے کے لیے جبراً مجبور کیے جانے کا تاثر بے بنیاد ہے۔

خبر رساں ایجنسی کے مطابق جنرل سخاوت حسین نے مزید کہا کہ حسینہ واجد اپنی مرضی سے ملک چھوڑ کر گئیں، ان پر کسی قسم کا جبر نہیں تھا، لیکن ہم واپس آنے کی دعوت دیتے ہیں، وہ آئیں اور نئے چہروں کے ساتھ پارٹی کو دوبارہ منظم کریں۔

انھوں نے کہا کہ شیخ حسینہ واجد ملک میں واپس آئیں لیکن کوئی ہنگامہ برپا نہ کریں، جماعت اسلامی سمیت کسی بھی سیاسی جماعت پر ہم پابندی نہیں چاہتے۔

ادھر بنگلادیش کی نئی عبوری حکومت کے خارجہ امور کے مشیر محمد توحید حسین نے بھی ایک بیان میں کہا ہے کہ اگر بنگلادیش کے قانون کی ضرورت ہوئی تو ڈھاکا نئی دہلی سے شیخ حسینہ کی ہندوستان سے واپسی کو یقینی بنانے کے لیے کہے گا۔

نئی دہلی: بنگلادیش کی سابق وزیر اعظم حسینہ واجد کا دھڑن تختہ ہونے اور ملک سے فرار ہونے کے بعد پہلا بیان سامنے آ گیا ہے۔

بھارتی میڈیا دی پرنٹ کو انٹرویو دیتے ہوئے حسینہ واجد نے 15 سالہ اقتدار کے خاتمے کا ذمہ دار امریکا کو ٹھہرا دیا، اور کہا کہ سینٹ مارٹن جزیرے پر امریکا کو ایئربیس بنانے دیتی تو اقتدار نہ جاتا۔

انھوں نے کہا سینٹ مارٹن جزیرہ امریکا کو نہ دینا میرا جرم بنا دیا گیا، استعفا نہ دیتی تو مجھے لاشوں کا جلوس دیکھنا پڑتا، شیخ حسینہ نے دعویٰ کیا کہ بنگلادیش اور میانمار کے کچھ علاقوں کو ملا کر ایک نیا ’’عیسائی ملک‘‘ بنانے کی سازش ہو رہی ہے، جس کے لیے امریکا نے سینٹ مارٹن جزیرہ مانگا تھا۔

میانمار سے بنگلادیش ہجرت کرتے ہوئے روہنگیا مسلمانوں پر بھیانک ڈرون حملہ، 200 جاں بحق

انھوں نے کہا میں نے ملک کی خود مختاری کو داؤ پر نہیں لگایا اور جزیرہ دینے سے انکار کر دیا تھا۔

حسینہ واجد نے کہا مجھے وقتی طور پر شکست ہوئی ہے لیکن بنگلادیش کے لوگ جیت گئے، جن کے لیے میرے والد اور میرا پورا خاندان قربان ہو گیا تھا، انھوں نے کہا امید مت چھوڑیں، میں جلد واپس آؤں گی۔

واضح رہے کہ سینٹ مارٹن جزیرے کا رقبہ صرف 3 مربع کلومیٹر ہے اور یہ خلیج بنگال کے شمال مشرقی حصے میں واقع ہے۔