Tag: بوٹ بیسن

کراچی: شہر قائد کےعلاقے بوٹ بیسن میں لفٹ گرنے سے جاں بحق ہونے والے مزدوروں کا مقدمہ درج کرلیا گیا۔

تفصیلات کے مطابق کراچی کے علاقے بوٹ بیسن میں گزشتہ روز زیر تعمیرعمارت میں لفٹ گرنے سے 5 افراد جاں بحق ہوگئے تھے، واقعے کا مقدمہ بوٹ بیسن تھانے میں سب انسپکٹر ریاض کی مدعیت میں درج کرلیا گیا۔

واقعے کے مقدمے میں قتل بالسبب کی دفعہ شامل کی گئی ہے،عمارت کے مالک محمد امین، اور پارٹنرکو بھی نامزد کیا گیا ہے۔

سب انسپکٹرریاض کی مدعیت میں درج ہونے والے مقدمے میں عمارت کے ٹھیکیدارموسیٰ اقبال اورعرفان الرحمان بھی نامزد کیا گیا ہے۔

مقدمے میں ملزمان کی جانب سے زخمیوں کےعلاج سے انکار بھی شامل ہے۔

کراچی میں زیرتعمیرعمارت کی لفٹ گرگئی،5 افراد جاں بحق

یاد رہے کہ گزشتہ روز کراچی کے علاقے بوٹ بیسن میں زیرتعمیرعمارت میں تعمیراتی لفٹ گرنے سے 5 افراد جان کی بازی ہار گئے تھے۔

ایس ایس پی ساؤتھ کے مطابق واقعہ تعمیراتی لفٹ ٹوٹنے کے باعث پیش آیا، مزدور زیرتعمیرعمارت میں شیشہ لگانے میں مصروف تھے۔

کراچی : شہرقائد میں بوٹ بیسن کے قریب ریسٹورنٹ میں لگنےوالی آگ پرقابوپا لیا گیا جبکہ کولنگ کا عمل جاری ہے۔

تفصیلات کے مطابق کراچی میں بوٹ بیسن کے قریب آج صبح کثیرالمنزلہ عمارت کے گراؤنڈ فلور پرواقع ریسٹورنٹ میں آگ گئی جس نے دیکھتے ہی دیکھتے ریسٹورنٹ سمیت عمارت کی تین منزلوں کو اپنی لپیٹ میں لے لیا۔

فائربریگید کی 7 گاڑیوں اورایک اسنارکل نے آگ بجھانے کے عمل میں حصہ لیا جبکہ آگ لگنےسے ریسٹورنٹ میں موجود فرنیچراوردیگرسامان جل گیا۔

پولیس کے مطابق شارٹ سرکٹ کے باعث لگنے والی آگ سے متاثرہ عمارت میں زورداردھماکہ بھی سنا گیا، دھماکہ ممکنہ طورپر کسی سلینڈر کے پھٹنے کے باعث ہوسکتا ہے تاہم حتمی طورپرابھی کچھ بھی نہیں کہا جاسکتا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

کراچی کے علاقے میں بوٹ بیسن میں مالک کے تشدد سے بچنے کے لئے 10سالہ گھریلو ملازم نے چھلانگ لگا دی، گورنر سندھ نے واقعے کا نوٹس لے لیا۔

کراچی کے علاقے بوٹ بیسن میں دس سالہ بچے نے مالک کے تشدد اور مار سے بچنے کے لئے کھڑکی سے چھلانگ لگادی، پولیس حکام کے مطابق بچے پر چوری کا الزام تھا، جس پر ڈاکٹر منیر نے اس کو کمرے میں بند کردیا تھا۔

جس کمرے میں بچے کو مالک ڈاکٹر مینر نے بند کیا تھا اس کی کھڑکی کھلی ہوئی تھی، بچہ مار کے ڈر سے خوف زدہ تھا، اس نے کھڑکی سے چھلانگ لگادی اور گر کر زخمی ہوگیا۔

گرنے کے باعث بچے کے سر پر چوٹ آئی اوراس کو اسپتال منتقل کردیا گیا جبکہ پولیس نے بچے پر تشدد کے الزام میں ڈاکٹر منیر کو حراست میں لے لیا ہے۔