ARYNews.tv | Urdu – Har Lamha Bakhabar

Tag: بنیادی ٹیرف

  • بجلی کے ماہانہ 100 سے 500 یونٹ تک استعمال کرنے والے صارفین کو بڑا ریلیف مل گیا

    بجلی کے ماہانہ 100 سے 500 یونٹ تک استعمال کرنے والے صارفین کو بڑا ریلیف مل گیا

    اسلام آباد : نیپرا نے بجلی کے ماہانہ 100 سے 500 یونٹ تک استعمال کرنے والے صارفین کو بنیادی ٹیرف میں بڑا ریلیف دے دیا۔

    تفصیلات کے مطابق نیپرا نے بنیادی ٹیرف میں 1.15 پیسے فی یونٹ تک کمی کی منظوری دے دی۔

    نیپرا نے بجلی کی بنیادی قیمت میں کمی کا فیصلہ جاری کیا اور اپنا فیصلہ نوٹیفکیشن کے لئے وفاقی حکومت کو بھجوا دیا ہے۔

    وفاقی حکومت کے نوٹیفکیشن کےبعد کمی کا اطلاق ہوجائے گا اور ملک بھر کے لیے بجلی سستی ہوجائے گی۔

    گھریلو صارفین کے لیے زیادہ سے زیادہ ٹیرف 47.69 روپے فی یونٹ ہوجائے گا تاہم ماہانہ 50 یونٹ تک کے گھریلو لائف لائن صارفین کا ٹیرف 3.95 روپے فی یونٹ کا ٹیرف برقرار رکھا گیا ہے۔

    مزید پڑھیں : 25 سال بعد بجلی بلوں سے پی ٹی وی لائسنس فیس ختم

    ماہانہ 51 سے 100 یونٹ تک لائف لائن صارفین کے لیے ٹیرف 7.74 روپے اور ایک سے 100 یونٹ تک پروٹیکٹڈ گھریلو صارفین کا ٹیرف 10.54 روپے فی یونٹ مقرر ہے۔

    101 سے 200 یونٹ تک پروٹیکٹڈ گھریلو صارفین کا ٹیرف 13.01 روپے جبکہ ایک سے 100 یونٹ تک نان پروٹیکٹڈ گھریلو صارفین کا ٹیرف 22.44 روپےفی یونٹ مقرر کیا گیا ہے۔

    اس کے علاوہ ماہانہ 101 سے 200 یونٹ تک کا ٹیرف 28.91 روپے ، ماہانہ 201 سے 300 یونٹ کا بنیادی ٹیرف 33.10 روپے، ماہانہ 301 سے 400 یونٹ کا ٹیرف 37.99 روپے فی یونٹ مقرر ہے۔

    ماہانہ 401 سے 500 یونٹ کا بنیادی ٹیرف 40.20 روپے ، ماہانہ 501 سے 600 یونٹ کا ٹیرف41.62 روپے، ماہانہ 601 سے 700 یونٹ کا ٹیرف 42.76 روپے اور ماہانہ 700 یونٹ سے زیادہ کا ٹیرف 47.69 روپے فی یونٹ ہوگا۔

  • ماہانہ 100 سے 400 یونٹ تک بجلی استعمال کرنے والے صارفین کے لیے اہم خبر

    ماہانہ 100 سے 400 یونٹ تک بجلی استعمال کرنے والے صارفین کے لیے اہم خبر

    اسلام آباد : 100 سے 400 یونٹ تک بجلی استعمال کرنے والے صارفین کے لیے بنیادی ٹیرف میں کمی کے حوالے سے اہم خبر آگئی۔

    تفصیلات کے مطابق بجلی کے بنیادی ٹیرف میں ایک روپے 15 پیسے کمی کی حکومتی درخواست پر نیپرا میں سماعت ہوئی۔

    پاورڈویژن حکام نے بتایا کہ آئندہ مالی سال میں بجلی کی کھپت کا تخمینہ 103 ارب یونٹس لگایا گیاہے، رواں مالی سال کیلئے بجلی کی کھپت کا تخمینہ ایک سوچھ ارب یونٹس تھا، ملک کے 54 فیصد صارفین لائف لائن کیٹیگری میں آتے ہیں۔

    ممبر نیپرا مقصود انور کا کہنا تھا کہ بہت جلدلائف لائن ختم ہوجائےگی، ایک یونٹ زیادہ استعمال سے صارفین اگلی کیٹیگری میں چلے جاتے ہیں، میرے پاس کیسز ہیں جس سے ثابت کرسکتاہوں کہ لائف لائن کم ہوجائیں گے۔

    ممبرنیپرارفیق نے کہا کہ لائف لائن کی ریڈنگز بڑھانے کی بہت سی شکایات موصول ہوئی ہیں، اس حوالے سے نیپرا اتھارٹی انکوائری کررہی ہے۔

    نیپرا اتھارٹی نے مالی سال 2025-26 کیلئے بجلی کے بنیادی ٹیرف میں 1 روپے 15 پیسے کمی کی درخواست پر سماعت مکمل کر لی، نیپرا حکومتی درخواست پر اعداد و شمار کا جائزہ لے کر فیصلہ جاری کرے گا۔

    مزید پڑھیں : حکومت کا بجلی ٹیرف اور سبسڈی سے متعلق اہم فیصلہ

    گھریلو صارفین کیلئے بجلی کے بنیادی ٹیرف میں ایک روپے 15 پیسے تک کمی متوقع ہے جبکہ صارفین کیلئے زیادہ سے زیادہ ٹیرف 48.84 سے کم ہوکر 47.69 روپے رہے گا۔

    پاور ڈویژن کی جانب سے آئندہ مالی سال کے لیے بنیادی ٹیرف میں کمی کی تجاویز تیار کی ہے، 50 یونٹ لائف لائن صارفین کیلئے 3.95 روپے فی یونٹ ، 51 سے 100 یونٹ والے صارفین کیلئے ٹیرف 7.74 فی یونٹ برقراررکھنے کی درخواست کی ہے۔

    پاور ڈویژن کے مطابق 100 یونٹ تک کا ٹیرف 1.15 روپے کمی سے 10.54 کرنے ، 101 سے 200 یونٹ تک ٹیرف 13.01 روپے فی یونٹ کرنے کی درخواست کی گئی ہے۔

    تجاویز میں بتایا گیا کہ 100 یونٹ تک نان پروٹیکٹڈ صارفین کا ٹیرف 22.44 روپے ، 101 سے 200 یونٹ تک کاٹیرف 1.16 روپےکمی سے 28.91 کرنے، 201 سے 300 یونٹ کا ٹیرف 1.16 روپے کمی سے 33.10 کرنے کی درخواست کی ہے۔

    301 سے 400 یونٹ کا ٹیرف 1.16 روپے کمی سے 37.99 روپے ، 401 سے 500 یونٹ کا ٹیرف 1.14 روپے کمی سے 40.22 روپے ، 501 سے 600 یونٹ کا ٹیرف 1.16 روپے کمی سے 41.62 روپے ، 601 سے 700 یونٹ کا ٹیرف 1.16 روپے کمی سے 42.76 روپے اور 700 یونٹ سے زیادہ کا ٹیرف 1.15 روپے کمی سے 47.69 کرنے کی درخواست دی گئی ہے۔

  • گزشتہ 2 سال میں بجلی کی قیمتوں میں اضافے کے سارے ریکارڈ ٹوٹ گئے

    گزشتہ 2 سال میں بجلی کی قیمتوں میں اضافے کے سارے ریکارڈ ٹوٹ گئے

    اسلام آباد: گزشتہ 2 سال میں بجلی کی قیمتوں میں فی یونٹ 22.53 روپے تک کا تاریخی اضافہ ہوا، بجلی صارفین پر 2 سال میں 2 ہزار ارب روپے سےزائد کااضافی بوجھ ڈالا گیا۔

    تفصیلات کے مطابق گزشتہ 2سال میں بجلی کی قیمتوں میں اضافے کے سارے ریکارڈ ٹوٹ گئے، اس دوران بجلی کےبنیادی ٹیرف میں فی یونٹ22.53روپےتک کا تاریخی اضافہ ہوا۔

    ذرائع نے بتایا کہ بجلی صارفین پرفی یونٹ 3.23 روپے کا مستقل سرچارج الگ سے عائد کیا گیا، مستقل سرچارج ملا کر 2 سال میں فی یونٹ ٹیرف اضافہ25.76روپے بنتا ہے۔

    ذرائع کا کہنا تھا کہ بجلی صارفین پر2سال میں2 ہزار ارب روپے سےزائد کااضافی بوجھ ڈال دیاگیا، جولائی تا اکتوبر 2022 بجلی کےفی یونٹ بنیادی ٹیرف میں7.91روپےتک اضافہ ہواتھا، جولائی 2023 میں بجلی کے فی یونٹ بنیادی ٹیرف میں7.50روپے تک اضافہ کیا گیا تھا۔

    ذرائع کے مطابق جولائی2023میں فی یونٹ 3.23 روپےکا مستقل سرچارج بھی عائد کیا گیا تھا، جولائی 2024 میں بنیادی ٹیرف کی مد میں فی یونٹ بجلی7.12 روپے تک مہنگی کی گئی۔

    ذرائع نے مزید بتایا کہ موجودہ دورحکومت میں پہلی بار گھریلوصارفین پر1ہزار روپے تک فکسڈچارجزلگادیئے گئے ، وفاقی کابینہ کی منظوری سےبجلی کےبنیادی ٹیرف میں اضافہ،سرچارج عائد کیا گیا اور صارفین نےسہ ماہی اورماہانہ ایڈجسٹمنٹس میں اضافے کا بوجھ الگ برداشت کیا۔

  • گھریلو صارفین کو بجلی کا فی یونٹ 48 روپے 84 پیسے میں ملے گا

    گھریلو صارفین کو بجلی کا فی یونٹ 48 روپے 84 پیسے میں ملے گا

    اسلام آباد : وفاقی حکومت نے کراچی سمیت ملک بھر کے صارفین کے لیے بجلی کے نئے نرخ مقررکردیے، جس کے تحت صارفین کو بجلی کا فی یونٹ بنیادی ٹیرف 48 روپے 84 پیسے میں ملے گا۔

    تفصیلات کے مطابق گھریلوصارفین کے لیے بجلی کے بنیادی ٹیرف میں سات روپے بارہ پیسے تک اضافے کا نوٹی فکیشن جاری کردیا، جس میں ماہانہ دو سو یونٹ تک والے صارفین تین ماہ کیلئے اضافے سے مستثنٰی قرار دیا گیا۔

    وفاقی حکومت نے کراچی سمیت ملک بھرکے صارفین کے لیے بجلی کے نئےنرخ مقررکردیے، اب گھریلوصارفین کو بجلی کا فی یونٹ ٹیرف کے مطابق 48 روپے 84 میں ملے گا۔

    نوٹی فکیشن نے بتایا کہ ماہانہ 201 سے 300 تک یونٹ کے صارفین کا ٹیرف سات روپے بارہ پیسےاضافے سے 34 روپے 26 روپے کا ہوگیا جبکہ 300 سے 400 یونٹ تک کے صارفین کوفی یونٹ بجلی 39 روپے پندرہ پیسے میں فروخت کیا جائے گا۔

    اسی طرح400 سے 500 یونٹ کےصارفین کوفی یونٹ اکتالیس روپے چھتیس پیسے اور 500 سے 600 یونٹ والے صارفین کو 42 روپے 78 پیسےفی یونٹ بجلی دی جائےگی۔

    نوٹی فکیشن کے مطابق ماہانہ پچاس یونٹ تک لائف لائن صارفین کےلیےفی یونٹ تین روپے پچانوے روپےکا نرخ برقراررکھا گیا ہے جبکہ اکیاون سے سو یونٹ تک لائف لائن صارفین کےلیےفی یونٹ 7روپے 74 پیسے ہے۔

  • بنیادی ٹیرف : بجلی کے ماہانہ 100 سے 500 یونٹ تک استعمال کرنے والے صارفین کے لئے بڑی خبر

    بنیادی ٹیرف : بجلی کے ماہانہ 100 سے 500 یونٹ تک استعمال کرنے والے صارفین کے لئے بڑی خبر

    اسلام آباد : بجلی کے 100 سے 500 یونٹ تک استعمال کرنے والے گھریلو صارفین  کے لئے بنیادی ٹیرف مقرر کردیا گیا۔

    تفصیلات کے مطابق گھریلو صارفین کیلئے بجلی کا فی یونٹ بنیادی ٹیرف 48 روپے 84 پیسے تک مقرر کردیا گیا، سیلز ٹیکس کے بعد فی یونٹ بنیادی ٹیرف57روپے 63 پیسےتک بڑھ جائے گا۔

    ایڈجسٹمنٹس اور ٹیکسز ملا کر فی یونٹ بجلی کا زیادہ سے زیادہ ٹیرف 65 روپے سے تجاوز کر جائے گا۔

    وفاقی کابینہ نے بجلی کے فی یونٹ ٹیرف میں 7 روپے 12 پیسے تک اضافہ منظور کیا ہے، جس کے تحت نان پروٹیکٹڈ گھریلو صارفین کا ماہانہ ایک سے 100 یونٹ تک کا ٹیرف 23.59 روپے ہوجائے گا۔

    ماہانہ101 سے 200 یونٹ تک کا ٹیرف7.12روپے اضافے سے30.07 روپے ، ماہانہ201 سے300 یونٹ تک کا ٹیرف 7.12 روپے اضافے سے 34.26 روپے اور ماہانہ301 سے 400 یونٹ کا ٹیرف7.02 روپے اضافے سے 39.15 روپے ہوجائے گا۔

    ماہانہ401 سے500 یونٹ کا ٹیرف 6.12روپے اضافے سے41.36روپے ، ماہانہ501 سے600 یونٹ کا ٹیرف6.12روپے اضافے سے 42.78 روپے، ماہانہ601 سے 700 یونٹ کا ٹیرف 6.12روپے اضافے سے43.92روپے اور ماہانہ700 یونٹ سے زیادہ کا
    ٹیرف6.12 روپےاضافے سے 48.84 روپے ہوجائے گا۔

    اس کے علاوہ ماہانہ 50 یونٹ تک لائف لائن صارفین کے لیے فی یونٹ 3.95 روپے اور ماہانہ51 سے 100 یونٹ تک لائف لائن صارفین کیلئے فی یونٹ 7.74 روپے برقرار رہے گا۔

    ایک سے100 یونٹ تک پروٹیکٹڈ صارفین کاٹیرف 3.95 روپے اضافے سے 11.69 روپے ہو جائے گا اور ماہانہ 101 سے 200 یونٹ تک پروٹیکٹڈ صارفین کا ٹیرف 4.10 روپے اضافے سے 14.16 روپے ہوجائے۔