Tag: بونداباندی

کراچی: محکمہ موسمیات کا کہنا ہے کہ آج کراچی میں زیادہ سے زیادہ درجہ حرارت 32 سے 34 ڈگری تک جانے کا امکان ہے۔

تفصیلات کے مطابق کراچی میں آج موسم جزوی ابرآلود رہنے کا امکان ہے، شہر کا زیادہ سے زیادہ درجہ حرارت 32 سے 34 ڈگری کے درمیان رہنے کا امکان ہے۔

محکمہ موسمیات کے مطابق کراچی میں صبح درجہ حرارت 28 ڈگری سینٹی گریڈ ریکارڈ کیا گیا، ہوا میں نمی کا تناسب 78 فیصد ریکارڈ کیا گیا جبکہ جنوب مشرق سے ہوا 17 ناٹیکل مائل کی رفتارسے چل رہی ہے۔

محکمہ موسمیات کا کہنا ہے کہ ملک کے بیشترعلاقوں میں موسم گرم اور مرطور رہے گا، تاہم ہزارہ راولپنڈی، گوجرانوالہ ڈویژن، اسلام آباد اور کشمیر میں چند مقامات پر تیزاؤں، آندھی اور گرج چمک کے ساتھ بارش کا امکان ہے۔

یاد رہے کہ تین روز قبل چیف میٹرولوجسٹ کا کہنا تھا کہ 10 اگست تک کراچی میں بارش کا کوئی امکان نہیں ہے، خلیج بنگال میں بننے والے سسٹم کو مستقل مانیٹر کررہے ہیں۔

سردار سرفراز کا کہنا تھا کہ خلیج بنگال میں ہوا کے دباؤ کا سسٹم بن رہا ہے، سسٹم کے تحت بالائی سندھ میں تیز بارشوں کا امکان ہے۔

کراچی: شہر کے قائد کے مختلف علاقوں میں صبح سویرے ہونے والی بونداباندی کے باعث موسم خوشگوار ہوگیا۔

تفصیلات کے مطابق کراچی میں بادلوں نے ڈیرے جما لیے، صبح سویرے شہر کے مختلف علاقوں میں بوندا باندی ہوئی جس کے باعث موسم سہانا ہوگیا۔

کراچی کے علاقے صدر، نارتھ کراچی، نیو کراچی، ملیر، کورنگی، شارع فیصل سمیت مختلف علاقوں میں بوندا باندی سے موسم خوشگوار ہوگیا۔

دوسری جانب محکمہ موسمیات کا کہنا ہے کہ آج کراچی میں دن بھر موسم ابرآلود رہے گا، شہر کا کم سے کم درجہ حرارت 31 سینٹی گریڈ ریکارڈ کیا گیا۔

محکمہ موسمیات کے مطابق وفاقی دارالحکومت اسلام آباد، لاہور، راولپنڈی، گوجرانوالہ، سرگودھا سمیت پنجاب کے مختلف شہروں میں بارش کا امکان ہے، مالاکنڈ، ہزارہ، پشاور، کوہاٹ، کشمیر اور گلگت بلتستان میں بھی بادل برسنے کی پیش گوئی ہے۔

محکمہ موسمیات کا کہنا ہے کہ گزشتہ 24 گھنٹوں کے دوران مالاکنڈ، ہزارہ، پشاور، راولپنڈی، گوجرانوالہ، سرگودھا، فیصل آباد، اسلام آباد اور کشمیر میں کہیں کہیں جبکہ لاہور اور ڈی جی خان میں چند مقامات پر تیز آندھی اور گرج چمک کے ساتھ بارش ہوئی۔

کراچی: محکمہ موسمیات کا کہنا ہے کہ آج کراچی میں زیادہ سے زیادہ درجہ حرارت 36 ڈگری تک جانے کا امکان ہے۔

تفصیلات کے مطابق کراچی میں آج موسم جزوی ابرآلود اور بوندا باندی کا امکان ہے، شہر کا زیادہ سے زیادہ درجہ حرارت 34 ڈگری تک جانے کا امکان ہے۔

محکمہ موسمیات کے مطابق کراچی میں صبح درجہ حرارت31 ڈگری سینٹی گریڈ ریکارڈ کیا گیا، ہوا میں نمی کا تناسب 64 فیصد ریکارڈ کیا گیا۔

محکمہ موسمیات کا کہنا ہے کہ جنوب مشرق سے ہوا5 ناٹیکل مائل کی رفتارسے چل رہی ہے۔

دوسری جانب کراچی کے مختلف علاقوں شارع فیصل، کارساز اور بلوچ کالونی میں بوندا باندی سے موسم خوشگوار ہوگیا ہے۔

یاد رہے کہ محکمہ موسمیات کے مطابق گزشتہ روز کراچی میں زیادہ سے زیادہ درجہ حرارت 36 ڈگری ریکارڈ کیا گیا تھا، ہوا میں نمی کا تناسب 82 فیصد رہا جبکہ جنوب مغربی علاقوں سے ہلکی ہوائیں چلتی رہیں۔