ARYNews.tv | Urdu – Har Lamha Bakhabar

Tag: بوہری برادری

  • پاکستان میں بوہری برادری آج عید الاضحیٰ منا رہی ہے

    پاکستان میں بوہری برادری آج عید الاضحیٰ منا رہی ہے

    کراچی: دنیا بھر کی طرح پاکستان میں بوہری برادری آج عید الاضحیٰ منا رہی ہے۔

    تفصیلات کے مطابق بوہری برادری آج عیدالاضحی  مذہبی عقیدت و احترام کیساتھ منارہی ہے، صدر میں طاہری مسجد سمیت مختلف علاقوں کی مساجد میں عید الاضحیٰ  کی نمازادا کی گئی۔

    مسجد کے باہر پولیس اور رینجرز سیکیورٹی کے فرائض انجام دے رہی ہے، نماز کی ادائیگی کے بعد بوہری برادری کی جانب سے سنت ابراہیمی کی ادائیگی کا سلسلہ جاری ہے۔

    اس کے علاوہ سعودی عرب اور امارات سمیت خلیجی ممالک میں بھی آج عید منائی جارہی ہے جبکہ امریکا، برطانیہ، یورپ اور کینیڈا میں کچھ مقامات پر کل عید منائی جائے گی۔

    واضح رہے کہ ملک بھر میں کل عیدالاضحیٰ منائی جائے گی۔

  • پاکستان بھر میں بوہری برادری آج عیدالاضحیٰ منا رہی ہے

    پاکستان بھر میں بوہری برادری آج عیدالاضحیٰ منا رہی ہے

    کراچی : پاکستان بھر میں بوہری برادری آج عیدالاضحیٰ منا رہی ہے ، نمازعید کےبعد بوہری برادری سنت ابراہیمی کی ادائیگی میں مصروف ہیں۔

    تفصیلات کے مطابق کراچی میں بوہری برادری کی جانب سے آج عید الاضحی منائی جا رہی ہے، صدر کی طاہری مسجد میں بوہری برادری نے عید الاضحیٰ کی نماز عید ادا کی، جس میں پاکستان کی خوشحالی کے لئے دعائیں کی گئی۔

    نمازعید کے بعد بوہری برادری نے سنت ابراہیمی ادا کی اور ایک دوسرے کومبارک باد دی۔

    خیال رہے سعودی عرب اورمتحدہ عرب سمیت خلیجی ریاستوں، امریکا اور برطانیہ سمیت کئی ملکوں میں آج عیدالاضحیٰ روایتی عقیدت و احترام سے منائی جارہی ہے اور مسلمان سنت ابراہیمی ادا کررہے ہیں۔

    مکرمہ اور مدینہ منورہ میں نمازعید کے روح پرور جتماعات ہوئے ، جہاں لاکھوں افراد نےمسجد الحرام اورمسجد نبوی میں نمازعید ادا کی ، اور حضور خشوع و خضوع سے دعا اور استغفار کرتے ہوئے امتِ مسلمہ کے اتحاد، بھائی چارے اور امن کیلئے دعائیں کی گئیں۔

    ابوظبی کی شیخ زاید جامع مسجد میںبھی نمازعید کا بڑا اجتماع ہوا، شیخ محمد بن زاید آل نھیان نےہزاروں افراد کےساتھ عید الاضحی کی نمازاداکی جبکہ قطر، مصر،کویت و دیگر خلیجی ملکوں سمیت امریکا اوربرطانیہ میں بھی نمازعید ادا کی گئی۔

  • کراچی سمیت ملک بھر میں بوہری برادری آج عید الفطر منارہی ہے

    کراچی سمیت ملک بھر میں بوہری برادری آج عید الفطر منارہی ہے

    کراچی: کراچی سمیت ملک بھر میں داؤدی بوہرہ جماعت عیدالفطر مذہبی جوش وجذبے اور عقیدت و احترام کے ساتھ منا رہی ہے ، نماز عید الفطر کے اجتماعات میں ملک کی سلامتی کے لئے خصوصی دعائیں مانگیں۔

    تفصیلات کے مطابق داودی بوہری جماعت سے تعلق رکھنے والے آج عید الفطر منارہے ہیں، کراچی میں بوہری برادری کی نمازعید کا سب سے بڑا اجتماع صدر کی طاہری مسجد میں ہوا جبکہ پان منڈی اور حیدری کے علاقوں میں بھی بوہری کمیونٹی کی مساجد میں نمازعید کے اجتماعات ہوئے۔

    سیکیورٹی خدشات کے پیش نظر ہر سال کی طرح امسال بھی بوہرا برادری کے اپنے سیکیورٹی رضاکاروں نے فرائض انجام دیئے جبکہ پولیس اور رینجزر کے اضافی اہلکاروں کو تعینات کیا گیا تھا۔

    نماز عید کے موقع پر ملک کی سلامتی اور ترقی سمیت امن و امان کے لِئے خصوصی دعائیں مانگی گئیں۔

    مزید پڑھیں : خیبرپختونخواہ میں آج عیدالفطر منائی جا رہی ہے

    دوسری جانب ملک میں اس سال بھی دو عیدیں منانے کی روایت برقرار ہے، خیبر پختونخواہ کے مختلف علاقوں میں بھی آج عید الفطر منائی جارہی ہے جبکہ شوال کا چاند دیکھنے کے لئے رویت ہلال کمیٹی کا اجلاس آج ہوگا۔

    خیال رہے بوہرا برادری مصری کلینڈر کے حساب سے اسلامی سال کا آغاز کرتی ہے اور سارا سال اسی پر عمل پیرا رہتی ہے۔ اس کلینڈ کے تحت اُن کے اپنے طریقہ کار کے تحت سال کا آغاز اور اسلامی ماہ شروع ہونے کے دن مخصوص کیے ہوئے ہیں۔

    اس حساب سے بوہراہ برادری رمضان المبارک، عید الفطر اور عید الاضحیٰ سمیت سال کے تمام اسلامی ماہ چاند سے ایک یا دو روز قبل مناتی ہے۔

  • ملک بھرمیں بوہری برادری آج عیدالاضحیٰ منارہی ہے

    ملک بھرمیں بوہری برادری آج عیدالاضحیٰ منارہی ہے

    کراچی : ملک بھر میں بوہری برادری آج عیدالاضحیٰ مذہبی جوش وجذبے اورعقیدت واحترام کے ساتھ منا رہی ہے۔

    تفصیلات کے مطابق دنیا بھرکی طرح کراچی اور حیدرآباد سمیت ملک کے دیگر شہروں میں آباد بوہری برادری آج عیدالاضحیٰ مذہبی عقیدت واحترام کے ساتھ منارہی ہے۔

    کراچی میں بوہرہ جماعت کے تحت عیدالاضحیٰ کی نماز کے اجتماعات طاہری مسجد صدر، پاکستان چوک، سولجربازار، بلوچ کالونی، نارتھ ناظم آباد، حیدری، سٹی کورٹ، پان منڈی، شبیرآباد سمیت شہر کے مختلف مقامات پر منعقد ہوئے۔

    نمازعید کا سب سے بڑا اجتماع صدر طاہری مسجد میں ہوا جہاں بوہری برادری کی بڑی تعداد نے نماز عیدا ادا کی۔

    عیدالاضحیٰ کی نماز کے اجتماعات میں اسلام کی سربلندی اور ملک کی سلامتی کے لیے خصوصی دعائیں مانگی گئیں۔ اس موقع پر سیکورٹی کےبھرپور انتظامات کیے گئے۔

    نماز عید کے بعد حضرت ابراہیم علیہ السلام کی سنت کی اتباع کرتے ہوئے جانوروں کی قربانی کی جارہی ہے۔

    واضح رہے کہ بوہرا برادری مصری کلینڈر کے مطابق تہوار اور تقریبات کا انعقاد کرتے ہیں۔

  • مصری کلینڈر کے تحت چلنے والی ’’بوہرا برادری‘‘ آج عید منارہی ہے

    مصری کلینڈر کے تحت چلنے والی ’’بوہرا برادری‘‘ آج عید منارہی ہے

    کراچی: دنیا بھر کی طرح شہر قائد اور حیدرآباد سمیت ملک کے دیگر علاقوں میں مصری کلینڈر پر عمل پیرا ’’بوہرا برادری‘‘ آج مذہبی عقیدت و احترام کے ساتھ عید الاضحیٰ منارہی ہے۔

    تفیصلات کے مطابق دنیا بھر میں اسلامی کلینڈر کے حساب سے چلنے والی بوہرا برادری آج مذہبی جوش وجذبے سے عیدِ قرباں منارہی ہے، اس ضمن میں کراچی میں بوہری برادری کا نماز عید کا سب سے بڑا اجتماع صدر کی طاہری مسجد میں منعقد کیا گیا۔

    علاوہ ازیں کراچی کے مختلف علاقوں آدم مسجد سٹی کورٹ، سولجر بازار، حیدری مارکیٹ اور شیر آباد سمیت دیگر مقامات پر بھی عید کی نماز ادا کی گئی جس میں ملک کی ترقی و خوشحالی اور امن و سلامتی کے لیے خصوصی دعائیں کی گئیں۔

    سیکیورٹی خدشات کے پیش نظر ہر سال کی طرح امسال بھی بوہرا برادری کے اپنے سیکیورٹی رضاکاروں نے فرائض انجام دیئے تاہم سندھ حکومت کی خصوصی ہدایت پر نماز عید کی ادائیگی کے موقع پر پولیس کی بھاری نفری اور اعلیٰ حکام بھی موجود تھے۔ نماز عید کے بعد بوہرا برادری نے سنت ابراہیمی پر عمل کرتے ہوئے جانوروں ذبح بھی کیے اور کمیونٹی کے افراد کو عید الضحیٰ کی مبارک باد بھی پیش کی۔

    یاد رہے بوہرا برادری مصری کلینڈر کے حساب سے اسلامی سال کا آغاز کرتی ہے اور سارا سال اسی پر عمل پیرا رہتی ہے۔ اس کلینڈ کے تحت اُن کے اپنے طریقہ کار کے تحت سال کا آغاز اور اسلامی ماہ شروع ہونے کے دن مخصوص کیے ہوئے ہیں۔ اس حساب سے بوہراہ برادری رمضان المبارک، عید الفطر اور عید الاضحیٰ سمیت سال کے تمام اسلامی ماہ چاند سے ایک یا دو روز قبل مناتی ہے۔