Tag: بن قاسم

کراچی : چھوٹے بچے کے ہاتھوں مہلک نشہ آئس فروخت کرانے کی ویڈیو سوشل میڈیا پر وائرل ہوگئی، پولیس نے ملزم شکیل کو گرفتار کرلیا۔

تفصیلات کے مطابق کراچی کے علاقے بن قاسم میں چھوٹے بچے کے ہاتھوں مہلک نشہ آئس کی فروخت کی ویڈیو سوشل میڈیا پر وائرل ہونے کے بعد ڈی آئی جی ایسٹ غلام اظفر مہیسر نے سخت نوٹس لے لیا۔

ڈی آئی جی ایسٹ نے بتایا کہ معصوم بچے سے مہلک نشہ فروخت کرانے والا ملزم شکیل کو گرفتارکرلیا ۔۔علاقہ مکینوں کی جانب سے ملزم کے خلاف شکایت ملی تھی۔

غلام اظفر مہیسر نے کہا کہ شکایت میں کہا گیا تھا ملزم اپنی بیوی اور بچوں سے نشہ فروخت کرواتا ہے، علاقے کی خاتون نے چھوٹے بچے کو رنگے ہاتھوں پکڑا تھا۔

ان کا کہنا تھا کہ خاتون کے مطابق بچے کی ٹوپی سے آئس کی کئی پڑیاں برآمد ہوئی تھی۔

ڈی آئی جی ایسٹ نے مزید کہا کہ پولیس نے ملزم کی تلاش میں چھاپہ مارا اور گرفتار کر لیا اور گرفتار ملزم کے خلاف مقدمہ درج کر کے تفتیش کا آغاز کر دیا گیا ہے۔

کراچی: بن قاسم میں ایک بار پھر سرکاری پائپ لائن سے تیل چوری پکڑی گئی ہے۔

تفصیلات کے مطابق کراچی میں بن قاسم تھانہ کی حدود میں ایک بار بھر سرکاری پایپ لائن سے تیل کی چوری پکڑی گئی، ملزمان نے سرکاری ڈیزل کی لائن سے چوری ‏کیلئے کلپ لگایا ہوا تھا۔

واقعے کے انکشاف کے بعد پارکو ملازم کی مدعیت میں بن قاسم تھانے میں مقدمہ درج کر لیا گیا، ایف آئی آر میں عبدالوہاب، جاوید، حسن جتوئی نامی ملزمان  کو نامزد کیا گیا ہے۔

ایف آئی آر کے متن کے مطابق جاوید اور حسن نامی ملزمان  نے  گودام کرایے پر لیا، ملزمان نے گودام میں لائن سے ڈیزل چوری کیلئے کلپ لگایا ہوا تھا۔

پولیس حکام کا اس حوالے سے کہنا ہے کہ تاحال کسی ملزم کی گرفتاری عمل میں نہیں لائی جاسکی ہے۔

واضح رہے کہ گزشتہ سال بھی سرکاری لائن سے تیل چوری کے مقدمات  درج ہوئے تھے، سرکاری لائنوں سے تیل چوری میں ملوث گروہ کا سرغنہ  بھی اب تک گرفت میں نہیں آسکا۔