کوئٹہ: بولان کے قریب پہاڑ سے 6 لاشیں برآمد ہوئیں تاہم لاشوں کی شناخت کا عمل جاری ہے۔
بلوچستان کے ضلع کوئٹہ سے متصل ضلع کچھی میں قومی شاہراہ کے قریب سے پولیس نے چھ افراد کی نعشیں برآمد کرلی ہیں، چار افراد کو گولیاں مار کر قتل کیا گیا ہے۔
ایس ایس پی کچھی دوست محمد بگٹی نے اے آروائی نیوز کو بتایا کہ کچھی کے علاقے کولپور میں رات کو جو ریلوے پل دھماکے سے اڑایا گیا تھا، اس کے ملبے تلے 2 افراد کی لاشیں ملی ہیں۔
دوست محمد بگٹی کا کہنا تھا کہ پل سے چند گز کے فاصلے پر قومی شاہراہ کے قریب ہی چار مزید لاشیں بھی برآمد ہوئیں جنہیں گولیاں مارکر قتل کیا گیا ہے۔
پولیس نے تمام لاشوں کو ڈھاڈر اسپتال منتقل کردیا تاہم ان کی شناخت تاحال نہیں ہوسکی۔
بولان سےملنے والی 6میں سے 4افرادکی لاشیں سول اسپتال منتقل کی گئی ہے ، جہاں شناخت کاعمل جاری ہے۔
خیال رہے بلوچستان کے مختلف علاقوں راڑہ شم،قلات اور بالاناڑی میں مختلف واقعات 31افرادجاں بحق اور 7زخمی ہوگئے ہیں۔
موسیٰ خیل کےعلاقےراڑہ شم میں قومی شاہراہ پر23افرادکوگاڑیوں سےاتارکرماراگیا جبکہ راڑہ شم اور کنگری کے درمیان قومی شاہراہ پر درجن بھر سےزائدگاڑیاں جلادی گئیں۔
قلات کے علاقے مہلبی میں پولیس اورلیویز اہلکاروں سمیت 8افراد جاں بحق ہوئے جبکہ فائرنگ سے اسسٹنٹ کمشنرقلات سمیت 5افرادزخمی بھی ہوئے۔
