ARYNews.tv | Urdu – Har Lamha Bakhabar

Tag: بوتلوں میں پیٹرول کی فروخت

  • اوگرا نے پیٹرولیم مصنوعات کی قیمتوں میں کمی کی سفارش کردی

    اوگرا نے پیٹرولیم مصنوعات کی قیمتوں میں کمی کی سفارش کردی

    اسلام آباد: اوگرا نے پیٹرولیم مصنوعات کی قیمتوں میں فی لیٹرچودہ روپے سے آٹھ روپے اسی پیسے تک کمی کی سفارش کی ہے۔

    وزارت پٹرولیم کو ارسال کی گئی سمری میں اوگرا نے یکم فروری سے پٹرول دس روپے پچھتر پیسے فی لیٹر اورہائی اسپیڈ ڈیزل آٹھ روپے اسی پیسے فی لیٹر سستا کرنے کی سفارش کی ہے۔ جبکہ ہائی آکٹین چودہ روپے پچھاسی پیسے اور مٹی کا تیل بارہ روپے بانوے پیسے فی لیٹر سستاکرنے کی سفارش کی گئی ہے۔

     اس کے علاوہ لائٹ ڈیزل گیارہ روپے چوراسی پیسے فی لیٹر سستا کرنے کی سفارش کی گئی ہے، قیمتوں میں کمی کی وجہ بین الاقوامی مارکیٹ میں تیل کی گرتی ہوئی قیمتیں ہیں۔

    بین الاقوامی مارکیٹ میں برینٹ کی قیمت اڑتالیس ڈالرز سیتالیس سینٹس جبکہ سعودی لائٹ جس سے مقامی قیمتیں منسلک ہیں وہ اس وقت چوالیس ڈالرز پیتالیس سینٹس پر فروخت ہورہا ہے۔

  • بوتلوں میں پیٹرول کی فروخت سے بحران پیدا ہوا، اوگرا

    بوتلوں میں پیٹرول کی فروخت سے بحران پیدا ہوا، اوگرا

    اسلام آباد :  آئل اینڈ گیس ریگولیٹری اتھارٹی نے پیٹرول فروخت کرنے والی کمپنیوں کو سختی سے ہدایت کی ہے کہ  عام بوتلوں اور کین میں پیٹرول کی فروخت بند کردیں ۔

    اوگرا کا کہنا تھا کہ ڈرم اور بوتلوں میں پیٹرول کی فروخت سے ملک میں پیٹرول کا بحران پیدا ہوا۔

    آئل اینڈ گیس ریگولیٹری اتھارٹی  نے آئل مارکیٹنگ کمپنیوں کو خط لکھا ہے جس میں پٹرول کی کھلی فروخت پر پابندی لگانے کی ہدایت کی گئی ہے۔

     خط میں آئل مارکیٹنگ کمپنیوں سے  کہا گیا ہے کہ اس بات کو یقینی بنایا جائے کہ پیٹرول پمپس پر بوتلوں اور کین میں اسے فراہم نہ کیا جائے۔

     اوگرا کی جانب سے لکھے گئے خط میں مزید کہا گیا ہے کہ پٹرول کی کھلی فروخت کے باعث اس کی بلیک مارکیٹنگ ہورہی ہے اس لیے ڈھابوں اورجنریٹریز کے لیے بھی پٹرول کی فروخت بند کی جائے۔