Tag: بچی زیادتی کے بعد قتل

فیصل آباد: پنجاب کے شہر فیصل آباد میں 5 سالہ معصوم بچی میرب کے ساتھ زیادتی اور اس کے قتل کا مجرم پکڑ میں آ گیا، پولیس کا کہنا ہے کہ قاتل سوتیلا باپ ہے۔

تفصیلات کے مطابق فیصل آباد میں مبینہ زیادتی کے بعد قتل کی گئی میرب کا پوسٹ مارٹم بھی آج مکمل ہو گیا ہے، رپورٹ میں کہا گیا ہے کہ بچی کو زیادتی کے بعد گلا دبا کر قتل کیا گیا۔

پولیس کا کہنا ہے کہ 5 سال کی میرب کا قاتل سوتیلا باپ نکلا ہے، ملزم شہزاد مسیح دوران تفتیش بار بار بیان بدل رہا تھا، جس پر شک ہوا، ملزم نے دوران تفتیش بچی سے زیادتی اور قتل کا اعتراف بھی کر لیا۔

پولیس نے آج بچی کی والدہ کی مدعیت میں مقدمہ بھی درج کر لیا ہے، والدہ نے اپنے دل خراش بیان کہا کہ میرب اپنے دادا کے ساتھ دودھ لینےگئی تھی اور راستے میں پیچھے سے غائب ہو گئی۔

بچی کی والدہ کا کہنا ہے کہ تلاش کرنے پر بچی کی لاش گھر کے قریب سے ملی، انھوں نے مطالبہ کیا کہ میری بیٹی قتل کرنے والے ملزم کو پھانسی یا میری آنکھوں کے سامنے گولی ماری جائے۔

ایک اور ننھی کلی مبینہ زیادتی کے بعد قتل

پولیس کا کہنا ہے کہ پانچ سالہ بچی گزشتہ روز گھر سے باہر کھیلتے ہوئے لا پتا ہوئی تھی اور پھر اس کی لاش کھیتوں سے ملی، مجرم نے زیادتی کے بعد شناخت ظاہر ہونے کے خوف سے بچی کو گلا دبا کر قتل کیا۔

بچی کی والدہ نے 3 ماہ قبل دوسری شادی کی تھی، پولیس نے سوتیلے باپ کو بھی شامل تفتیش کر لیا تھا۔

راولپنڈی: معصوم بچوں کے ساتھ زیادتی اور قتل کے واقعات کا سلسلہ جاری ہے، 7 سال کی ایک اور معصوم بچی مبینہ زیادتی کے بعد قتل کر دی گئی، ملزم گھر کا فرد نکلا۔

تفصیلات کے مطابق راولپنڈی کے علاقے ڈھوک چوہدریاں میں 7 سال کی بچی سدرہ مبینہ زیادتی کے بعد قتل ہو گئی، پولیس نے بچی کی لاش پوسٹ مارٹم کے لیے ڈی ایچ کیو اسپتال منتقل کی، جہاں پوسٹ مارٹم کے بعد بچی سے زیادتی کی تصدیق ہو گئی۔

سی پی او راولپنڈی کا کہنا تھا ملزم بچی کا قریبی رشتہ دار ہے، ملزم نے بچی کے قتل کا اعتراف کر لیا ہے، پولیس کی بر وقت کارروائی سے ملزم کو فرار ہونے کا موقع نہیں مل سکا۔

راولپنڈی میں رونما ہونے والے اس افسوس ناک واقعے کے سلسلے میں بچی سدرہ کے والد نوراللہ نے پولیس کو بتایا کہ جب وہ کام سے واپس گھر آیا تو گھر کا دروازہ کھلا ہوا تھا، بیوی سوئی ہوئی تھی، میں نے دیکھا کہ بچی مردہ حالت میں کمرے کے باہر پڑی ہوئی ہے۔

گھر میں مبینہ طور پر زیادتی کا نشانہ بننے کے بعد قتل ہونے والی معصوم بچی کے حوالے سے پولیس نے بتایا کہ بچی کی ناک اور منہ سے خون نکل رہا تھا اور گھٹنے پر چوٹ کا نشان ہے۔

پولیس نے سات سال کی معصوم بچی کے ساتھ زیادتی اور قتل کے الزام میں بچی کے چچا کو حراست میں لے لیا تھا۔

ادھر وزیر اعلیٰ پنجاب عثمان بزدار نے راولپنڈی میں مبینہ زیادتی کے بعد بچی کے قتل کے واقعے کا نوٹس لے لیا ہے، وزیر اعلیٰ نے آر پی او راولپنڈی سے رپورٹ طلب کر کے افسوس ناک واقعے میں ملوث ملزمان کی جلد گرفتاری کا حکم دے دیا۔ عثمان بزدار نے کہا متاثرہ خاندان کو ہر صورت انصاف کی فراہمی یقینی بنائی جائے۔