ARYNews.tv | Urdu – Har Lamha Bakhabar

Tag: بنگلہ دیش

  • 7 گیندوں پر 7 چھکے، افغانستان کے نبی اور زردان نے نیا ریکارڈ بنا ڈالا

    7 گیندوں پر 7 چھکے، افغانستان کے نبی اور زردان نے نیا ریکارڈ بنا ڈالا

    ڈھاکا: بنگلہ دیش میں جاری ٹرائینگولر سیریز کے میچ میں افغانستان کے نبی اور زردارن نے زمبابوبے کے بولرز کے خلاف 7 گیندوں پر 7 چھکے لگا کر نیا ریکارڈ بنا ڈالا۔

    تفصیلات کے مطابق بنگہ دیش میں ٹرائنگولر سیریز جاری ہے جس میں بنگلہ دیش، زمبابوے اور افغانستان کی ٹیمیں مدمقابل ہیں، گزشتہ روز افغانستان کے آل راؤنڈر محمد نبی اور نجیب اللہ زردان نے 7 گیندوں پر 7 چھکے لگا کر نیا ریکارڈ بنادیا۔

    زمبابوے کے خلاف ریکارڈ دونوں کھلاڑیوں نے اننگز کے 17 اور 18ویں اوور میں بنایا، افغانستان میں میچ میں زمبابوے کی ٹیم کو 28 رنز سے شکست دی۔

    افغانستان کی ٹیم پہلی بیٹنگ کررہی تھی، 16 اوور میں افغانستان نے 4 وکٹوں کے نقصان پر 123 رنز بنائے تھے، زمبابوے کے تیندائی چتارا 17 واں اوور کرنے آئے تو نبی اور زردان نے پہلی دو گیندوں پر سنگل رن لیے۔

    چتارا کی تیسری بال پر محمد نبی نے مڈ وکٹ پر بلند و بالا چھکا رسید کیا، دوسرا چھکا نبی نے بولر کے سر کے اوپر سے مارا، تیسرا چھکا بھی نبی نے اسٹریٹ پر لگایا، 17ویں اوور کی آخری بال پر محمد نبی نے پھر چھکا لگادیا۔

    چتارا کے 17ویں اوور میں 26 رنز بنے، لیکن یہاں چھکے رکے نہیں جھ 18 اوور شروع ہوا تو نجیب اللہ زردارن نے نیویلی مڈزیوا کی گیند پر بلند و بالا چھکا رسید کیا، دوسری اور تیسری بال پر بھی زردان نے چھکا مارا۔

    افغانستان نے مقررہ 20 اوورز میں 5 وکٹوں کے نقصان پر 197 رنز بنائے، ہدف کے تعاقب میں زمبابوے کی ٹیم 7 وکٹوں کے نقصان پر 169 رنز بناسکی اور افغانستان نے میچ 28 رنز سے جیت لیا۔

  • تین ملکی ٹی 20 سیریز: بنگلہ دیش، افغانستان اور زمبابوے آپس میں ٹکرائیں گے

    تین ملکی ٹی 20 سیریز: بنگلہ دیش، افغانستان اور زمبابوے آپس میں ٹکرائیں گے

    ڈھاکہ: بنگلہ دیش، افغانستان اور زمبابوے کے درمیان تین ملکی ٹی 20 سیریز کل سے شروع ہوگی۔

    تفصیلات کے مطابق بنگلہ دیش، افغانستان اور زمبابوے کی کرکٹ ٹیموں کے درمیان تین ملکی ٹی 20 سیریز کل سے بنگلہ دیش میں کھیلی جائے گی۔

    سیریز کا پہلا میچ 13 ستمبر کو بنگلہ دیش اور زمبابوے کے درمیان کھیلا جائےگا، 14 ستمبر کو دوسرے میچ میں افغانستان اور زمبابوے کی ٹیمیں مدمقابل ہوں گی۔

    تیسرا میچ 15 ستمبر کو بنگلہ دیش اور افغانستان کے مابین کھیلا جائے گا، 18 ستمبر کو چوتھے میچ میں بنگلہ دیش اور زمبابوے کی ٹیمیں مدمقابل ہوں گی۔

    پانچواں میچ 20 ستمبر کو افغانستان اور زمبابوے جبکہ چھٹا اور آخری میچ 21 ستمبر کو بنگلہ دیش اور افغانستان کے درمیان کھیلا جائے گا۔

    تجزیہ کاروں کا خیال ہے کہ بنگلہ دیش کو ہوم گراؤنڈ کا فائدہ ہوگا، جبکہ ایونٹ میں افغانستان بھی ٹف ٹائم دے سکتا ہے۔

  • افغانستان نے بنگلہ دیش کو واحد ٹیسٹ میں 224 رنز سے شکست دے دی

    افغانستان نے بنگلہ دیش کو واحد ٹیسٹ میں 224 رنز سے شکست دے دی

    چٹاگانگ: افغانستان نے کپتان راشد خان کی تباہ کن بولنگ کی بدولت بنگلہ دیش کے خلاف واحد تیسٹ 224 رنز سے جیت لیا، راشد خان میچ کے بہترین کھلاڑی قرار پائے۔

    تفصیلات کے مطابق افغانستان کے کپتان لیگ اسپنر راشد خان کی گھومتی گیندوں کے سامنے بنگال ٹائیگر بے بس نظر آئے اور 224 رنز سے شکست کا شکار ہوئے، راشد خان نے پہلی اننگز میں پانچ اور دوسری اننگز میں 6 وکٹیں حاصل کیں۔

    بنگلہ دیش کی ٹیم 398 رنز کے تعاقب میں دوسری اننگز میں صرف 173 رنز پر ڈھیر ہوگئی، ٹیسٹ اسٹیٹس ملنے کے بعد افغانستان کی ٹیسٹ کرکٹ میں یہ دوسری کامیابی ہے۔

    اس سے قبل افغانستان کی ٹیم دوسری اننگز میں 260 رنز پر آؤٹ ہوئی تھی، افسر زازئی 48 رنز پر ناٹ آؤٹ رہے، شکیب الحسن نے تین جبکہ مہدی حسن، تیج الاسلام اور نعیم حسن نے دو، دو وکٹیں حاصل کیں۔

    لیفٹ آرم اسپنر ظہیر خان نے دو کھلاڑیوں کو میدان بدر کیا، بنگلہ دیش کے لٹن داس 9 اور مصدق حسین 12 رنز بناسکے، مشفیق الرحیم میچ میں دوسری اور مجموعی طور پر چھٹی مرتبہ راشد خان کا شکار بنے، انہوں نے 23 رنز بنائے، اگلے اوور میں راشد خان نے اگلے اوور میں مومن الحق کو بھی ایل بی ڈبلیو کیا۔

    شادمان اسلام 41 رنز بنا کر محمد نبی کا نشانہ بنے، محمود اللہ 7 رنز بنا کر راشد خان کو وکٹ دے بیٹھے۔

  • ڈھاکا، اسجد اقبال نے پہلی سارک اسنوکر چیمپئن شپ جیت لی

    ڈھاکا، اسجد اقبال نے پہلی سارک اسنوکر چیمپئن شپ جیت لی

    ڈھاکا: بنگلہ دیش کے شہر ڈھاکا میں جاری پہلی سارک اسنوکر چیمپئن شپ پاکستان کے اسجد اقبال نے جیت لی۔

    تفصیلات کے مطابق بنگلہ دیش کے شہر ڈھاکا میں جاری پہلی سار اسنوکر چیمپئن شپ پاکستان کے اسجد اقبال نے ہم وطن محمد بلال کو سنسنی خیز مقابلے کے بعد شکست دے کر جیت لی۔

    قومی کیوئسٹ اسجد اقبال نے فائنل میں محمد بلال کو سنسنی خیز مقابلے کے بعد زیر کیا، اسجد اقبال نے ہم وطن کیوئسٹ کو 7 کے مقابلے میں 6 فریمز سے شکست دی۔

    اسجد اقبال نے کامیابی کشمیریوں کے نام کرتے ہوئے کہا کہ قوم کے لیے ایک اور ٹائٹل حاصل کرنے پر فخر ہے، انہوں نے محمد بلاول کو بھی مبارک باد دیتے ہوئے کہا کہ محمد بلاول نے فائنل میں بہت ہی عمدہ مقابلہ کیا۔

    مزید پڑھیں: سارک اسنوکر چیمپئن شپ، بھارت کو شکست، پاکستان فائنل میں‌ پہنچ گیا

    محمد بلال نے کہا کہ میں شکست کے باوجود بہت خوش ہوں کہ ایک اور ٹائٹل پاکستان میں آیا ہے، اس بات کی بھی خوشی ہے کہ ہم دونوں نے بھارتی کھلاڑیوں کو سیمی فائنل میں شکست دی۔

    واضح رہے کہ اسجد اقبال اور محمد بلال نے سیمی فائنل میں بھارتی کھلاڑیوں کو شکست دے کر فائنل میں رسائی حاصل کی تھی۔

    ڈھاکا میں جاری چیمپئن شپ میں میزبان ملک کے علاوہ پاکستاان، بھارت، نیپال اور سری لنکا کے کھلاڑی حصہ لے رہے تھے۔

    میزبان ملک سے 4 جبکہ دیگر ممالک سے دو، دو کیوئسٹس ایونٹ میں شریک ہیں جنہیں چار مختلف گروپس میں تقسیم کیا گیا تھا۔

    فاتح کیوئسٹ کو 2500 ڈالرز، رنر اپ کو 1500 ڈالرز جبکہ چوتھی اور پانچویں پوزیشن حاصل کرنے والے کیوئسٹس کو 1000 ڈالرز نقد انعام دیا گیا۔

  • بھارت نے آسام میں مقیم 19 لاکھ مسلمانوں کی شہریت واپس لے لی

    بھارت نے آسام میں مقیم 19 لاکھ مسلمانوں کی شہریت واپس لے لی

    نئی دہلی: بھارت میں مودی سرکارکی مسلمان دشمنی عروج پرہے، ریاست آسام میں رہائش پذیرانیس لاکھ سے زائد مسلمانوں سے شہریت واپس لے لی۔

    تفصیلات کے مطابق بھارت میں مسلمانوں کےساتھ بدترین سلوک کے بعد اب انہیں بھارتی شہریت سے بھی محروم کیا جا رہا ہے، مودی سرکارنے ریاست آسام میں شہریت کی فہرست جاری کرتے ہوئے انیس لاکھ مسلمان بھارتی شہریوں کوشہریت سے محروم کردیا۔ گزشتہ سال اس  نوعیت کی ایک فہرست جاری کی گئی تھی جس میں چالیس لاکھ افراد شہریت سے محروم ہورہے تھے۔

    ذرائع کا کہنا ہے کہ بھارتی شہریت سے محروم ہونے والےافرادسنہ 1970کی دہائی سےآسام میں مقیم ہیں۔یہ افراد بنگلہ دیش سے بھارت آئے تھے اورکئی نسلوں سےآبادہیں۔بھارتی حکومت کے متعصبانہ فیصلےکے خلاف ان افرادنےمختلف فورمزسے رجوع کیامگرکہیں شنوائی نہیں ہوئی۔

    یاد رہے کہ آسام بنگلہ دیش سے ملحق بھارتی ریاست ہےجس کی مجموعی آبادی تین کروڑانتیس لاکھ ہے۔آبادی کا چونتیس فیصدسےزیادہ مسلمانوں پرمشتمل ہے۔ان میں تقریبا سترلاکھ بنگلہ دیشی نژادہیں۔مسلمانوں میں بیشترناخواندہ،غریب اورچھوٹےکسان ہیں۔

    یاد رہے کہ گزشتہ سال بھارتی ریاست آسام کی حکومت نے ان افراد کی فہرست جاری کی تھی جن کی بھارتی شہریت برقرار رکھی گئی تھی ، اس فہرست میں میں دو کروڑ 89 لاکھ افراد کو شہریت کا حق دیا گیا تھا جبکہ 40 لاکھ افراد کو شہریت سے محروم کردیا تھا۔ شہریت سے محروم ہونے والوں کو محض دو ماہ کا وقت دیا گیا تھا کہ وہ اس عرصے میں اپنی شہریت ثابت کریں۔

    بعد ازاں اس فہرست میں مزید چھانٹی کی گئی اور حتمی طور ایک اور فہرست شائع کی ہے جس میں 19 لاکھ افراد کو حقِ شہریت سے محروم کردیا گیا ہے۔ حق شہریت سے محروم ہونے والے افراد مسلمان ہیں۔ بھارت کے اس معتصبانہ عمل کو دنیا بھر میں تنقید کا نشانہ بنایا جارہا ہے اور اسے انسانی حقوق کی پابندی قرار دیا جارہا ہے۔

  • بنگلہ دیش کی عدالت کا نکاح نامے سے’کنواری‘کا لفظ نکالنے کا حکم

    بنگلہ دیش کی عدالت کا نکاح نامے سے’کنواری‘کا لفظ نکالنے کا حکم

    ڈھاکہ : بنگلہ دیش کی عدالت عظمیٰ نے تاریخی فیصلہ سناتے ہوئے ملک میں مسلمانوں کے نکاح نامے سے ‘کنواری’ کا لفظ نکالنے کا حکم دے دیا، اس لفظ کے خلاف مہم چلانے والوں نے اسے ذلت آمیز اور امتیازی قرار دیا تھا۔

    میڈیارپورٹس کے مطابق جنوبی ایشیائی ممالک میں مسلمانوں کی شادی سے متعلق قوانین کے مطابق دلہن کو سرٹیفکیٹ میں تین میں سے ایک کا انتخاب کرنا ہوتا ہے کہ آیا وہ کنوارہ ہے، بیوہ یا طلاق یافتہ ہے۔

    ڈپٹی اٹارنی جنرل امیت تالوکر کے مطابق اپنے مختصر فیصلے میں عدالت نے حکومت کو حکم دیا کہ وہ شادی سرٹیفکیٹ سے یہ لفظ نکالے اور اس کی جگہ غیر شادی شدہ کا لفظ شامل کرے۔عدالت عظمیٰ کی جانب سے کیس کا تفصیلی فیصلہ اکتوبر میں جاری کیے جانے کا امکان ہے، جب تک نکاح نامے میں تبدیلی متوقع ہے۔

    یہ کیس 2014 میں مختلف گروپوں کی جانب سے دائر کیا گیا تھا جن کی وکیل آئنَن نَہار صدیقہ نے کہا کہ یہ تاریخی فیصلہ ہے۔انسانی حقوق کے گروپ طویل عرصے سے شادی سرٹیفکیٹ میں شامل اس لفظ پر تنقید کر رہے تھے اور ان کا کہنا تھا کہ یہ ذلت آمیز اور امتیازی ہے۔ان کا کہنا تھا کہ یہ لفظ شادی کرنے والی خاتون کی رازداری میں رخنہ ڈالنے کے مترادف ہے۔

    عدالتی فیصلے میں انتظامیہ کو یہ حکم بھی دیا گیا کہ وہ یہی 3 آپشنز ‘غیر شادی شدہ، رنڈوا یا طلاق یافتہ’ شادی کے سرٹیفکیٹ میں دولھے کے لیے بھی متعارف کروائے۔واضح رہے کہ بنگلہ دیش دنیا کا تیسرا بڑا مسلم اکثریتی آبادی والا ملک ہے جس کی 16 کروڑ 80 لاکھ آبادی کا لگ بھگ 90 فیصد حصہ مسلمانوں پر مشتمل ہے۔

  • کرکٹ ورلڈکپ 2019: بنگلہ دیش اور بھارت آج مدمقابل ہوں گے

    کرکٹ ورلڈکپ 2019: بنگلہ دیش اور بھارت آج مدمقابل ہوں گے

    برمنگھم: آئی سی سی ورلڈکپ 2019 میں مقابلوں کا سلسلہ جاری ہے، آج بنگلہ دیش اور بھارت کے درمیان ٹاکرا ہوگا۔

    تفصیلات کے مطابق آئی سی سی ورلڈکپ کے 40 ویں میچ میں آج بنگلہ دیش اور بھارت کی ٹیمیں آمنے سامنے ہوں گی، میچ پاکستانی وقت کے مطابق دوپہرڈھائی بجے شروع ہوگا۔

    بھارتی ٹیم میگا ایونٹ میں اب تک سات میچز کھیل چکی ہے جن میں سے وہ پانچ میچز جیت کر 11 پوائنٹس کے ساتھ پوائنٹس اسکورننگ ٹیبل پر دوسرے نمبر پر ہے۔

    بنگلہ دیش کی ٹیم کو سیمی فائنل کی دوڑ میں شامل ہونے کے لیے اپنے دونوں میچز جیتنا ضروری ہیں۔ میگا ایونٹ میں بنگلہ دیش کی ٹیم نے سات میچز کھیلے ہیں اور سات پوائنٹس کے ساتھ ٹیبل پر چھٹے نمبر پر ہے۔

    واضح رہے کہ آئی سی سی ورلڈکپ کے لیے 10 ٹیمیں ایونٹ میں حصہ لے رہی ہیں جنہیں 2 گروپس میں تقسیم کرنے کے بجائے تمام ٹیمیں ایک دوسرے کے خلاف میچ کھیلیں گی۔

    ایونٹ میں دفاعی چیمپیئن آسٹریلیا، بھارت، پاکستان، انگلینڈ، نیوزی لینڈ، جنوبی افریقہ، ویسٹ انڈیز، بنگلہ دیش، سری لنکا اور افغانستان شامل ہیں۔

    آئی سی سی ورلڈکپ کے ایونٹ میں 48 میچز کھیلے جائیں گے، فائنل اور سیمی فائنل سے قبل تمام ٹیمیں 9،9 میچز کھیلیں گی جن میں سے 4 ٹیمیں سیمی فائنل میں جگہ بنائیں گی، 14 جولائی کو فائنل کھیلا جائے گا۔

  • بنگلہ دیش کا مشہور زمانہ کھویا

    بنگلہ دیش کا مشہور زمانہ کھویا

    ڈھاکہ: بنگلہ دیش کے مختلف علاقوں میں تیار کیا جانے والا کھویا، جسے کرڈ آف بوگرا کہا جاتا ہے، بنگلہ دیش کی مشہور ترین ڈشز میں سے ایک ہے۔

    یہ کھویا ملک بھر میں تیار کیا جاتا ہے تاہم بنگالی شہر بوگرا میں تیار کیا گیا کھویا نہایت لذیذ ہوتا ہے اور ملک بھر میں اس کی بے تحاشہ مانگ ہے۔

    اس ڈش کو اب جدید طریقوں سے تیار کیا جاتا ہے، تاہم اسے تیار کرنے کا روایتی طریقہ اب بھی کئی مقامات پر رائج ہے۔ بنگالی ضلع شیرپور میں بھی اس ڈش کو صدیوں پرانے روایتی طریقے سے تیار کیا جاتا ہے۔

    اس کے لیے ایک بڑے تنور کے گرد دودھ کے پیالے رکھے جاتے ہیں اور اس کے اوپر بانس سے بنی بڑی سی چھتری ڈھانپ دی جاتی ہے۔ اس چھتری کے اندر 12 گھنٹے تک ایک مخصوص حرارت میں رہنے کے بعد لذیذ کھویا تیار ہوجاتا ہے۔

    اس لذیذ ڈش کی فروخت کا آغاز ہندوستان سے ہجرت کرنے والے ایک شخص گرو گوپال چندرا گوش نے کیا تھا جو بوگرا میں آبسا تھا۔ وہ اس سے قبل ہندوستان میں بھی یہی کاروبار کرتا تھا۔

    یہاں بھی اس کا بنایا گیا کھویا جلد مقبول ہوگیا جس کے بعد اس نے بڑے پیمانے پر اس کی فروخت کا سوچا۔ اسی زمانے میں اس کی بنائی ہوئی ڈش کسی طرح اس وقت کے وزیر اعظم پاکستان تک پہنچی جنہیں اس کا ذائقہ بے حد پسند آیا۔

    وزیر اعظم پاکستان نے گرو گوپال کو اپنا کاروبار بڑھانے کے لیے ذاتی جیب سے ایک بڑی رقم دی جس سے گرو نے اپنی فیکٹری کا آغاز کیا۔ جلد ہی اس کی بنائی ہوئی ڈش ملک بھر میں بھیجی جانے لگی۔

    یہ کھویا مختلف ذائقوں میں بھی دستیاب ہے جو تمام ہی ملک بھر میں بڑے پیمانے پر فروخت ہوتے ہیں۔

  • کرکٹ ورلڈکپ 2019: بنگلہ دیش اورافغانستان آج مدمقابل ہوں گے

    کرکٹ ورلڈکپ 2019: بنگلہ دیش اورافغانستان آج مدمقابل ہوں گے

    لندن: آئی سی سی ورلڈکپ 2019 میں مقابلوں کا سلسلہ جاری ہے، آج بنگلہ دیش اور افغانستان کے درمیان ٹاکرا ہوگا۔

    تفصیلات کے مطابق آج بنگلہ دیش اور افغانستان کی ٹیمیں آمنے سامنے ہوں گی، میچ پاکستانی وقت کے مطابق دوپہرڈھائی بجے شروع ہوگا۔

    بنگلہ دیش کی ٹیم کو سیمی فائنل کی ریس میں شامل رہنے کے لیے افغانستان کے خلاف میچ جیتنا ہوگا، شکست کی صورت میں اس کے سیمی فائنل تک رسائی کے امکانات معدوم ہوجائیں گے۔

    دوسری جانب افغانستان کی ٹیم پہلے ہی 6 میچز میں شکست کے بعد ایونٹ سے باہر ہوچکی ہے۔ بنگلہ دیش اور افغانستان کا یہ ساتواں میچ ہے۔ پوائنٹ اسکورنگ ٹیبل پر اس وقت بنگلہ دیش چھٹے جبکہ افغانستان دسویں نمبر پر ہے۔

    واضح رہے کہ آئی سی سی ورلڈکپ کے لیے 10 ٹیمیں ایونٹ میں حصہ لے رہی ہیں جنہیں 2 گروپس میں تقسیم کرنے کے بجائے تمام ٹیمیں ایک دوسرے کے خلاف میچ کھیلیں گی۔

    ایونٹ میں دفاعی چیمپیئن آسٹریلیا، بھارت، پاکستان، انگلینڈ، نیوزی لینڈ، جنوبی افریقہ، ویسٹ انڈیز، بنگلہ دیش، سری لنکا اور افغانستان شامل ہیں۔

    آئی سی سی ورلڈکپ کے ایونٹ میں 48 میچز کھیلے جائیں گے، فائنل اور سیمی فائنل سے قبل تمام ٹیمیں 9،9 میچز کھیلیں گی جن میں سے 4 ٹیمیں سیمی فائنل میں جگہ بنائیں گی، 14 جولائی کو فائنل کھیلا جائے گا۔

  • ورلڈ کپ 2019: بنگلہ دیش اور سری لنکا کا میچ بھی بارش کی نذر

    ورلڈ کپ 2019: بنگلہ دیش اور سری لنکا کا میچ بھی بارش کی نذر

    برسٹل: ورلڈ کپ 2019 میں آج کھیلا جانے والا بنگلہ دیش اور سری لنکا کا میچ بھی بارش کی باعث منسوخ کردیا گیا۔

    تفصیلات کے مطابق برسٹل میں بادل پھر برس پڑے، بنگلہ دیش اور سری لنکا کا میچ بھی منسوخ ہوگیا، بارش کے باعث ٹاس بھی نہ ہوسکا، دونوں ٹیموں کو ایک، ایک پوائنٹ دے دیا گیا۔

    ورلڈ کپ 2019 سب سے زیادہ میچز منسوخ ہونے والا ورلڈ کپ بن گیا۔

    بارش سے متاثر ہونے والا یہ پہلا میچ نہیں، رواں برس ہونے والے ورلڈ کپ کو بارش شدید متاثر کر رہی ہے۔ یکے بعد دیگرے میچز بارش کی زد میں آرہے ہیں۔

    اس سے قبل پاکستان، سری لنکا اور جنوبی افریقہ، ویسٹ انڈیز کا میچ بھی بارش کے باعث منسوخ ہوچکا ہے جبکہ بارش کے باعث میچز میں تاخیر اور مختصر اوورز کا کھیل بھی معمول کی بات بن گیا ہے۔

    اندیشہ ظاہر کیا جا رہا ہے کہ آنے والے کئی میچز بارش سے متاثر ہوسکتے ہیں، جب کہ مزید میچز کی منسوخی کا بھی خدشہ ہے.

    سوشل میڈیا پر بارش کو آئی سی سی ورلڈکپ کی گیارہویں ٹیم قرار دیا جارہا ہے، شائقین کو تشویش ہے کہ کہیں یہی ٹیم ورلڈ ٹرافی اپنے نام نہ کر لے.

    بارش سے ٹیموں کو نقصان ہورہا ہے، ڈک ورتھ لوئس قانون سے کمزورٹیم بھی فائدہ اٹھا رہی ہے۔