Tag: بچوں کی لاشیں

لاہور : قبروں سے بچوں کی لاشیں نکالنے والے ملزم کو گرفتار کرلیا گیا، ملزم نے اپنے ابتدائی بیان میں کہا کہ بچوں کی قبروں پر مٹی ڈالنے کے خلاف ہے۔

تفصیلات کے مطابق صوبائی دارلحکومت لاہور میں ساندہ پولیس نے قبروں سے بچوں کی لاشیں نکالنے والے ملزم کو گرفتار کرلیا۔

پولیس نے بتایا کہ ملزم مانی نےاب تک 5بچوں کی لاشیں قبروں سے نکالیں، ملزم ذہنی مریض معلوم ہوتا ہے تاہم ملزم کیخلاف دفعہ 297 کے تحت مقدمہ درج کرلیا۔

ملزم نے اپنے ابتدائی بیان میں کہا کہ بچوں کی قبروں پر مٹی ڈالنے کے خلاف ہے،پولیس کا کہنا ہے کہ ملزم بچوں کی تدفین کےچندگھنٹےبعد قبرسےلاش نکال لیتا تھا اور بچوں کی لاش کو قبر سے 10 سے 15 گز کے فاصلے پر رکھ دیتا تھا۔

پولیس نے مزید بتایا کہ ملزم مانی لاش کے ورثا کو اپنی کارروائی کی اطلاع بھی خود کرتا تھا۔

کراچی : اسپتال میں مبینہ طور پر 2 بچوں کی لاشیں چھوڑ کر جانے والی خواتین کی اسپتال سے فرار کی سی سی ٹی وی فوٹیج سامنے آگئی، پولیس کا کہنا ہے کہ خاتون کو تلاش کررہے ہیں، جلد گرفتار کرلیں گے۔

تفصیلات کے مطابق کراچی کے علاقے نارتھ ناظم آباد کے اسپتال میں کچرے دان سے2بچوں کی لاشیں ملنے کے واقعے تحقیقات جاری ہے، ۔مبینہ طورپرلاشیں چھوڑ کر جانے والی خواتین کی اسپتال سے فرار کی سی سی ٹی وی فوٹیج سامنے آگئی ہے۔

فوٹیج میں مبینہ ملزمہ خاتون کو وہیل چیئر پر بیٹھے دیکھا جاسکتا ہے جبکہ دوسری خاتون وہیل چیئرچھوڑ کر کینٹین اور فارمیسی کی جانب گئی۔

فوٹیج میں دیکھاجاسکتاہےساتھی خاتون نے ممکنہ طور پر کچھ سامان خریدا اور واپس آئی اور واپس آتے ہی وہیل چئیر لے کر رکنے والے رکشے کی جانب گئی، مبینہ ملزمہ خاتون وہیل چیئر سے کھڑی ہوئی اور خود رکشے میں بیٹھی۔

دوسری جانب ساتھی خاتون بیٹھی اور دونوں اسپتال سے نکل گئے، فوٹیج میں2خواتین کو اسپتال کے باہر احاطے میں دیکھا جاسکتا ہے تاہم پولیس کا کہنا ہے کہ خاتون کو تلاش کررہے ہیں، جلد گرفتار کرلیں گے۔