Tag: بنی گالہ

اسلام آباد : پاکستان تحریک انصاف کے چیئرمین عمران خان کا کہنا ہے کہ اتوار کو اعلان کروں گا کہ کس دن رائے ونڈ جارہے ہیں۔

تفصیلات کے مطابق پاکستان تحریک انصاف کے سربراہ عمران خان کا اسلام آباد میں اپنی رہائش گاہ بنی گالہ کے باہر میڈیا سے گفتگو کرتے ہوئے کہا کہ تحریک انصاف کے تمام نمائندوں کو اتوار کو بلایا ہے اور اس ہی دن اعلان کروں گا کہ کس دن رائے وند جانا ہے۔

عمران خان کا کہنا تھا کہ رائے ونڈ جانے کے حوالے سے دوسری سیاسی جماعتوں سے بات چیت کررہے ہیں تاہم شیخ رشید ان کی پارٹی کے ساتھ ہیں۔

انہوں نے کہا کہ ساری جماعتیں کہہ رہی ہیں کہ پاناما کی تحقیقات ہونی چاہییں.پاناما سے متعلق تفتیش تو ہوچکی اب یہاں اداروں کو کام کرنےکی ضرورت ہے۔

وزیراعظم نوازشریف کے دورہ امریکہ پرعمران خان کا کہنا تھا کہ نوازشریف کا دورہ امریکہ زیرو پلس زیرو ہے۔

مزید پڑھیں: نواز شریف نہیں عمران خان کے لیے دعاگو ہوں، خورشید شاہ

یاد رہےکہ اس سے قبل گزشتہ روز قومی اسمبلی کے قائد حزب اختلاف خورشید شاہ نے کہا تھا کہ تین برس میں نواز شریف نے عوام کے لیے کچھ نہیں کیا،عوام زندہ ہوں گے تو ہی ٹرین میں بیٹھیں گے،میں عمران خان کی کامیابی کے لیے دعاگو ہوں۔

مزید پڑھیں: عمران خان کا عید پر خصوصی انٹرویو‘ انور مقصود کے ساتھ

واضح رہے کہ تحریک انصاف کے سربراہ عمران خان کا اے آروائی نیوز کے عید اسپیشل شو میں کہنا تھا کہ عوام میں شعور بڑھتا جارہا ہےرائےونڈ انصاف مانگنے جارہے ہیں۔

اسلام آباد پاکستان تحریک انصاف کےسربراہ عمران خان کا کہنا ہے کہ وزیراعظم نوازشریف کرپشن چھپانے کے لیے سارے ادارے تباہ کررہے ہیں.

تفصیلات کےمطابق اسلام آباد میں تحریک انصاف کے چیئرمین عمران خان کا بنی گالہ پر میڈیا سے گفتگو کرتے ہوئے کہنا تھا کہ پارلیمنٹ میں بڑے بڑے ڈاکو بیٹھے ہوئے ہیں کوئی بھی طاقتور شخص جیل میں نہیں ہے.

عمران خان کا کہنا تھا کہ وزیراعظم نوازشریف نے سچ چھپانے کےلیے پارلمینٹ میں آکرجھوٹ بولا،آرٹیکل 90 کے مطابق وزیراعظم پارلیمنٹ کو جوابدہ ہیں.

تحریک انصاف کے سربراہ کا کہنا تھا کہ وزیراعظم کرپشن چھپانے کےلیے سارے ادارے تباہ کررہے ہیں.انہوں نے مزید کہا کہ 3ستمبر کو لاہور میں عوام کی طاقت نظر آئے گی.

*پی ٹی آئی نے سپریم کورٹ میں وزیراعظم کے خلاف پٹیشن دائرکردی

اس سے قبل آج تحریک انصاف کی جانب سے پانامالیکس پر سپریم کورٹ میں پٹیشن دائرکی گئی.جس میں وزیراعظم نوازشریف اور فیملی ممبران کودرخواست میں فریق بنایا گیا ہے.

پی ٹی آئی کی جانب سے دائر درخواست میں موقف اختیار کیا گیا ہےکہ پاناما لیکس کا معاملہ پوری قوم کے لیے باعث تشویش ہے،معاملے کی تحقیقات کےلیے سپریم کورٹ کی مداخلت ضروری ہے.

واضح رہے کہ اس سے قبل پاکستان تحریک انصاف ، پیپلزپارٹی اور پاکستان عوامی تحریک وزیر اعظم کےخلاف ریفرنس دائر کر چکی ہے. ریفرنس میں کہا گیا ہے کہ وزیراعظم آرٹیکل62 اور63 پر پورا نہیں اترتے اس لیے انہیں نا اہل قرار دیا جائے.

اسلام آباد: چیئرمین تحریک انصاف عمران خان نے کہا ہے کہ 7 اگست پاکستان میں ایک نئی تاریخ کا نکتہ آغاز ہوگا،خیبر سے کراچی تک عوام کو متحرک کریں گے .

تفصیلات کے مطابق بنی گالہ میں جاری اہم اجلاس کی صدارت کرتے ہوئے عمران خان کا کہنا تھا کہ پاکستان میں کرپٹ اوربدعنوان سیاسی ٹولہ جمہوریت کےلیے سب سے بڑا خطرہ ہے.

تحریک انصاف کا کہنا تھا کہ قوم کی امیدوں کا واحد مرکز صرف تحریک انصاف ہے،پاکستان تاریخ کے اہم ترین دوراہے پر کھڑا ہے اور ہمیں کرپٹ اشرافیہ یا مستحکم جمہوریت میں سے کسی ایک کا انتخاب کرنا ہوگا.

عمران خان کی زیرقیادت اجلاس میں جہانگیر ترین،شیری مزاری، اسدعمر،نعیم الحق،حامد خان،علیم خان سمیت پارٹی کے دیگر رہنما بھی شریک تھے.

پی ٹی آئی کا اجلاس ختم ہونے کےبعد تحریک انصاف کے ترجمان نعیم الحق کا میڈیا سے بات کرتے ہوئے کہنا تھا کہ ہم مقضبوضہ کشمیر میں کشمیریوں پر کیے جانے والے بھارتی مظالم کی شدید مذمت کرتےہیں،اور مطالبہ کرتے ہیں کہ حکومت پاکستان اور عالمی برداری اس پر سنجیدگی سے نوٹس لے.

انہوں نے کہا پارٹی کہ فی الحال پارٹی کے انتخابات مؤخر کردیے گئے،انہوں نے کہا کہ ہرہفتے مارچ میں تحریک انصاف کے سربراہ عمران خان کریں گے.

پی ٹی آئی کے ترجمان کا کہنا تھا کہ اجلاس میں نعیم بخاری کی جانب سے وزیراعظم نوازشریف کےخلاف تیار کردہ پٹیشن پر بھی مشاورت کی گئی.

انہوں نے مزید کہا کہ چھ اگست کو حکومت کی جانب سےٹی او آرز پر اجلاس بلایا گیا ہے اس دن ہی حکومت کی نیت کا اندازہ ہوجائے گا.

نعیم الحق کا مزید کہنا تھا کہ پاناما لیکس کے خلاف 7 اگست سے پشاور سے مارچ شروع کیا جائے گا مارچ کی قیادت پاکستان تحریک انصاف کے سربراہ عمران خان کریں گے.