Tag: بنگلور

بنگلور: چیمپیئنز لیگ ٹی ٹوئنٹی میں آسٹریلیا کی پرتھ اسکارچرز امپارئز کے متنازع فیصلوں کی بدولت لاہور لائنز کو تین وکٹوں سے شکست دیکر ایونٹ سے باہر کردیا۔

چیمپیئنزلیگ ٹی ٹوئنٹی میں پاکستان کی ڈومیسٹک چیمپیئن لاہور لائنز کو فیلڈ امپائرز کی بے ایمابی اور متنازع فیصلوں کی وجہ سے تین وکٹوں سے شکست ہوئی، پرتھ اسکارچرز نے ٹاس جیت کر پہلے فیلڈنگ کا فیصلہ کیا، ٹاپ آڈر بلے باز ایک بار پھر کوئی کارنامہ انجام نہ دے سکے۔ چوون رنز پر پانچ کھلاڑیوں کے آؤٹ ہوجانے کے بعد سعد نسیم کی ناقابل شکست ترسٹھ رنز کی اننگز نے ٹیم کو اسکور کو ایک سو چوبیس رنز تک پہنچادیا۔

ہدف کے تعاقب میں لاہوری بولرز نے آسٹریلوی بلے بازوں کے گرد گھیرا تنگ کردیا، پروفیسر نے اسپن بولنگ کے فارمولے کا استعمال کرتے ہوئے حریف ٹیم کی مشکلات بڑھادی، باسٹھ رنز پر ساتھ کھلاڑیوں کےآؤٹ ہوجانے کے بعد میچ میں پاکستان کی جیت یقینی تھی۔لیکن بلی باؤڈن نے مچل مارش کا صاف آؤٹ نہیں دیا،مارش نے امپائر کی بے ایمانی کا بھرپور فائدہ اٹھایا اور ناقابل شکست ترسٹھ رنز کھیل کر اپنی ٹیم جیت دلوائی۔

بنگلور: چیمپئینز لیگ ٹی ٹوئنٹی میں آج لاہور لائنز کا مقابلہ پرتھ اسکارچرز سے ہوگا، سیمی فائنل تک رسائی حاصل کرنے کے لئے لاہور کو بڑے مارجن سے فتح درکار ہے۔

لاہور لائنز اور پرتھ اسکارچرز کے درمیان پول کا آ خری میچ بنگلور میں کھیلا جائیگا، پرتھ کی ٹیم پہلے ہی سیمی فائنل کی دوڑ سے باہر ہوچکی ہے۔ لاہور لائنز کو سیمی فائنل میں کوالیفائی کرنے کیلئے بہتر اوسط سے کامیابی حاصل کرنا ہوگی۔

پہلے بیٹنگ کی صورت میں انہیں کم از کم پچاس رنز جبکہ بیٹنگ کی صورت میں میچ پندرہ اوورز کے اندر جیتنا ہوگا۔ ایسا نہ ہوا تو چنائی سپر کنگز فائنل فور میں جگہ بنالے گی۔

لیگ راؤنڈ میں بھی لاہور کی ٹیم کو ایسی ہی صورت حال کا سامنا تھا۔ ڈولفنز کے خلاف میچ میں بولنگ ایکشن رپورٹ ہونے کے سبب لاہور کے کپتان محمد حفیظ پربھی دباؤ ہوگا۔ عمراکمل فارم میں آگئےہیں۔ آج کے میچ میں لاہور لائنز کے اسپنرز کا کردار سب سے اہم ہوگا