بنگلہ دیشی کپتان نجم الحسن شانٹو نے جسپریت بمراہ کے حوالے سے سوال کا جواب دینا بھی مناسب نہ سمجھا اور دوسرے سوال کی طرف بڑھ گئے۔
چیمپئنزٹرافی میں بھارت اور بنگلہ دیش کے درمیان کل 20 فروری کے میچ سے قبل بنگالی کپتان نجم الحسن شانٹو نے پریس کانفرنس میں صحافیوں کے سوالات کے جواب دیے، شانٹو سے پوچھا گیا چیمپیئنز ٹرافی میں بھارت کی طرف سے بمراہ نہیں ہوں گے تو کیا یہ آپ کے لیے بہتر ہے۔
رپورٹر نے کہا کہ آپ کی ٹیم کے لیے ایک بڑی راحت ہوگی کہ آپ کو کل جسپریت بمراہ کا سامنا نہیں کرنا پڑے گا، تاہم اس سوال کو بنگلہ کپتان نے قطعی نظر انداز کردیا۔
بھارت چیمپئنز ٹرافی کا سیمی فائنل نہیں کھیلے گا؟ سابق کرکٹر کا دبنگ تجزیہ
بنگلہ دیش کے کپتان نے کہا کہ میں کسی انفرادی کرکٹر کے بارے میں سوچنے والا بندہ نہیں ہوں، مجھے لگتا ہے کہ بھارت کے پاس بہت سے کوالتی کرکٹر ہیں۔
نجم الحسن شانٹو نے مزید کہا کہ اس لیے بھارت کے خلاف ہم یہ سوچ رہے ہیں کہ ہم اپنے منصوبوں کو کیسے عملی جامہ پہناتے ہیں۔
خیال رہے کہ جسپریت بمپران اپنی کمر کی انجری کی وجہ سے آئی سی سی چیمپئنزٹرافی 2025 سے باہر ہوگئے تھے، انھیں آسٹریلیا کے خلاف پانچویں ٹیسٹ میچ میں انجری کا سامنا کرنا پڑا تھا۔
