Tag: بولنگ

پاکستان کی ون ڈے کرکٹ ٹیم کے کپتان محمد رضوان نے اب بولنگ کی ذمہ داریاں سنبھال لیں جس کی ویڈیو بھی وائرل ہوگئی۔

پاکستان کی ون ڈے کرکٹ ٹیم نیوزی لینڈ کے خلاف تین ایک روزہ میچوں کی سیریز کی تیاریوں میں مصروف ہے۔ ان ہی تیاریوں کے دوران کپتان محمد رضوان کی بولنگ کرانے ویڈیو تیزی سے وائرل ہو رہی ہے۔

محمد رضوان جو چیمپئنز ٹرافی میں بدترین کارکردگی کے بعد نہ صرف کڑی تنقید کی زد میں ہیں بلکہ وہ ٹی 20 ٹیم کی قیادت سے بھی ہاتھ دھو بیٹھے۔

تاہم وہ بدستور ایک روزہ میچوں میں قومی ٹیم کی قیادت کریں گے اور گرین شرٹس ان دنوں نیشنل اکیڈمی میں رواں ماہ نیوزی لینڈ کے خلاف کھیلی جانے والی تین ایک روزہ میچوں کی سیریز کی تیاری میں مصروف ہے۔

نیٹ پریکٹس کی ویڈیو تیزی سے سوشل میڈیا پر وائرل ہو رہی ہے۔ اس ویڈیو میں کپتان اور وکٹ کیپر بیٹر محمد رضوان کو بولنگ کراتے ہوئے دیکھا جا سکتا ہے۔

رضوان نے نیٹ میں بولنگ کا شاندار مظاہرہ کرتے ہوئے ایک کھلاڑی کو آؤٹ بھی کیا۔

اس ویڈیو پر سوشل میڈیا پر صارفین بھی دلچسپ تبصرے کر رہے ہیں کچھ صارفین کا کہنا ہے کہ بولرز کی ناقص کارکردگی سے مایوس ہو کر رضوان نے خود بولنگ کرنے کا ارادہ کر لیا ہے۔

واضح رہے کہ پاکستان کی حالیہ شکستوں میں جہاں پاکستان کی فلاپ بیٹنگ کا عمل دخل ہے وہیں بولرز کی ناقص کارکردگی بھی اس کی ذمہ دار ہے۔ قومی بولرز آج کل حریف ٹیموں کی وکٹیں لینے کے بجائے انہیں خوب رنز دے رہے ہیں۔

https://urdu.arynews.tv/babar-azam-and-shaheen-shah-afridi-further-drop-in-icc-rankings/

بھارتی کپتان روہت شرما بنگلہ دیش کے خلاف مقابلے سے قبل نیٹ میں آف اسپن بولنگ کرتے ہوئے نظر آئے جس کی ویڈیو وائرل ہوگئی۔

 بی سی سی آئی کی جانب سے بھارتی کپتان روہت شرما کی نیٹ میں بولنگ کی پریکٹس کی ویڈیو شیئر کی ہے، جس میں انہیں رویندرا جڈیجا کو بولنگ کرتے ہوئے دیکھا گیا۔

یاد رہے کہ بھارتی کپتان روہت شرما اپنے کیرئیر کے آغاز میں باقاعدگی سے بولنگ کرتے تھے، انہوں نے ون ڈے فارمیٹ میں 8 اور ٹی ٹوئنٹی میں 1 وکٹ لی ہے۔

 

View this post on Instagram

 

A post shared by Team India (@indiancricketteam)

ساتھ ہی بھارتی کپتان نے کئی انٹرویوز میں دعویٰ کیا ہے کہ انہوں نے کرکٹ کا سفر ایک اسپنر کے طور پر شروع کیا تھا۔

اگرچہ ایسا لگتا ہے کہ روہت کل بنگلہ دیش کے خلاف بولنگ کریں گے، لیکن حقیقت یہ ہے کہ وہ نیٹ میں صرف پریکٹس کر رہے ہیں۔

تاہم اس ایکشن سے سوریہ کمار یادو کی ٹیم میں واپسی کے امکان بھی ہے، کیوں کہ اگر روہت شرما اپنے آف اسپن پر بھروسہ کرسکتے ہیں تو اس صورت میں ہاردک پانڈیا کی جگہ سوریا کو ٹیم میں لیا جاسکتا ہے۔