نئی دہلی: بھارتی فضائیہ کے دو لڑاکا طیارے تربیتی مشق کے دوران آپس میں ٹکرا کر تباہ ہوگئے۔
بھارتی میڈیا کے مطابق فضائیہ کے ’سوریا کرن طیارے‘ ایرو انڈیا شو 2019 کی بنگلور میں ریہرسل کررہے تھے کہ اس دوران آپس میں ہوا میں ہی ٹکرا گئے اور ہوئی اڈے پر گر کر تباہ ہوگئے۔
خوفناک حادثے کے نتیجے میں طیاروں میں سوار پائلٹ زخمی ہوگئے، بھارتی حکام کی جانب سے امدادی سرگرمیاں شروع کردی گئی ہیں تاہم کسی جانی نقصان کی اطلاع موصول نہیں ہوئی ہے۔
اسپتال انتظامیہ کے مطابق زخمی فضائیہ کے پائلٹ کی حالت خطرے سے باہر ہے۔
واضح رہے کہ بھارتی شہر بنگلور میں ایئر شو کا انعقاد کل ہونا تھا جس کا پریکٹس سیشن چل رہا تھا کہ دونوں طیارے آپس میں ٹکرا کر تباہ ہوگئے۔
بھارتی میڈیا کے مطابق حادثے کی وجوہات جاننے کے لیے تحقیقات جاری ہیں جبکہ فارمیشن کے لیے بنائی جانے والی سوریا کرن طیارے کی ٹیم ایئر شو میں پرفارم کرے گی یا نہیں یہ کہنا قبل از وقت ہے۔
بنگلور : مختلف ہوٹلوں میں قیام کرنے کے بہانے ٹی وی چرانے والے ملزم کو حراست میں لے لیا گیا ہے ملزم نے چار ماہ میں 120 سے زیادہ ٹی وی چرائے تھے.
تفصیلات کے مطابق بنگلور کے مختلف ہوٹلوں کی انتظامیہ نے کمروں سے ٹی وی غائب ہونے کی شکایت درج کرائی تھی کہ ہوٹل کے کمروں میں نصب ایل ای ڈیز اور ٹی وی تواتر کے ساتھ چوری ہو رہے ہیں اور انتظامیہ تاحال چور کا تعین کرنے میں ناکام رہی ہے.
پولیس نے رپورٹ درج کرنے کے بعد باقاعدہ تفتیش کا آغاز کرتے ہوئے ہوٹلوں میں آنے والے والے مسافروں کے ڈیٹا کی جانچ پڑتال شروع کی تو ایک نام جو تمام ہوٹلوں میں یکساں طور پر پایا گیا وہ واسو دیو ننایہ کا تھا جس کی تلاش شروع کردی گئی.
پولیس جلد ہی اس شخص کو ڈھونڈنے میں کامیاب ہو گئی اور ملزم کو چوری شدہ 120 ایل ای ڈیز اور ٹی وی کے ساتھ اس کے گھر سے گرفتار کر کے تفتیش کے لیے تھانے منتقل کردیا گیا جہاں اس کے خلاف 24 مقدمات درج ہیں.
ہوٹل انتظامیہ کا کہنا تھا کہ یہ شخص ایک بڑے سُوٹ کیس کے ہمراہ چیک ان کیا کرتا تھا اور ہمیشہ اچھے برتاؤ اور رویے کا مظاہرہ کیا کرتا تھا جس کی وجہ سے کبھی اس پر چوری یا دھوکہ دہی کا شک نہیں ہوا.
دوسری جانب پولیس ریکاڑد کوئی اور کہانی سنا رہی ہے، نہایت معصوم اور بھولا نظر آنے والا یہ شخص جسے ہوٹل انتظامیہ اچھے اخلاق کا مالک سمجھتی تھی وہ اس سے قبل بھی ٹی وہ چوری کے الزام میں گزشتہ ماہ ہی گرفتار ہوچکا ہے.
بنگلور پولیس کا مزید کہنا تھا کہ ملزم کی گرفتاری میں ٹی وی خریدنے والے بیوپاری نے اہم کردار ادا کیا ہے کیوں کہ جب واسو دیو ننایہ ٹی وی بیچنے آیا اور اتنے سارے ٹی وی کی ایک ساتھ فروخت کی خاطر خواہ وجہ نہ بتاپا تو اُس نے فوری طور پر پولیس کو آگاہ کیا تھا۔
نئی دہلی: بھارتی شہر بنگلور میں اس وقت پریشان کن صورتحال پیدا ہوگئی جب شہر کے مختلف حصوں میں سڑکوں کو سفید کیمیائی جھاگ نے ڈھانپ لیا۔
یہ واقعہ بنگلور میں تیز ہواؤں اور طوفان کے بعد پیش آیا جب قریب واقع نہر سے فیکٹریوں کا خارج شدہ کیمیائی جھاگ سڑکوں پر پھیل گیا اور اس نے ٹریفک کی آمد و رفت کو بھی متاثر کیا۔
یہ جھاگ نہایت بدبو دار بھی تھا جس نے شہریوں کا سانس لینا دو بھر کردیا۔
بنگلور کی یہ جھیل صنعتی فضلے کے باعث نہایت آلودہ اور زہریلی ہوچکی ہے۔
رواں سال اس جھیل میں زہریلے عناصر کے باعث آگ بھی لگ چکی ہے جس پر 4 گھنٹوں کی طویل جدوجہد کے بعد قابو پایا گیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
بنگلور: بلائنڈ ٹی 20ورلڈ کپ کےفائنل میں بھارت نےپاکستان کونووکٹوں سےشکست دے کرفائنل جیت لیا۔
تفصیلات کےمطابق بھارت کےشہر بنگلور میں ورلڈ بلائنڈ ٹی 20 ٹورنامنٹ کےفائنل میں پاکستان نےروایتی حریف بھارت کوجیت کےلیےمقررہ اوورز میں198رنزکا ہدف دیا۔
پاکستان کی جانب سےبھارت کے خلاف بلائنڈ ٹی 20ورلڈ کپ کےفائنل میں بدرمنیر نے57رنز کی شاندار اننگ کھیلی۔
بھارت نے بیٹنگ کرتے ہوئے 198رنزکا ہدف 17.4اوورز میں 1وکٹ کے نقصان پر بنالیااور ورلڈ ٹی ٹوئنٹی فائنل کا ٹائٹل اپنےنام کرلیا۔اس طرح بھارت مسلسل بار بلائنڈٹی ٹوئنٹی ورلڈکپ کا چیمپئن بن گیا۔
یاد رہےکہ اس سےقبل بلائنڈ ٹی ٹوئنٹی ورلڈکپ کے سیمی فائنل میں پاکستان نے انگلینڈ کو147رنزسےشکست دے تھی۔
واضح رہےکہ قومی بلائنڈ ٹیم نےٹورنامنٹ کے اپنے تمام میچز میں کامیابی حاصل کی تاہم فائنل میں روایتی حریف بھارت نے پاکستان کو نووکٹوں سے شکست دے دی۔
بنگلور: بھارتی ریاست کرناٹکا کے شہر بنگلور میں اوباش نوجوانوں نے مسلمان لڑکی کو جنسی ہراساں کرنے کے بعد زبان کاٹ دی اور فرار ہوگئے۔
اطلاعات کے مطابق بھارتی شہر بنگلور میں نیو ائیر نائٹ پر خواتین پر ہونے والے جنسی حملے کا طوفان تھما نہ تھا کہ ایک اور دل خراش واقعہ پیش آگیا مگر اس بار نشانہ ایک مسلم خاتون بنی جسے گھر جاتے ہوئے جنسی تشدد کا نشانہ بنانے کی کوشش کی گئی۔
خاتون کی چیخ و پکار کی آواز شاید وہاں کے رہائشی افراد کو سنائی نہ دی ہو لیکن گلی میں گھومنے والے آوارہ کتوں نے صورت حال کو دیکھ کر ان درندہ صفت افراد پر بھونکنا شروع کردیا جس کے باعث وہ مذکورہ خاتون کی زبان کاٹ کر فرار ہوگئے۔
واضح رہے کہ نیو ائیر نائٹ پر بھی بنگلور کی سڑکوں پر جشن منانے والی کئی خواتین پر جنسی حملے کیے گئے تھے جس کے باعث کئی خواتین زخمی ہوگئی تھیں، خواتین پر ہونے والے جنسی حملے کے بعد بنگلور پولیس کو سوشل میڈیا پر شدید تنقید کا نشانہ بنایا جارہا ہے۔
سلمان خان اور اکشے کمار سمیت بالی ووڈ کے کئی فنکاروں نے سال نو کے موقع پرخواتین کے ساتھ ہونے والی بدسلوکی کو بھارت کے لیے بد نما داغ قرار دیا ہے۔
نئی دہلی: بھارت میں خواتین کے ساتھ زیادتی اور چھیڑ چھاڑ کے واقعات کے بعد متنازعہ بیانات نے ایک بار پھر طوفان کھڑا کردیا۔ اس بار یہ بیان بھارتی سیاستدانوں نے دیا ہے جن میں کرناٹک کے وزیر داخلہ بھی شامل ہیں۔
اپنے بیانات میں بھارتی سیاستدانوں کا کہنا تھا کہ سال نو کے جشن کے دوران بنگلور میں خواتین کے ساتھ ہونے والے بدسلوکی کے واقعات کی ذمہ دار خواتین خود ہیں۔
واضح رہے کہ بھارتی ریاست کرناٹک کے دارالحکومت بنگلور میں نئے سال کا جشن اس وقت ناخوشگوار صورتحال میں تبدیل ہوگیا جب نشے میں دھت افراد نے وہاں موجود خواتین کو بری طرح ہراساں کیا اور ان سے بدسلوکی کی۔ بعد ازاں منظر عام پر آنے والی فوٹیج میں متعدد لڑکیوں اور خواتین کو روتے ہوئے دیکھا گیا۔
واقعہ کے بعد ملک بھر میں غم و غصہ پایا جارہا تھا کہ بھارتی سیاستدانوں کی جانب سے دیے گئے بیانات نے جلتی پر تیل کا کام کیا اور ملک بھر میں طوفان کھڑا ہوگیا۔
بھارتی ریاست کرناٹک کے وزیر داخلہ جی پرمیشور سے جب نیو ایئر کی شام پیش آنے والے واقعات کے بارے میں سوال کیا گیا تو ان کا کہنا تھا کہ خواتین کا مغربی لباس دراصل مردوں کو ان کے ساتھ چھیڑ چھاڑ کرنے پر مجبور کرتا ہے۔
کرناٹک کے وزیر داخلہ
انہوں نے کہا کہ جب خواتین مغربی لباس پہن کر باہر نکلیں گی تو اس طرح کے واقعات تو پیش آئیں گے۔
دوسری جانب سماج وادی پارٹی کے رہنما ابو اعظمی نے بھی ان واقعات کا ذمہ دار خود خواتین کو قرار دے دیا۔
اپنے بیان میں ان کا کہنا تھا، ’آج کل کے دور میں جو خاتون جتنا کم لباس پہنتی ہے، اسے اتنا ہی زیادہ فیشن ایبل سمجھا جاتا ہے۔ اگر میری بیٹی یا بہن بھی سورج غروب ہونے کے بعد رات دیر تک کسی اجنبی شخص کے ساتھ باہر رہے، تب بھی یہ غلط بات ہے‘۔
بھارتی سیاستدانوں کے ان بیانات کے بعد ملک بھر میں شدید اشتعال پایا جارہا ہے اور خواتین کے حقوق کے لیے کام کرنے والی تنظیموں اور دیگر افراد نے کرناٹک کے وزیر داخلہ سے مستعفی ہونے کا مطالبہ کیا ہے۔
بنگلور: بھارتی پولیس کا کہنا ہے کہ ایمنسٹی انٹرنیشنل کے خلاف بنگلور میں ہونے والے ایک پروگرام کر دوران کچھ لوگوں کی طرف سے انڈیا مخالف نعروں کے سلسلے میں بغاوت کا مقدمہ قائم کرنے کے لیے شواہد نہیں ہیں.
تفصیلات کے مطابق ایمنسٹی انٹرنیشنل کا کہنا ہے کہ اس پروگرام کا مقصد کشمیر میں ’انسانی حقوق کی خلاف ورزیوں سے سلسلے میں انصاف حاصل کرنا‘ تھا.
دوسری جانب دائیں بازو سے تعلق رکھنے والی ایک طلبا تنظیم کا کہنا ہے کہ یہ ایک انڈیا مخالف پروگرام تھا اور اسی بنیاد پر اس نے ایک شکایت درج کرائی تھی.
پولیس کا کہنا ہے کہ اس وقت تک ہونے والی تفتیش کی بنیاد پرایمنسٹی انٹرنیشنل کے خلاف بغاوت کا کوئی کیس نہیں بنتا.ہمارے پاس الزام ثابت کرنے کے لیے کافی ثبوت موجود نہیں ہیں.
رپورٹس کے مطابق جب بنگلور میں ہونے والے پروگرام میں شریک ایک شخص نے بھارتی فوج کی تعریف کی تو وہاں موجود کچھ کشمیر طلبا نے انڈیا مخالف نعرے لگانا شروع کر دیے تھے.
پولیس کا کہنا ہے اس نے 13 اگست کو ہونے والے پروگرام کی ایڈٹ ہونے سے پہلے والی وڈیو فوٹیج کا معائنہ کیا ہے جس میں کچھ شرکا نے مبینہ طور پر نعرے لگائے.
یاد رہے کہ انڈیا کے زیر انتظام کشمیر میں حالیہ ہفتوں میں ہونے والی پرتشدد کارروائیوں میں 80 سے زائد افراد ہلاک اور پانچ ہزار کے قریب زخمی ہوئے ہیں.
واضح رہے کہ گزشتہ ہفتے کشمیریوں پر ہونے والے مظالم کے خلاف آواز بلند کرناایمنیسٹی انٹرنیشنل کا جرم بن گیا،غداری کے الزامات لگائے جانے کے بعد عالمی تنظیم نے بھارت میں اپنے دفاتر بند کردیےتھے
نئی دہلی : کشمیریوں پر ہونے والے مظالم کے خلاف آواز بلندکرناایمنیسٹی انٹرنیشنل کا جرم بن گیا،غداری کے الزامات لگائے جانے کے بعد عالمی تنظیم نے بھارت میں اپنے دفاتر بند کردیے.
تفصیلات کے مطابق مقبوضہ کشمیر میں بھارتی قابض فوج کے وحشیانہ مظالم کے خلاف آواز بلند کرنے پر مودی سرکار نے انسانی حقوق کی خلاف ورزیوں پر نظر رکھنے والی تنظیم ایمنیسٹی انٹرنیشنل پر غداری اور بغاوت پراکسانے کے الزامات لگا دیے.
مقبوضہ کشمیرمیں ہونے والے مظالم پرایمنیسٹی انٹرنیشنل کی جانب سےسیمینار کرناٹک کی ریاست بنگلور میں ہوا تھا اور پولیس نے بی جے پی کے نظریات کی حامل طلبہ تنظیم اکھل بھارتیہ ودیارتھی پریشد (اے بی وی پی) کے کارکنوں کی شکایت پر ایف آئی آر درج کی.
ایمنیسٹی انٹرنیشنل کے ایگزیکٹو ڈائریکٹر اکبر پٹیل نے کہا: ’اب آئین اور اس کے اقدار کی حفاظت کرنے والے پروگراموں کو بھی انڈیا مخالف اور مجرمانہ قرار دیا جا رہا ہے.
اکبر پٹیل کا کہنا تھا کہ پولیس بھی سیمینار میں مدعوتھی.ہمارے خلاف شکایت درج کرنا اور غداری کا مقدمہ درج کرنا اس بات کا ثبوت ہے کہ ہندوستان میں بنیادی حقوق اور آزادی میں یقین کی کمی ہے۔‘
بنگلور میں منعقدہ ایمنیسٹی انٹرنیشنل کےسیمینار میں کئی کشمیری خاندانوں کو بلایا گیا تھا.
ترجمان دفتر خا رجہ پاکستان نے بھارت کی جانب سے ایمنسٹی انٹرنیشنل پر بغاوت کاالزام لگائے جانے کی شدید الفاظ میں مذمت کی ہے.
یادرہے کہ رواں سال کے اوائل میں کشمیر رہنما افضل گورو کی پھانسی کی برسی پر دارالحکومت دہلی کی جواہر لال نہرو یونیورسٹی کے ایک پروگرام میں مبینہ انڈیا مخالف نعروں کے بعد کئی طلبہ کو حراست میں لیا گیا تھا اور یہ معاملہ عالمیمیڈیا کی توجہ کا مرکز بن گیا تھا.
ایمنسٹی انٹرنیشنل پر بغاوت کا الزام، ٹویٹر پربھونچال
بنگلور: ورلڈ ٹوئنٹی گروپ 2 کے اہم میچ میں آسٹریلیا نے بنگلا دیش کو 3 وکٹوں سے شکست دے دی۔
گھرکی شیربنگلادیش کولکتہ کے بعد بنگلورمیں بھی ڈھیرہوگئی کینگروز نے بنگال ٹائیگرزکو ورلڈ ٹی ٹوئنٹی میں مسلسل دوسری شکست کامزاچکھایا۔
ورلڈٹی ٹوئنٹی کےگروپ راؤنڈ میں آسٹریلیا نےٹاس جیت کرفیلڈنگ کافیصلہ کیا، مایوس کن آغازکے بعد شکیب الحسن اورمحمود اللہ نے جان لڑائی، بنگلادیش نےمحموداللہ کے انچاس رنزکی بدولت پانچ وکٹ پر ایک سوچھپن رنزبنائے، ایڈم زمپانے تین اورشین واٹسن نےدووکٹیں حاصل کیں۔
ہدف کےتعاقب میں شین واٹسن اورعثمان خواجہ کے درمیان اکسٹھ رنزکی شراکت نے میچ بنگلادیش سے چھین لیا، عثمان خواجہ نےاٹھاون رنزکی اننگزکھیلی۔ عثمان خواجہ کے آؤٹ ہوتے ہی بلےبازوں کی لائن لگ گئی۔
بنگلادیش نے یکےبعد دیگرے وکٹیں تولی، لیکن اس وقت تک دیر ہوچکی تھی، میچ ہاتھ سے نکل چکاتھا، جیمزفالکنرنے وننگ شاٹ لگاکرہدف اٹھارہیویں اوورکی تیسری گیند پرحاصل کیا۔
بنگلور : بھارتی ریاست بنگلور کے اسکول میں تیندوے نے حملہ کرکے چھ افراد کو زخمی کردیا۔
تفصیلات کے مطابق بھارتی شہر بنگلور میں جنگلی تیندوا ایک اسکول میں گھس گیا۔ خطرناک جانور کودیکھ کر لوگ بدحواس ہوگئے اور اسکول میں بھگڈر مچ گئی۔
تیندوا لوگوں کو دوڑاتا رہا اور خود بھی بھاگتا رہا،چیتے نے وہاں پر ویڈیو بنانے والے ایک فوٹو گرافر پر حملہ کیا اور اس کو نیچے گرا لیا لیکن اس فوٹو گرافر نے کافی جدوجہد کے بعد خود کو اس سے چھڑا لیا۔
اس کے بعد چیتا دوسرے لوگوں کی طرف بھاگا اور ان کو زخمی کردیا۔ امدادی ٹیموں نے موقع پر پہنچ کر اس چیتے کو پکڑ لیا۔
زخمیوں کو فوری طور پر اسپتال منتقل کیاگیا تاہم زخمیوں کی حالت ہسپتال میں تسلی بخش بتائی جاتی ہے۔
بھارتی میڈیا کے مطابق تیندوے کے حملے سے چھ افراد زخمی ہوئے۔ انتظامیہ نے تیندوے کو بے ہوشی کے انجکشن مار کر قابو میں کیا ہے۔
